బీసీ ఉద్యోగార్థులకు స్టైపెండ్ 5వేలు

రాష్ట్ర ప్రభుత్వం ప్రతిష్ఠాత్మకంగా భర్తీచేస్తున్న 80 వేల పైచిలుకు ఉద్యోగాల రిక్రూట్‌మెంట్‌కు బీసీ కులాలకు చెందిన అభ్యర్థులకు నాణ్యమైన కోచింగ్‌ ఇచ్చేందుకు బీసీ మంత్రిత్వశాఖ అన్‌ అకాడమీ సంస్థతో ఆ శాఖ ఎంవోయూ కుదుర్చుకున్నది. దాదాపు రూ.50 కోట్ల వ్యయంతో బీసీ స్టడీ సర్కిళ్లు, కోచింగ్‌ సెంటర్ల ద్వారా దాదాపు 1.25 లక్షల అభ్యర్థులకు శిక్షణ ఇవ్వనున్నది.

• అన్‌ అకాడమీతో బీసీశాఖ ఒప్పందం
• 16న ఆన్‌లైన్‌ పరీక్ష 21 నుంచి శిక్షణ
• మంత్రి గంగుల కమలాకర్‌ వెల్లడి

హైదరాబాద్‌, ఏప్రిల్‌ 6 (నమస్తే తెలంగాణ): రాష్ట్ర ప్రభుత్వం ప్రతిష్ఠాత్మకంగా భర్తీచేస్తున్న 80 వేల పైచిలుకు ఉద్యోగాల రిక్రూట్‌మెంట్‌కు బీసీ కులాలకు చెందిన అభ్యర్థులకు నాణ్యమైన కోచింగ్‌ ఇచ్చేందుకు బీసీ మంత్రిత్వశాఖ అన్‌ అకాడమీ సంస్థతో ఆ శాఖ ఎంవోయూ కుదుర్చుకున్నది. దాదాపు రూ.50 కోట్ల వ్యయంతో బీసీ స్టడీ సర్కిళ్లు, కోచింగ్‌ సెంటర్ల ద్వారా దాదాపు 1.25 లక్షల అభ్యర్థులకు శిక్షణ ఇవ్వనున్నది.

దీంట్లో భాగంగా బుధవారం మాసబ్‌ట్యాంక్‌లోని దామోదరం సంజీవయ్యభవన్‌లో ఏర్పా టు చేసిన కార్యక్రమంలో బీసీ సంక్షేమశాఖ మంత్రి గంగుల కమలాకర్‌, బీసీ సంక్షేమశాఖ ప్రిన్సిపల్‌ సెక్రటరీ బుర్రా వెంకటేశం, అన్‌ అకాడమీ సంస్థ ప్రతినిధులు మీడియాకు వివరాలు వెల్లడించారు. ఈ సందర్భంగా మంత్రి గంగుల కమలాకర్‌ మాట్లాడుతూ.. టీఎస్‌పీఎస్సీ నిర్వహించే గ్రూప్‌ 1, 2, 3, 4 తో పాటు పోలీసు రిక్రూట్‌మెంట్‌ బోర్డు ద్వారా భర్తీచేసే ఉద్యోగాలకు తమ శాఖ ద్వారా ఉచిత కోచింగ్‌ ఇస్తామన్నారు. శిక్షణ వివరాలు ఇలా..

• 16 బీసీ స్టడీ సర్కిళ్ల ద్వారా 25 వేల మందికి ప్రత్యక్ష పద్ధతిలో, ఆన్‌లైన్‌ ఆఫ్‌లైన్‌ల మేళవింపుతో కూడిన హైబ్రిడ్‌ పద్ధతిలో 50 వేల మంది, 105 స్టడీ సెంటర్ల ద్వారా ఒక్కో దాంట్లో 500 మందికి తగ్గకుండా మరో 50 వేల మందికి ఉచిత శిక్షణ ఇస్తారు.
• ఈ కోచింగ్‌లో బీసీలకు 75 శాతం, ఎస్సీలకు 10, ఎస్టీలకు 5, ఈబీసీలకు 5, మైనార్టీలకు 5 శాతం చొప్పున సీట్లను కేటాయిస్తారు.
• విద్యార్థులు https//studycircle.cgg.gov.in, https://mjpabcwreis.cgg.gov.in, https://unacademy.com/scholarship/tsgovt-scholarship-test వెబ్‌సైట్‌ను సంప్రదించి దరఖాస్తు చేసుకోవాలి. దరఖాస్తులు బుధవారం నుంచే ప్రారంభమయ్యాయి. ఈ నెల 16న ప్రవేశ పరీక్ష ఉంటుంది. ఉదయం 11 గంటల నుంచి 90 నిమిషాల పాటు ఎగ్జామ్‌ పూర్తిగా ఆన్‌లైన్‌లో ఉంటుంది. ఫలితాలు 16వ తేదీ మధ్యాహ్నం విడుదల చేస్తారు. మొదటగా నిలిచిన 5 శాతం అభ్యర్థులకు గ్రూప్‌-1, మిగతావారిలో ప్రతిభ అధారంగా పోలీస్‌ ఉద్యోగాల కోసం శిక్షణనిస్తారు. ఈ శిక్షణ ఈ నెల 21 నుంచి ప్రారంభమవుతుంది.
• కుటుంబ వార్షికాదాయం రూ.5 లక్షల లోపు ఉంటే అభ్యర్థులకు ఉచిత శిక్షణతో పాటు,స్టైపెండ్ ను ఇస్తారు. గ్రూప్‌ -1 ప్రిలిమ్స్‌, మెయిన్స్‌ కలిపి ఆరునెలల పాటు 10 వేల మందికి శిక్షణనిస్తారు. వీరికి నెలకు రూ.5 వేల చొప్పున స్టైపెండ్ ఇస్తారు.
• గ్రూప్‌ -2, ఎస్సై ఉద్యోగాలకు సన్నద్ధమవుతున్న వారికి మూడు నెలల పాటు శిక్షణ ఇస్తారు. అర్హులైన వారికి నెలకు రూ.2 వేల చొప్పున ైస్టెపెండ్‌ అందజేస్తారు. అభ్యర్థులకు స్టడీ మెటీరియల్‌ను సైతం ఇస్తారు.