బీఆర్‌ఎస్‌లో ఆత్మీయ పలకరింపు

బీఆర్‌ఎస్‌ పార్టీ ఆత్మీయ సమ్మేళనాలతో విపక్షాలు కంగుతింటున్నాయి. కాంగ్రెస్‌, బీజేపీ నేతలు అదే పనిగా చేస్తున్న విమర్శలను ఆత్మీయ సమ్మేళనాలు తిప్పికొడుతున్నాయి.

• అంతర్మథనాలతో విపక్షాల్లో కుదుపు
• కాంగ్రెస్‌ యాత్రలతో తలోదారి
• బీజేపీలో స్టేట్‌ లీడర్స్‌ స్ట్రీట్‌ఫైట్‌

నమస్తే తెలంగాణ న్యూస్‌ నెట్‌వర్క్‌/ హైదరాబాద్‌, ఏప్రిల్‌ 3 (సమస్తే తెలంగాణ): బీఆర్‌ఎస్‌ పార్టీ ఆత్మీయ సమ్మేళనాలతో విపక్షాలు కంగుతింటున్నాయి. కాంగ్రెస్‌, బీజేపీ నేతలు అదే పనిగా చేస్తున్న విమర్శలను ఆత్మీయ సమ్మేళనాలు తిప్పికొడుతున్నాయి. బీఆర్‌ఎస్‌ ప్రభుత్వం చేస్తున్న అభివృద్ధి, సంక్షేమ కార్యక్రమాలను పార్టీ శ్రేణులకు వివరించడం, విపక్షాల విమర్శల వెనుక దురుద్దేశాన్ని ఎండగట్టడం అనే ద్విముఖ వ్యూహంతో సాగుతున్న ఆత్మీయ సమ్మేళనాలు విజయవంతంగా కొనసాగుతున్నాయి. గులాబీ శ్రేణులు బీఆర్‌ఎస్‌ అధినేత, సీఎం కేసీఆర్‌ సందేశాన్ని ప్రజల్లోకి తీసుకెళ్లి ప్రభుత్వంపై ఉన్న ఆదరణను రెట్టింపు చేస్తున్నాయి. కేంద్రంలోని బీజేపీ ప్రభుత్వం రాష్ట్ర ప్రగతిని ఎలా అడ్డుకుంటున్నది? కాంగ్రెస్‌తో కలిసి ఎలా కుట్రలు చేస్తున్నది? వాటిని గులాబీ శ్రేణులు ఎలా ఎదుర్కోవాలి? అన్న అంశంపై నేతలు దిశానిర్దేశం చేస్తున్నారు.

కాంగ్రెస్‌, బీజేపీల్లో అంతర్మథనం
బీఆర్‌ఎస్‌ ఆత్మీయ సమ్మేళనాలతో కాంగ్రెస్‌, బీజేపీ అంతర్మథనంలో పడ్డాయి. బీజేపీ రాష్ట్ర అధ్యక్షుడు బండి సంజయ్‌, పీసీసీ అధ్యక్షుడు రేవంత్‌రెడ్డి వ్యవహారశైలిపై అసంతృప్తితో ఉన్న ఆయా పార్టీల క్యాడర్‌ బీఆర్‌ఎస్‌ వైపు చూస్తున్న విషయాన్ని ఆత్మీయ సమ్మేళనాలే స్పష్టం చేస్తున్నాయి. పలుచోట్ల ఆ పార్టీ శ్రేణులు ఆత్మీయ సమ్మేళనాల వేదికలపై బీఆర్‌ఎస్‌లో చేరుతున్నాయి. ఇది బీజేపీ, కాంగ్రెస్‌ నేతలకు మింగుడుపడటం లేదు. బీజేపీ స్ట్రీట్‌కార్నర్‌ మీటింగ్‌లకు ప్రజల నుంచి స్పందన రావడంలేదని, ఇందుకు పార్టీలో నెలకొన్న ఆధిపత్య పోరు కారణమని బీజేపీ నేతలు భావిస్తున్నారు. కాంగ్రెస్‌ లోనూ ఆధిపత్య పోరు రగులుతున్నది.

జోరుగా ఆత్మీయ సమ్మేళనాలు
సోమవారం రాష్ట్రంలోని వివిధ ప్రాంతాల్లో ఆత్మీయ సమ్మేళనాలు కొనసాగాయి. ఆయా కార్యక్రమాల్లో మంత్రులు సింగిరెడ్డి నిరంజన్‌రెడ్డి, జీ జగదీశ్‌రెడ్డి, చామకూర మల్లారెడ్డి, వీ శ్రీనివాస్‌గౌడ్‌తోపాటు ఎంపీలు, ఎమ్మెల్యేలు, ఎమ్మెల్సీలు, ఇతర ప్రజాప్రతినిధులు, పార్టీ ముఖ్యనేతలు పాల్గొన్నారు.

