సగం గ్రామాలకు కంటివెలుగు

కంటివెలుగు కార్యక్రమం విజయవంతంగా కొనసాగుతున్నది. రాష్ట్రంలోని సగం గ్రామాలు, 60 శాతం పట్టణ వార్డుల్లో శిబిరాలు పూర్తయ్యాయి. నివారింపదగిన అంధత్వ రహిత తెలంగాణే లక్ష్యంగా సీఎం కేసీఆర్‌ జనవరి 18న రెండో విడత కంటివెలుగును ప్రారంభించారు.

• 60 శాతం పట్టణ వార్డుల్లో పూర్తయిన శిబిరాలు

హైదరాబాద్‌, మార్చి 26 (నమస్తే తెలంగాణ): కంటివెలుగు కార్యక్రమం విజయవంతంగా కొనసాగుతున్నది. రాష్ట్రంలోని సగం గ్రామాలు, 60 శాతం పట్టణ వార్డుల్లో శిబిరాలు పూర్తయ్యాయి. నివారింపదగిన అంధత్వ రహిత తెలంగాణే లక్ష్యంగా సీఎం కేసీఆర్‌ జనవరి 18న రెండో విడత కంటివెలుగును ప్రారంభించారు. మరుసటి రోజు నుంచి రాష్ట్రవ్యాప్తంగా కంటి పరీక్షలు మొదలయ్యాయి.

• గ్రామీణ ప్రాంతాల్లో 12,763 క్యాంపులు నిర్వహించాలని లక్ష్యంగా పెట్టుకున్నారు. ఇందులో ఇప్పటివరకు 5,942 గ్రామాల్లో శిబిరాలు పూర్తయ్యాయి. ఇది లక్ష్యంలో 47 శాతం. మరో 948 గ్రామాల్లో (7.41 శాతం) పరీక్షలు తుది దశలో ఉన్నాయి.
• పట్టణాల్లో ప్రతి వార్డులో ఒక క్యాంపు చొప్పున మొత్తం 3,788 శిబిరాలు నిర్వహించాలని లక్ష్యంగా నిర్దేశించుకున్నారు. ఇప్పటివరకు 2,024 వార్డుల్లో (58.67 శాతం) శిబిరాలు పూర్తయ్యాయి. మరో 502 వార్డుల్లో (14.55 శాతం) కంటి పరీక్షలు జరుగుతున్నాయి.
• రాష్ట్రవ్యాప్తంగా కోటిన్నర మందికి కంటి పరీక్షలు చేయాలని లక్ష్యంగా పెట్టుకోగా, 88.51 లక్షల మందికి పరీక్షలు జరిగాయి. అంటే లక్ష్యంలో 55.79 శాతం పూర్తయింది. 14.69 లక్షల మందికి ఉచితంగా రీడింగ్‌ అద్దాలు పంపిణీ చేశారు. 10.82 లక్షల మందికి ప్రిస్క్రిప్షన్‌ గ్లాసెస్‌ కోసం రెఫర్‌ చేశారు. ఇన్ఫెక్షన్లు ఉన్న వారికి చుకల మందుతో పాటు విటమిన్‌ ఏ, డీ, బీ కాంప్లెక్స్‌ ట్యాబ్లెట్లు ఇస్తున్నారు.
• గ్రామీణ ప్రాంతాల్లో పీహెచ్‌సీ, పట్టణ ప్రాంతాల్లో యూపీహెచ్‌సీ యూనిట్‌గా తీసుకొని శిబిరాలు నిర్వహిస్తున్నారు. ఆశ వరర్లు, ఏఎంఎంలు, అధికారులు గ్రామాల్లో జనాభా వారీగా వివరాలు సేకరించి అందుకు అనుగుణంగా పరీక్షలు చేస్తున్నారు. స్థానిక ప్రజా ప్రతినిధులు, సర్పంచులు, పంచాయతీ కార్యదర్శులు, మున్సిపల్‌ చైర్మన్లు, కమిషనర్లు, కౌన్సిలర్లు సహాయం అందిస్తున్నారు.