Double Bedroom Houses | డబుల్ ఇండ్లు స్థానికేతరులకు ఎట్లిస్తరు?.. జియాగూడలో ఉద్రిక్త
జియాగూడలోని డబుల్ బెడ్రూం ఇండ్లను స్థానికేతరులకు కేటాయించవద్దంటూ ఆ ప్రాంతవాసులు ఆందోళనకు దిగారు. దీంతో జియాగూడలోని డబుల్ బెడ్రూం ఇండ్ల వద్ద శుక్రవారం రాత్రి ఉద్రిక్త వాతావరణం నెలకొన్నది. అయితే పోలీసులు, రెవెన్యూ అధికారులు వారికి నచ్చజెప్పడంతో వివాదం సద్దుమణిగింది.
- అధికారుల వివరణతో శాంతించిన స్థానికులు
Double Bedroom Houses | కార్వాన్, సెప్టెంబర్ 27: జియాగూడలోని డబుల్ బెడ్రూం ఇండ్లను స్థానికేతరులకు కేటాయించవద్దంటూ ఆ ప్రాంతవాసులు ఆందోళనకు దిగారు. దీంతో జియాగూడలోని డబుల్ బెడ్రూం ఇండ్ల వద్ద శుక్రవారం రాత్రి ఉద్రిక్త వాతావరణం నెలకొన్నది. అయితే పోలీసులు, రెవెన్యూ అధికారులు వారికి నచ్చజెప్పడంతో వివాదం సద్దుమణిగింది. ప్రభుత్వం చేపట్టిన కూల్చివేతల్లో భాగంగా జుమ్మేరాత్ బజార్ ఉప్పలమ్మ ఆలయం సమీపంలో నివసిస్తున్న 16 కుటుంబాలను నోటీసులిచ్చి ఖాళీ చేయించారు. వారికి జియాగూడలోని డబుల్ బెడ్రూం ఇండ్లు కేటాయించారు.
దీంతో వారంతా శుక్రవారం రాత్రి తమ సామాన్లతో జియాగూడకు చేరుకున్నారు. విషయం తెలుసుకున్న స్థానికులు అక్కడికి చేరుకొని వారిని అడ్డుకునేందుకు ప్రయత్నించారు. దీంతో ఉద్రిక్త వాతావరణం ఏర్పడింది. సమాచారం తెలుసుకున్న డిప్యూటీ కలెక్టర్, ఆసిఫ్నగర్ తహసీల్దార్ జ్యోతి, స్థానిక కార్పొరేటర్ దర్శన్ అక్కడికి చేరుకున్నారు. డబుల్ బెడ్రూం ఇండ్లను తమ ప్రాంతం వారికే కేటాయించాలంటూ గత నాలుగేండ్లుగా ప్రభుత్వంతో పోరాడుతున్నామని, ఇప్పుడు అకస్మాత్తుగా బయటివారికి ఎలా కేటాయిస్తారని అధికారులతో వాగ్వాదానికి దిగారు.
తమ ప్రాంతంలో కూడా సర్వే చేస్తున్నారని ఇక్కడ ఇండ్లు కోల్పోయేవారికి ఇక్కడే కేటాయించాలని అధికారులకు విజ్ఞప్తి చేశారు. ఖాళీగా ఉన్న ఇండ్లను జియాగూడలోని పేద ప్రజలకే ఇవ్వాలని డిమాండ్ చేశారు. అధికారులు మాట్లాడుతూ.. కేవలం 16 మందికే పట్టాలు ఇచ్చామని, ఇకముందు స్థానికులకే ప్రాధాన్యం ఇస్తామని తెలపడంతో సమస్య సద్దుమణిగింది. ఈ పట్టాలు అందుకున్న 16 మందిలో 11 కుటుంబాలు మాత్రమే డబుల్ బెడ్రూం ఇండ్లలోకి ప్రవేశించాయి. మిగతా ఐదు కుటుంబాలవారు సరైన పత్రాలు తేలకపోవడంతో వారికి కొంత సమయమిచ్చారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
‘ఇబ్బందులు ఎదురైతే భయపడకుండా తెలుపాలి’
Samantha Ruth Prabhu | తల్లిదండ్రులైన సమంత – రాజ్ నిడిమోరు.. కొడుకుకు ‘దేవ్ నిడిమోరు’ అని నామకరణం!
Harish Rao | రేవంత్ రెడ్డికి కేసీఆర్ అంటే భయం పట్టుకుంది : హరీశ్ రావు
Delhi Capitals | దిల్లీ క్యాపిటల్స్కు మహేల జయవర్దనే.. తొలి టైటిల్ సాధించేనా..!
ఉర్సు వేడుకలను విజయవంతం చేయాలి : ఎమ్మెల్యే కోరం కనకయ్య
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

