న్యాయస్థానాలంటే లెకలేదా.. ఐఏఎస్‌లను ప్రశ్నించిన హైకోర్టు

చేపపిల్లలు పంపిణీ చేసినవారికి నగదు చెల్లింపులు చేయాలని గత డిసెంబర్‌లో జారీచేసిన ఉత్తర్వులను అమలు చేసే తీరిక ఐఏఎస్‌ అధికారులకు లేదా? అని హైకోర్టు ప్రశ్నించింది. కోర్టు ఉత్తర్వులపై ఎందుకు స్పందించరని నిలదీసింది.

హైదరాబాద్‌, జూలై 16 (నమస్తే తెలంగాణ): చేపపిల్లలు పంపిణీ చేసినవారికి నగదు చెల్లింపులు చేయాలని గత డిసెంబర్‌లో జారీచేసిన ఉత్తర్వులను అమలు చేసే తీరిక ఐఏఎస్‌ అధికారులకు లేదా? అని హైకోర్టు ప్రశ్నించింది. కోర్టు ఉత్తర్వులపై ఎందుకు స్పందించరని నిలదీసింది.

ఆ ఉత్తర్వులను అమలు చేయకపోవడం, కోర్టు ధికరణ పిటిషన్‌పై విచారణ సమయంలో చిట్టచివరి అవకాశం కల్పించినప్పటికీ కదలిక లేకపోవడం, కనీసం ఐఏఎస్‌ అధికారులు తమ వాదనలతో కౌం టర్‌ పిటిషన్‌ కూడా దాఖలు చేయకపోవడం ఏమిటని ఆగ్రహం వ్యక్తం చేసింది. ఈ నెల 30న జరిగే విచారణకు స్వయంగా వివరణ ఇవ్వండి’ అని వారిని ఆదేశించింది. ఈ మేరకు రాష్ట్ర మత్స్యశాఖ ముఖ్య కార్యదర్శి సవ్యసాచి ఘోష్‌, తదితరులకు నోటీసులు జారీ చేసింది.