హరితహారంతో అటవీ విస్తీర్ణం వృద్ధి

మాజీ ముఖ్యమంత్రి కే చంద్రశేఖర్‌రావు హయాంలో బీఆర్‌ఎస్‌ ప్రభుత్వం చేపట్టిన ‘హరితహారం’ కార్యక్రమం వల్ల రాష్ట్రంలో అటవీ విస్తీర్ణం గణనీయంగా పెరిగింది. ఇదే విషయాన్ని కేంద్ర ప్రభు త్వం రాజ్యసభలో వెల్లడించింది.

• రాజ్యసభ సాక్షిగా వెల్లడించిన కేంద్ర ప్రభుత్వం

హైదరాబాద్‌, ఆగస్టు 9 (నమస్తే తెలంగాణ): మాజీ ముఖ్యమంత్రి కే చంద్రశేఖర్‌రావు హయాంలో బీఆర్‌ఎస్‌ ప్రభుత్వం చేపట్టిన ‘హరితహారం’ కార్యక్రమం వల్ల రాష్ట్రంలో అటవీ విస్తీర్ణం గణనీయంగా పెరిగింది. ఇదే విషయాన్ని కేంద్ర ప్రభు త్వం రాజ్యసభలో వెల్లడించింది. గత ప దేండ్లలో దేశవ్యాప్తంగా 1,700 చదరపు కిలోమీటర్ల అటవీ భూమి తగ్గినప్పటికీ తెలంగాణలో 647 చ.కి.మీ. పచ్చదనం పెరిగినట్టు ప్రకటించింది. 2015 జూలైలో ప్రా రంభమైన హరితహారంలో భాగంగా 9 వి డతల్లో మొత్తం 273.33 కోట్ల మొక్కలను నాటారు. ఇందుకోసం ప్రభుత్వం తొమ్మిదేండ్లలో దాదాపు రూ.10,822 కోట్లు ఖ ర్చు చేసింది. రాష్ట్ర వ్యాప్తంగా 14,864 న ర్సరీలు, 13,657 ఎకరాల్లో 19,472 పల్లె ప్రకృతి వనాలు, 6,298 ఎకరాల్లో 2,011 బృహత్‌ ప్రకృతి వనాలు, 1,00,691 కి. మీ. రహదారి వనాలు ఏర్పాటు చేసింది.

మెట్రో నగరాల్లో హైదరాబాద్‌ టాప్‌

అటవీ విస్తీర్ణాన్ని పెంచుకున్న మెట్రో నగరాల జాబితాలో హైదరాబాద్‌ అగ్రస్థానంలో నిలిచినట్టు కేంద్ర ప్రభుత్వం వెల్లడించింది. 2019- 2021 మధ్య అటవీ విస్తీర్ణం ఎక్కువగా పెరిగిన రాష్ట్రాల జాబితాలో ఆంధ్రప్రదేశ్‌ (647 చ.కి.మీ.), తె లంగాణ (632 చ.కి.మీ.), ఒడిశా (537 చ.కి.మీ.) వరుస స్థానాల్లో నిలిచాయి.

హరితహారానికి గుర్తింపు, అవార్డులు

• ఐక్యరాజ్య సమితి ఆధ్వర్యంలోని ఫుడ్‌ అండ్‌ అగ్రికల్చర్‌ ఆర్గనైజేషన్‌ 2020, 2021లో హైదరాబాద్‌ను ‘ట్రీ సిటీ ఆఫ్‌ ద వరల్డ్‌’గా గుర్తించి అర్బన్‌ డే ఫౌండేషన్‌ అవార్డు ప్రదానం చేసింది.
• నీతి ఆయోగ్‌ సమీకృత అభివృద్ధి లక్ష్యా ల సూచీల్లో (2020- 21) అడవుల పెంపు విభాగంలో ప్రథమ స్థానం.
• 2022లో ఐఏహెచ్‌పీ హైదరాబాద్‌కు ‘వరల్డ్‌ గ్రీన్‌ సిటీ’ అవార్డు ఇచ్చింది.
• వరల్డ్‌వైడ్‌ ఫండ్‌ ఫర్‌ నేచర్‌ (డబ్ల్యూడబ్ల్యూఎఫ్‌) నిర్వహించిన ‘సిటీ నేచర్‌ చాలెంజ్‌-2023లో హైదరాబాద్‌ మొదటి స్థానంలో నిలిచి, అత్యధిక జీవవైవిధ్య నగరంగా గుర్తింపు పొందింది.
• పచ్చదనం పెంపులో తెలంగాణ దేశంలోనే అగ్రగామిగా ఉన్నట్టు సెంటర్‌ ఫర్‌ సైన్స్‌ అండ్‌ ఎన్విరాన్మెంట్‌ (సీఎస్‌ఈ) సంస్థ వెల్లడించింది.

హరితహారం కొనసాగించాలి

భారత్‌లో గత దశా బ్ద కాలంగా 1,700 చ.కి.మీ. అటవీ భూ మి తగ్గినప్పటికీ తెలంగాణలో పచ్చదనం గ ణనీయంగా పెరిగింది. మాజీ ముఖ్యమంత్రి, బీఆర్‌ఎస్‌ అధినేత కేసీఆర్‌ ప్రతిష్ఠాత్మకంగా ప్రారంభించిన హరితహారం కార్యక్రమం విజయవంతమైందనడానికి ఇదే నిదర్శనం. దీనిని కాంగ్రెస్‌ ప్రభుత్వం కొనసాగిస్తుందని ఆశిస్తున్నా.

-సంతోష్‌ కుమార్‌, మాజీ ఎంపీ