సీఎం వ్యాఖ్యలు రాజ్యాంగ విరుద్ధం

ఫిరాయింపు ఎమ్మెల్యేల అంశంపై సీఎం రేవంత్‌రెడ్డి చేసిన వ్యాఖ్యలు రాజ్యాంగ విరుద్ధమని బీఆర్‌ఎస్‌ నేత దాసోజు శ్రవణ్‌ విమర్శించారు. అసెంబ్లీ సాక్షిగా పార్టీ ఫిరాయించిన ఎమ్మెల్యేలపై స్పందిస్తూ ‘ఉప ఎన్నికలు రావు’ అని పేర్కొనడంపై శుక్రవారం ఆయన ‘ఎక్స్‌' వేదికగా స్పందించారు.

• బీఆర్‌ఎస్‌ నేత దాసోజు శ్రవణ్‌ కుమార్‌

హైదరాబాద్‌, మార్చి 28 (నమస్తే తెలంగాణ) : ఫిరాయింపు ఎమ్మెల్యేల అంశంపై సీఎం రేవంత్‌రెడ్డి చేసిన వ్యాఖ్యలు రాజ్యాంగ విరుద్ధమని బీఆర్‌ఎస్‌ నేత దాసోజు శ్రవణ్‌ విమర్శించారు. అసెంబ్లీ సాక్షిగా పార్టీ ఫిరాయించిన ఎమ్మెల్యేలపై స్పందిస్తూ ‘ఉప ఎన్నికలు రావు’ అని పేర్కొనడంపై శుక్రవారం ఆయన ‘ఎక్స్‌’ వేదికగా స్పందించారు. ఈ అంశం సుప్రీంకోర్టు పరిధిలో ఉన్నప్పటికీ న్యాయవ్యవస్థను బెదిరించేలా సీఎం మాట్లాడారని పేర్కొన్నారు. రాజ్యాంగం, న్యాయవ్యవస్థ, ప్రజాస్వామ్యంపై రేవంత్‌ వ్యాఖ్యలు దాడి చేయడమేనని తెలిపారు. రాజ్యాంగాన్ని పరిరక్షిస్తానని ప్రమాణం చేసిన సీఎం.. శాసనసభలో న్యాయమూర్తిలా వ్యవహరించడం సరికాదని హితవు పలికారు.