నేడు నింగిలోకి ‘ధ్రువ’ ఉపగ్రహాలు
అంతరిక్ష ప్రయోగాలకు హైదరాబాద్ ప్రధాన కేంద్రంగా మారుతున్నది. ఆకాశమే హద్దుగా ఇక్కడి స్టార్టప్స్ దూసుకుపోతున్నాయి. స్కైరూట్ స్టార్టప్ ఈ నెల 18న చిన్న రాకెట్ను నింగిలోకి విజయవంతంగా పంపించి సత్తాచాటింది.
- తొమ్మిందింటిని ప్రయోగిస్తున్న ఇస్రో
- వీటిలో 2 హైదరాబాద్లో తయారైనవే
- కొత్త చరిత్ర లిఖించనున్న మరో స్టార్టప్
హైదరాబాద్ సిటీబ్యూరో, నవంబర్ 25 (నమస్తే తెలంగాణ): అంతరిక్ష ప్రయోగాలకు హైదరాబాద్ ప్రధాన కేంద్రంగా మారుతున్నది. ఆకాశమే హద్దుగా ఇక్కడి స్టార్టప్స్ దూసుకుపోతున్నాయి. స్కైరూట్ స్టార్టప్ ఈ నెల 18న చిన్న రాకెట్ను నింగిలోకి విజయవంతంగా పంపించి సత్తాచాటింది. శనివారం మరో హైదరాబాద్ స్టార్టప్ కంపెనీ ధ్రువ స్పేస్ చిన్న ఉపగ్రహాలను నింగిలోకి పంపించేందుకు సిద్ధమైంది. శ్రీహరికోటలోని సతీశ్ధావన్ స్పేస్సెంటర్(షార్)లో పీఎస్ఎల్వీ-సీ54 రాకెట్ ద్వారా ఒకేసారి 9 ఉపగ్రహాలను ఇస్రో పంపుతుండగా, రెండు చిన్న ఉపగ్రహాలు థైబోల్ట్-1, థైబోల్ట్-2 ధ్రువ తయారుచేసినవే. అంతరిక్ష రంగ పరిశోధనలను, అభివృద్ధిని ప్రోత్సహించేందుకు రాష్ట్ర ప్రభుత్వం స్పేస్టెక్ ఫ్రేమ్వర్క్ను అమలుచేస్తున్నది.
చిన్న ఉపగ్రహాల తయారీలో దేశంలోనే తొలి ప్రైవేటు కంపెనీగా ధ్రువ స్పేస్కు గుర్తింపు ఉన్నది. బేగంపేట, మేడ్చల్ కేంద్రంగా పదేండ్లుగా ఈ సంస్థ అంతరిక్ష ప్రయోగాలను చేపట్టింది. శనివారం ప్రయోగం విజయవంతమైతే అంతరిక్షంలో హైదరాబాద్ కీర్తి పతాకం మరోసారి రెపరెపలాడుతుంది. అంతరిక్ష ప్రయోగాల్లో హైదరాబాద్కు మరింత పేరు ప్రఖ్యాతులు దక్కుతాయి. ‘దేశంలోనే ప్రైవేట్ పరిశ్రమల నేతృత్వంలో అంతరిక్ష విప్లవానికి నాంది పలికాం. రాష్ట్ర ప్రభుత్వంతోపాటు ఇస్రో, ఇన్స్పేస్, న్యూ స్పేస్ఇండియా సంస్థలు ప్రయోగాలకు సహకరిస్తున్నాయి’ అని ధ్రువ స్పేస్ ప్రైవేట్ లిమిటెడ్ సీఈవో సంజయ్ నెక్కంటి తెలిపారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

