స్ట్రే వేకెన్సీ సీట్లకు నేటి నుంచి దరఖాస్తులు

ఎంబీబీఎస్‌ కన్వీనర్‌ కోటా సీట్ల భర్తీకి కాళోజీ హెల్త్‌ యూనివర్సిటీ స్ట్రే వెకెన్సీ నోటిఫికేషన్‌ విడుదల చేసింది. రాష్ట్రవ్యాప్తంగా వైద్య కళాశాలల్లో ఎంబీబీఎస్‌ కన్వీనర్‌ కోటా సీట్ల భర్తీకి మూడు విడతల కౌన్సెలింగ్‌ పూర్తయ్యిందని, కన్వీనర్‌ కోటాలో ఖాళీగా ఉన్న సీట్లను ఈ నోటిఫికేషన్‌ ద్వారా భర్తీ చేస్తామని యూనివర్సిటీ తెలిపింది.

• కాళోజీ హెల్త్‌ యూనివర్సిటీ నోటిఫికేషన్‌ జారీ

వరంగల్‌ చౌరస్తా, సెప్టెంబర్‌ 25: ఎంబీబీఎస్‌ కన్వీనర్‌ కోటా సీట్ల భర్తీకి కాళోజీ హెల్త్‌ యూనివర్సిటీ స్ట్రే వెకెన్సీ నోటిఫికేషన్‌ విడుదల చేసింది. రాష్ట్రవ్యాప్తంగా వైద్య కళాశాలల్లో ఎంబీబీఎస్‌ కన్వీనర్‌ కోటా సీట్ల భర్తీకి మూడు విడతల కౌన్సెలింగ్‌ పూర్తయ్యిందని, కన్వీనర్‌ కోటాలో ఖాళీగా ఉన్న సీట్లను ఈ నోటిఫికేషన్‌ ద్వారా భర్తీ చేస్తామని యూనివర్సిటీ తెలిపింది.

అర్హులైన అభ్యర్థులు మంగళవారం సాయంత్రం 4 గంటల వరకు వెబ్‌ ఆప్షన్లు ఇచ్చుకోవాలని సూచించింది. ప్రభుత్వ, ప్రైవేట్‌ ఆయుష్‌ కళాశాలల్లో కన్వీనర్‌ కోటా బీఏఎంఎస్‌, బీహెచ్‌ఎంఎస్‌, బీయూఎంఎస్‌, బీఎన్‌వైఎస్‌ కోర్సుల్లో ప్రవేశాలకు దరఖాస్తు కోరుతూ యూనివర్సిటీ సోమవారం ప్రకటన జారీ చేసింది. అభ్యర్థులు మంగళవారం ఉదయం 8 నుంచి అక్టోబర్‌ 2వ తేదీ రాత్రి 8 గంటల వరకు ఆన్‌లైన్‌ రిజిస్ట్రేషన్‌ చేసుకోవాలని కోరింది.