• ఖమ్మం జిల్లా సత్తుపల్లి మండలం బీరాపల్లిలో నిర్వహించిన ఆత్మీయ సమ్మేళనంలో మంత్రి సింగిరెడ్డి నిరంజన్‌రెడ్డి, మాజీ మంత్రి తుమ్మల నాగేశ్వరరావు, ఎంపీ బండి పార్థసారథిరెడ్డి, ఎమ్మెల్యే సండ్ర వెంకటవీరయ్య, డీసీఎంఎస్‌ చైర్మన్‌ రాయల శేషగిరిరావు, వేంసూరు ఎంపీపీ పగుట్ల వెంకటేశ్వరరావు, జడ్పీటీసీ మారోజు సుమలత, వైస్‌ ఎంపీపీ దొడ్డా శ్రీలక్ష్మి తదితరులు పాల్గొన్నారు. అనంతరం మంత్రి నిరంజన్‌రెడ్డి వేంసూరు మండలం కల్లూరుగూడెంలో నిర్మించ తలపెట్టిన ఆయిల్‌పాం ఫ్యాక్టరీ స్థలాన్ని పరిశీలించారు.
• మహబూబ్‌నగర్‌ జిల్లా హన్వాడ మండలం కొత్తపేట గ్రామ శివారులో నిర్వహించిన ఆత్మీయ సమ్మేళనంలో మంత్రి వీ శ్రీనివాస్‌గౌడ్‌, జెడ్పీ చైర్‌పర్సన్‌ స్వర్ణసుధాకర్‌రెడ్డి, ఎంపీపీ బాలరాజు, జెడ్పీటీసీ విజయనిర్మల పాల్గొన్నారు.
• మేడ్చల్‌ మల్కాజిగిరి జిల్లా పోచారం మున్సిపాలిటీ బీఆర్‌ఎస్‌ ఆత్మీయ సమ్మేళనాన్ని అన్నోజిగూడలో, ఘట్‌కేసర్‌ మండల ఆత్మీయ సమ్మేళనాన్ని కొర్రెములలో నిర్వహంచారు. ఈ కార్యక్రమాల్లో మంత్రి చామకూర మల్లారెడ్డి, రైతుబంధు సమితి అధ్యక్షుడు, ఎమ్మెల్సీ రాజేశ్వర్‌రెడ్డి, ఎమ్మెల్సీ వాణీదేవి, జడ్పీ చైర్మన్‌ మలిపెద్ది శరత్‌చంద్రారెడ్డి తదితరులు పాల్గొన్నారు.
• నల్లగొండ జిల్లా దేవరకొండ నియోజకవర్గం పీఏపల్లి మండలం అంగడిపేటలో మంత్రి జగదీశ్‌రెడ్డి, బీఆర్‌ఎస్‌ జిల్లా ఇన్‌చార్జి, ఎమ్మెల్సీ కడియం శ్రీహరి, ఎమ్మెల్యే రమావత్‌ రవీంద్రకుమార్‌ పాల్గొన్నారు.
•  నాగార్జునసాగర్‌ నియోజకవర్గం గుర్రంపోడులో నిర్వహించిన ఆత్మీయ సమ్మేళనంలో మంత్రి జీ జగదీశ్‌రెడ్డి, ఎమ్మెల్యే నోముల భగత్‌కుమార్‌, ట్రైకార్‌ చైర్మన్‌ రాంచందర్‌నాయక్‌ పాల్గొన్నారు.
• నల్లగొండ మండలం చందనపల్లిలో జడ్పీ చైర్మన్‌ బండ నరేందర్‌రెడ్డి, ఎమ్మెల్సీ కడియం శ్రీహరి, ఎమ్మెల్యే కంచర్ల భూపాల్‌రెడ్డి పాల్గొన్నారు.
• సూర్యాపేట జిల్లా మేళ్లచెర్వులో ఎంపీ బడుగుల లింగయ్యయాదవ్‌, ఎమ్మెల్యే శానంపూడి సైదిరెడ్డి, బీఆర్‌ఎస్‌ జిల్లా ఇన్‌చార్జి మెట్టు శ్రీనివాస్‌ పాల్గొన్నారు.
• యాదాద్రి భువనగిరి జిల్లా ఆత్మకూర్‌ ఎం మండలం కూరెళ్లలో ప్రభుత్వ విప్‌ గొంగిడి సునీత, ఎమ్మెల్సీ యాదవరెడ్డి, జడ్పీ చైర్మన్‌ ఎలిమినేటి సందీప్‌రెడ్డి, గొంగిడి మహేందర్‌రెడ్డి, కంచర్ల రామకృష్ణారెడ్డి పాల్గొన్నారు.
