పట్టువీడని ఎస్ఎస్ఏ ఉద్యోగులు
‘మీ సమస్యలపై మాకు సంపూర్ణ అవగాహన ఉన్నది. ప్రభుత్వం అనుకుంటే గంటలో మీ సమస్యలు పరిష్కారమైతయి. మిమ్మల్ని సచివాలయం లో కూర్చోబెట్టి మీరు చాయ్ తాగేలోపల జీవో ఇవ్వవచ్చు. మేం అధికారంలోకి రాగానే మీ సంఘాల నాయకులను సచివాలయానికి పిలిపించి సమస్యలను పరిష్కరిస్తాం’.
- ఆరు రోజులుగా సమ్మె
- పట్టించుకోని ప్రభుత్వం
- ఎన్నికల ముందు ఇచ్చిన హామీని మరిచిన ముఖ్యమంత్రి రేవంత్
హైదరాబాద్, డిసెంబర్ 15 (నమస్తే తెలంగాణ): ‘మీ సమస్యలపై మాకు సంపూర్ణ అవగాహన ఉన్నది. ప్రభుత్వం అనుకుంటే గంటలో మీ సమస్యలు పరిష్కారమైతయి. మిమ్మల్ని సచివాలయం లో కూర్చోబెట్టి మీరు చాయ్ తాగేలోపల జీవో ఇవ్వవచ్చు. మేం అధికారంలోకి రాగానే మీ సంఘాల నాయకులను సచివాలయానికి పిలిపించి సమస్యలను పరిష్కరిస్తాం’. ఇదీ ఎన్నికల సమయంలో హనుమకొండలో నిర్వహించిన ఎస్ఎస్ఏ ఉద్యోగుల ధర్నాలో రేవంత్రెడ్డి చెప్పిన మాటలు. కానీ, అధికారంలోకి వచ్చి ఏడాది గడిచినా ఎస్ఎస్ఏ ఉద్యోగులను సచివాలయానికి పిలిచింది లేదు.. సమస్యలను పరిష్కరించింది లేదు.
దీంతో ఆగ్రహించిన ఉద్యోగులు తెలంగాణ సమగ్ర శిక్షా ఉద్యోగుల సంఘం ఆధ్వర్యంలో ఆందోళన బాటపట్టారు. ఉద్యమ కార్యాచరణలో భాగంగా 25 రోజులపాటు నిరసన కార్యక్రమాలు చేపట్టారు. ఇందిరాపార్క్లో భారీ ధర్నా నిర్వహించారు. ఆ తర్వాత సమ్మె నోటీసులు అందజేశారు. అయినా ప్రభుత్వం స్పందించకపోవడంతో 10 నుంచి నిరవధిక సమ్మెకు దిగా రు. సమ్మె ఆరు రోజులుగా కొనసాగుతున్నది. డిమాండ్లను నెరవేర్చేవరకు సమ్మె కొనసాగుతుందని సంఘం రాష్ట్ర అధ్యక్ష, ప్రధాన కార్యదర్శులు డీ యాదగిరి, జీ ఝాన్సీసౌజన్య ప్రకటించారు.
ఇచ్చిన హామీని నెరవేర్చాలి
కాంగ్రెస్ ప్రభుత్వం అధికారంలోకి రాగానే సమగ్ర శిక్షా కాంట్రాక్ట్ ఉద్యోగుల సమస్యలను పరిషరిస్తామని రేవంత్రెడ్డి హామీ ఇచ్చారు. ఏడాదిగా హామీ నెరవేరుతుందని ఎదురుచూశాం. కానీ, మాకు నిరాశే మిగిలింది. దీంతో మళ్లీ రోడ్డునపడ్డాం. ఆరు రోజులుగా సమ్మె చేస్తున్నాం. అయినా ప్రభుత్వం పట్టించుకోవడం లేదు.
– ఎస్ వీణ, ప్రత్యేకాధికారి, నర్సాపూర్, నిర్మల్
కాంగ్రెస్ మోసం చేసింది
మమ్మల్ని రెగ్యులరైజ్ చేస్తామని నమ్మించి అధికారంలోకి వచ్చిన కాంగ్రెస్ మోసం చేసింది. వంద రోజుల్లో సమస్యలను పరిష్కరిస్తామని హామీఇచ్చి ఏడాది గడిచినా పట్టించుకోవట్లేదు. సమస్యలు పరిష్కారమయ్యే వరకూ సమ్మె విరమించం. 20 వేల కుటుంబాలు రోడ్డు మీదికి వచ్చాయి. ఇప్పటికైనా మాకు న్యాయం చేయాలి.
– పడాల రవీందర్, ఎస్ఎస్ఏ ఉద్యోగుల సంఘం అధికార ప్రతినిధి
ప్రధాన డిమాండ్లు..
- ఉద్యోగులందరిని రాష్ట్ర ప్రభుత్వం విద్యాశాఖలో విలీనం చేయాలి
- తక్షణమే పేస్కేల్ కల్పించి ఉద్యోగ భద్రతకు భరోసా ఇవ్వాలి
- రూ.10 లక్షల చొప్పున జీవిత బీమా, ఆరోగ్య బీమా సౌకర్యం కల్పించాలి
- రిటైర్డ్ అయిన వారికి బెనిఫిట్స్ కింద రూ.25 లక్షలు చెల్లించాలి
- ప్రభుత్వ నియామకాల్లో ఉద్యోగులకు వెయిటేజీ అమలుచేయాలి
- పార్ట్ టైం ఇన్స్ట్రక్టర్లకు కూడా రాష్ట్ర ప్రభుత్వం 12 నెలల వేతనమివ్వాలి
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

