వరద బాధితులకు అండగా బీఆర్‌ఎస్‌

వరద బాధితులకు బీఆర్‌ఎస్‌ అండగా ఉంటుందని మాజీ మంత్రి, ఎమ్మెల్సీ సత్యవతి రాథోడ్‌ పేర్కొన్నారు. ఆదివారం ఆమె మహబూబాబాద్‌ పట్టణంలోని బీఆర్‌ఎస్‌ కార్యాలయంలో మాజీ మంత్రి, ఎమ్మెల్యే హరీశ్‌రావు వరద బాధితుల కోసం పంపిన నిత్యావసర సరుకులను బాధిత కుటుంబాలకు అందజేశారు.

• ప్రజలను ఆదుకోవడంలో కాంగ్రెస్‌ ప్రభుత్వం విఫలం
• ప్రజలు ధైర్యంగా ఉండాలి : మాజీ మంత్రి సత్యవతి రాథోడ్‌

మహబూబాబాద్‌ రూరల్‌/డోర్నకల్‌, సెప్టెంబర్‌ 8: వరద బాధితులకు బీఆర్‌ఎస్‌ అండగా ఉంటుందని మాజీ మంత్రి, ఎమ్మెల్సీ సత్యవతి రాథోడ్‌ పేర్కొన్నారు. ఆదివారం ఆమె మహబూబాబాద్‌ పట్టణంలోని బీఆర్‌ఎస్‌ కార్యాలయంలో మాజీ మంత్రి, ఎమ్మెల్యే హరీశ్‌రావు వరద బాధితుల కోసం పంపిన నిత్యావసర సరుకులను బాధిత కుటుంబాలకు అందజేశారు. ఈ సందర్భంగా సత్యవతి మాట్లాడుతూ.. వరద బాధితులను ఆదుకోవడంలో కాంగ్రెస్‌ ప్రభుత్వం పూర్తిగా విఫలమైందని విమర్శించారు. సీఎం రేవంత్‌రెడ్డి హడావుడిగా వచ్చి అనేక వాగ్దానాలు చేసి వెళ్లారని, రూ.10 వేల నష్టపరిహారం అని.. వారమైనా అందలేదని దుయ్యబట్టారు. ఈ కార్యక్రమంలో మాజీ ఎంపీ, బీఆర్‌ఎస్‌ జిల్లా అధ్యక్షురాలు మాలోత్‌ కవిత, మాజీ ఎమ్మెల్యేలు బానోత్‌ శంకర్‌నాయక్‌, రెడ్యానాయక్‌ తదితరులు పాల్గొన్నారు.