హామీలపై అడిగితే విమర్శలా?
ప్రతిపక్ష నాయకుడిగా మాజీమంత్రి హరీశ్రావు ప్రజాసమస్యల గురించి మాట్లాడితే, ఆ అంశాలను పక్కదోవ పట్టించేలా మంత్రి శ్రీధర్బాబు అవగాహన రాహిత్యంతో మాట్లాడుతున్నారని బీఆర్ఎస్ నేత దేవీప్రసాద్ విమర్శించారు. హరీశ్రావుపై మంత్రి శ్రీధర్బాబు, ఎమ్మెల్సీ జీవన్రెడ్డి చేసిన వ్యాఖ్యలను ఖండిస్తున్నామని అన్నారు.
- ప్రజాసమస్యలపై గొంతెత్తితే మాటల దాడులా?
- కాంగ్రెస్పై బీఆర్ఎస్ నేత దేవీప్రసాద్ ధ్వజం
హైదరాబాద్, జూన్ 18 (నమస్తే తెలంగాణ): ప్రతిపక్ష నాయకుడిగా మాజీమంత్రి హరీశ్రావు ప్రజాసమస్యల గురించి మాట్లాడితే, ఆ అంశాలను పక్కదోవ పట్టించేలా మంత్రి శ్రీధర్బాబు అవగాహన రాహిత్యంతో మాట్లాడుతున్నారని బీఆర్ఎస్ నేత దేవీప్రసాద్ విమర్శించారు. హరీశ్రావుపై మంత్రి శ్రీధర్బాబు, ఎమ్మెల్సీ జీవన్రెడ్డి చేసిన వ్యాఖ్యలను ఖండిస్తున్నామని అన్నారు.
మంగళవారం తెలంగాణభవన్లో దేవీప్రసాద్ మాట్లాడుతూ.. హరీశ్రావు లేవనెత్తిన డిమాండ్లలో తప్పులుంటే లేవనెత్తాలిగానీ, తప్పుదోవ పట్టించేలా మాట్లాడటం ఏమిటని విమర్శించారు. అంగన్వాడీలు, ఆశ వర్కర్లకు దేశంలోనే అత్యధిక జీతాలు పెంచింది కేసీఆర్ మాత్రమేనని స్పష్టం చేశారు. ‘వేరే రాష్ట్రం నుంచి నేర్చుకోవడం ఏమిటి? అని శ్రీధర్బాబు అంటున్నారు.
అదే చంద్రబాబు పార్టీ కార్యాలయానికి తన సహచర మంత్రి వెళ్లలేదా? గాంధీభవన్లో టీడీపీ జెండాలు ఎగరలేదా? ఇవి శ్రీధర్బాబుకు నచ్చుతాయా?’ అని నిలదీశారు. నిరుద్యోగుల డిమాండ్లపై హరీశ్రావు చేసిన సూచనలపై శ్రీధర్బాబు సానుకూలంగా స్పందించాలని సూచించారు. ఉద్యోగుల డీఏలను వెంటనే విడుదల చేయాలని డిమాండ్ చేశారు.
జీవో 46పై తమ పార్టీ నాయకులు ప్రభుత్వ ప్రధాన కార్యదర్శిని కలవాలని పది రోజుల నుంచి ప్రయత్నిస్తుంటే అపాయింట్మెంట్ ఇవ్వడం లేదని, ఇదేనా ప్రజారంజక పాలన, ప్రజా పాలన? అని ఎద్దేవా చేశారు. ‘ఉద్యోగులకు నాలుగు డీఏలు ఇవ్వలేదు. సీపీఎస్పై ఇంతవరకు స్పందనలేదు. రిటైర్ అయిన ఉద్యోగులకు రావాల్సిన మొత్తాన్ని ఇవ్వటం లేదు. పీఆర్సీ నివేదికను ఆరు నెలల్లో ఇస్తామన్నారు. దాని గురించి పట్టించుకున్న నాథుడే లేరు’ అని విమర్శించారు.
బహిరంగ చర్చకు సిద్ధం: వాసుదేవరెడ్డి
కార్పొరేషన్ మాజీ చైర్మన్ వాసుదేవరెడ్డి మాట్లాడుతూ.. హరీశ్రావుపై ఎమ్మెల్సీ బల్మూరి వెంకట్ చేసిన వ్యాఖ్యలను ఖండిస్తున్నామని అన్నారు. హరీశ్ లాంటి నిఖార్సయిన ఉద్యమకారుడి గురించి మాట్లాడే స్థాయి వెంకట్కు లేదని మండిపడ్డారు. ‘చర్చకు హరీశ్రావు కాదు.. నేను వస్తా’ అని వెంకట్కు సవాల్ విసిరారు. ఎక్కడైనా, ఎప్పుడైనా బహిరంగ చర్చకు సిద్ధమని ప్రకటించారు. నిరుద్యోగులను ఎమ్మెల్సీ వెంకట్ బెదిరిస్తున్నారని.. ఖబర్దార్ వెంకట్, నిరుద్యోగుల జోలికి వస్తే ఊరుకోబోం అని హెచ్చరించారు. వెంకట్ ఇంకా పరిణతి చెందాలని, ఏదీపడితే అది మాట్లాడితే ఊరుకోమని నిప్పులు చెరిగారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
B Pharmacy Syllabus | ఇక ఫార్మసీ విద్యార్థులకూ పైథాన్ కోడింగ్.. ఇంజినీరింగ్ తరహాలో ఏఐ, మెషిన్ లెర్నింగ్ సిలబస్ కూడా!
Kollywood | ఒకే ఫ్రేమ్లో విజయ్, రజినీకాంత్, కమల్ హాసన్.. మురిసిపోతున్న ఫ్యాన్స్
Promotions | జీపీ కార్యదర్శులకు ప్రమోషన్లు ఎప్పుడు?.. ఏడు నెలలైనా గ్రేడింగ్పై తేల్చని ప్రభుత్వం
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

