విద్యుత్తు సంస్థలకు తీవ్ర నష్టం

రాష్ట్రవ్యాప్తంగా కురిసిన భారీ వర్షాలకు విద్యుత్తు పంపిణీ సంస్థలకు తీవ్ర ఆస్తినష్టం వాటిల్లింది. టీజీ ఎస్పీడీసీఎల్‌ పరిధిలో నాలుగు సబ్‌స్టేషన్లు నీటమునిగాయి.

• పలు సబ్‌స్టేషన్లల్లో వరదనీరు, విరిగిన విద్యుత్తు స్తంభాలు

హైదరాబాద్‌, సెప్టెంబర్‌ 1 (నమస్తే తెలంగాణ): రాష్ట్రవ్యాప్తంగా కురిసిన భారీ వర్షాలకు విద్యుత్తు పంపిణీ సంస్థలకు తీవ్ర ఆస్తినష్టం వాటిల్లింది. టీజీ ఎస్పీడీసీఎల్‌ పరిధిలో నాలుగు సబ్‌స్టేషన్లు నీటమునిగాయి. 419 విద్యుత్తు స్తంభాలు విరిగిపోయాయి. మొత్తంగా 16 సబ్‌స్టేషన్లలో, 75 చోట్ల 33 కేవీ ఫీడర్లు, 37 చోట్ల 11కేవీ ఫీడర్లలో నష్టం వాటిల్లింది. టీజీ ఎన్పీడీసీఎల్‌ పరిధిలో 218 విద్యుత్తు స్తంభాలు విరిగిపోయాయి.

• ఖమ్మం దానవాయిగూడెం, మధిర సబ్‌స్టేషన్లలోకి వరదనీరు చేరింది. కామారెడ్డి జిల్లా బీర్కూర్‌ సబ్‌స్టేషన్‌ సైతం నీటముగినింది.
• మహబూబాబాద్‌ జిల్లాలో 33/11 కేవీ తొర్రూరు డివిజన్‌ ఉల్లేపల్లి సబ్‌స్టేషన్‌ పూర్తిగా నీటమునిగింది.
• ఖమ్మం సమీపంలోని థంసలాపురం 33/11 కేవీ సబ్‌స్టేషన్‌ నీట మునిగింది.
• కామారెడ్డి జిల్లాలో అన్నారం 33 కేవీ ఫీడర్‌లోవిద్యుత్తు స్తంభం నేలకూలింది.
• భూపాలపల్లి జిల్లాలో తాడ్వాయి 33 కేవీ ఫీడర్‌పై చెట్టు విరిగిపడటంతో 16 విద్యుత్తు స్తంభాలు, కండక్టర్‌లు డ్యామేజ్‌ అయ్యాయి. ములుగు జిల్లా ఏటూరు నాగారం, రామకృష్ణాపూర్‌లో రెండు పవర్‌ ట్రాన్స్‌ఫార్మర్లు చెడిపోయాయి.