హైదరాబాద్‌లో ఇంటర్న్‌షిప్స్‌ 3 శాతమే..

ఇటీవల ఇంటర్న్‌షిప్‌ వైపు విద్యార్థులు ఆసక్తి చూపుతున్నారు. ఒకవైపు చదుకుంటూనే మరోవైపు నైపుణ్యాన్ని మెరుగుపర్చుకుంటూ, పారితోషికాన్ని ఆర్జించేందుకు ఇంటర్న్‌షిప్‌ చేసేందుకు మొగ్గు చూపుతున్నారు.

• 34 శాతంతో ఢిల్లీ నగరం టాప్‌
• తర్వాతి స్థానాల్లో ముంబై, బెంగళూరు
• ఇంటర్న్‌షాలా వార్షిక నివేదికలో వెల్లడి

హైదరాబాద్‌, జనవరి 22 (నమస్తే తెలంగాణ): ఇటీవల ఇంటర్న్‌షిప్‌ వైపు విద్యార్థులు ఆసక్తి చూపుతున్నారు. ఒకవైపు చదుకుంటూనే మరోవైపు నైపుణ్యాన్ని మెరుగుపర్చుకుంటూ, పారితోషికాన్ని ఆర్జించేందుకు ఇంటర్న్‌షిప్‌ చేసేందుకు మొగ్గు చూపుతున్నారు. గత ఐదేండ్లల్లో దేశంలో ఇంటర్న్‌షిప్స్‌ 200 శాతం పెరుగుదలను నమోదుచేశాయి. వీటిలో 23 శాతం ప్రీ ప్లేస్‌మెంట్‌ ఆఫర్లే కావడం విశేషం. హైదరాబాద్‌ ఇంటర్న్‌షిప్‌ వాటా కేవలం 3 శాతం మాత్రమే. రాష్ర్టాల వారీగా తీసుకుంటే ఢిల్లీ 34 శాతంతో ముందంజలో ఉండగా, ముంబై 16, బెంగళూరు 10 శాతంతో టాప్‌-3 స్థానాల్లో ఉన్నాయి. పుణె 5, హైదరాబాద్‌, జైపూర్‌ 3 శాతం ఇంటర్న్‌షిప్‌ వాటానే కలిగి ఉన్నాయి. ఈ ఆసక్తికరమైన ఈ విషయాలను ఇంటర్న్‌షాలా తన వార్షిక నివేదికలో వెల్లడించింది.

ఇంటర్న్‌షాలా నివేదిక ప్రధాన వివరాలు

• ఇంటర్న్‌షిప్‌నకు షార్ట్‌లిస్ట్‌ చేసిన దరఖాస్తుదారుల్లో 33 శాతం బీటెక్‌ అర్హత గల వారు కాగా, 23 శాతం మంది ఫ్రెష్‌ గ్రాడ్యుయేట్లు ఉన్నారు. మీడియా ఇంటర్న్‌షిప్స్‌ 18 శాతం ఉండగా, డేటా సైన్స్‌లో అతి తక్కువగా కేవలం ఒక శాతం ఇంటర్న్‌షిప్స్‌ నమోదయ్యాయి.
• 2023లో గరిష్ఠ ైస్టెఫెండ్‌ నెలకు రూ.1.35 లక్షలకు చేరింది. సగటు ైస్టెఫెండ్‌ రూ.8 వేలుగా ఉంది.
• బీటెక్‌ థర్డ్‌ ఇయర్‌ విద్యార్థులు 22 శాతం ఇంటర్న్‌షిప్‌ చేస్తుండగా, బీటెక్‌ ఫైనలియర్‌ వారు 19 శాతం మాత్రమే ఉన్నారు.
• సేల్స్‌, మార్కెటింగ్‌, డిజిటల్‌ మార్కెటింగ్‌, బిజినెస్‌ డెవలప్‌మెంట్‌, కస్టమర్‌ సపోర్ట్‌ అండ్‌ ఆపరేషన్స్‌ రంగాలు ఎక్కువగా ఇంటర్న్‌షిప్‌ ఆఫర్‌ చేస్తున్నాయి.
• 48 శాతం వర్క్‌ ఫ్రమ్‌ హోంలో, మరో 42 శాతం కార్యాలయాల్లో ఇంటర్న్‌షిప్‌ చేస్తున్నారు.
• వెర్బల్‌, స్పోకెన్‌ ఇంగ్లిష్‌ ప్రావీణ్యతలను 15 శాతం, ఎంఎస్‌ ఎక్సెల్‌, సోషల్‌మీడియా, డిజిటల్‌ మార్కెటింగ్‌ నైపుణ్యాలను 4 శాతం వరకు రిక్రూటర్లు ప్రాధాన్యమిస్తున్నారు.