నేడు చలో బస్‌భవన్‌.. పెంచిన బస్‌ చార్జీలపై బీఆర్‌ఎస్‌ నిరసన

ఆర్టీసీ చార్జీల పెంపు నిర్ణయాన్ని తక్షణం వెనక్కి తీసుకోవాలని డిమాండ్‌ చేస్తూ బీఆర్‌ఎస్‌ గురువారం ‘చలో బస్‌భవన్‌' కార్యక్రమాన్ని చేపట్టనుంది.

• బస్సులో ప్రయాణించనున్న నేతలు

హైదరాబాద్‌, అక్టోబర్‌ 8: ఆర్టీసీ చార్జీల (Bus Fare Hike) పెంపు నిర్ణయాన్ని తక్షణం వెనక్కి తీసుకోవాలని డిమాండ్‌ చేస్తూ బీఆర్‌ఎస్‌ (BRS) గురువారం ‘చలో బస్‌భవన్‌’ కార్యక్రమాన్ని చేపట్టనుంది. బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌, మాజీ మంత్రులు తలసాని శ్రీనివాస్‌యాదవ్‌, పద్మారావు, సబితా ఇంద్రారెడ్డి తదితరులు ఉదయం 9 గంటలకు రేతిఫైల్‌ బస్టాండ్‌కు చేరుకుని అక్కడి నుంచి ఆర్టీసీ బస్సులో ఆర్టీసీ బస్‌భవన్‌ వరకు ప్రయాణిస్తారు. అనంతరం టీజీఆర్టీసీ మేనేజింగ్‌ డైరెక్టర్‌కు వినతిపత్రం సమర్పిస్తారు.