కామారెడ్డిలో షెడ్ల కూల్చివేతలు

కామారెడ్డి జిల్లా కేంద్రంలోని వీక్లీ మార్కెట్‌ సమీపంలోని ప్రభుత్వ స్థలంలో ఆక్రమణలను మున్సిపల్‌ అధికారులు సోమవారం తొలగించారు. సర్వే నం.6లో కొందరు అక్రమంగా కట్టుకున్న దుకాణాలు, షెడ్లను పోలీసులు, రెవెన్యూ అధికారుల సహకారంతో జేసీబీలతో తొలగించారు.

కామారెడ్డి, డిసెంబర్‌ 1 : కామారెడ్డి జిల్లా కేంద్రంలోని వీక్లీ మార్కెట్‌ సమీపంలోని ప్రభుత్వ స్థలంలో ఆక్రమణలను మున్సిపల్‌ అధికారులు సోమవారం తొలగించారు. సర్వే నం.6లో కొందరు అక్రమంగా కట్టుకున్న దుకాణాలు, షెడ్లను పోలీసులు, రెవెన్యూ అధికారుల సహకారంతో జేసీబీలతో తొలగించారు.

25 సంవత్సరాలుగా ఈ దుకాణాలపైనే ఆధారపడి బతుకున్నామని, టాక్స్‌ కడుతున్నామని, ఇప్పుడు వాటిని తొలగించడం సరికాదని బాధితులు ఆవేదన వ్యక్తం చేశారు. కోర్టు నుంచి స్టే కూడా తెచ్చుకున్నామని, మున్సిపల్‌ అధికారులు ఇలా తొలగించడం సరికాదని వాపోయారు. అక్రమ నిర్మాణాలను తొలగించామని మున్సిపల్‌ అధికారులు పేర్కొన్నారు.