• జోగుళాంబ గద్వాల జిల్లా కేటీదొడ్డి మండలం ఆత్మీయ సమ్మేళనంలో గద్వాల ఎమ్మెల్యే బండ్ల కృష్ణమోహన్‌రెడ్డి, రాష్ట్ర వినియోగదారుల ఫోరం చైర్మన్‌ గట్టు తిమ్మప్ప, గ్రంథాలయ సంస్థ జిల్లా చైర్మన్‌ రామన్‌గౌడ్‌, ఎంపీపీలు మనోరమ, విజయ్‌కుమార్‌, జెడ్పీటీసీ రాజశేఖర్‌ తదితరులు పాల్గొన్నారు.
• మహబూబ్‌నగర్‌ జిల్లా రాజాపూర్‌ మండలం ముదిరెడ్డిపల్లి శివారులో నిర్వహించిన నవాబ్‌పేట మండల బీఆర్‌ఎస్‌ ఆత్మీయ సమ్మేళనంలో ఎమ్మెల్సీ కశిరెడ్డి నారాయణరెడ్డి, ఎమ్మెల్యే లక్ష్మారెడ్డి, జీసీసీ చైర్మన్‌ వాల్యానాయక్‌, డీసీఎంఎస్‌ చైర్మన్‌ ప్రభాకర్‌రెడ్డి, మహిళా నాయకురాలు, ఎమ్మెల్యే లక్ష్మారెడ్డి సతీమణి శ్వేతారెడ్డి తదితరులు పాల్గొన్నారు.
• జనగామ మున్సిపల్‌ పరిధిలోని 5 నుంచి 12, 24 నుంచి 27వార్డుల కార్యకర్తలతో నిర్వహించిన ఆత్మీయ సమ్మేళనంలో ఎమ్మెల్యే ముత్తిరెడ్డి యాదగిరిరెడ్డి, జిల్లా ఇన్‌చార్జి కోటిరెడ్డి, మున్సిపల్‌ చైర్‌పర్సన్‌ పోకల జమున, పట్టణ టీఆర్‌ఎస్‌ అధ్యక్షుడు తాళ్ల సురేశ్‌రెడ్డి, వైస్‌ చైర్మన్‌ మేకల రాంప్రసాద్‌ పాల్గొన్నారు.
• ములుగు జిల్లా వెంకటాపురం (నూగూరు) మండల కేంద్రంలోని వ్యవసాయ మార్కెట్‌ కమిటీ యార్డ్‌ ఆవరణలో నిర్వహించిన ఆత్మీయ సమ్మేళనంలో మాజీ ఎమ్మెల్సీ, ములుగు జిల్లా ఇన్‌చార్జి బాలసాని లక్ష్మీనారాయణ పాల్గొన్నారు.
• గ్రేటర్‌ వరంగల్‌ 44వ డివిజన్‌ భట్టుపల్లిలోని ఏజీఆర్‌ గార్డెన్స్‌లో 43,44,45వ డివిజన్‌లకు చెందిన బీఆర్‌ఎస్‌ నాయకులు, కార్యకర్తల ఆత్మీయ సమ్మేళనంలో ఎమ్మెల్యే అరూరి రమేశ్‌, మేయర్‌ గుండు సుధారాణి తదితరులు పాల్గొన్నారు.
• భద్రాద్రి కొత్తగూడెం జిల్లా రామవరంలోని పాత పోస్టాఫీస్‌ గ్రౌండ్‌లో నిర్వహించిన ఆత్మీయ సమ్మేళనంలో ఎమ్మెల్యే వనమా వెంకటేశ్వరరావు పాల్గొన్నారు.
• ఖమ్మం జిల్లా చింతకాని మండలం కొదుమూరు గ్రామంలోని జ్యోతి ఫంక్షన్‌ హల్‌లో నిర్వహించిన ఆత్మీయ సమ్మేళనంలో ఖమ్మం జిల్లా సమన్వయకర్త, ఎమ్మెల్సీ శేరి సుభాశ్‌రెడ్డి, బీఆర్‌ఎస్‌ జిల్లా అధ్యక్షుడు, ఎమ్మెల్సీ తాతా మధు, జడ్పీ చైర్మన్‌ లింగాల కమల్‌రాజు, రాష్ట్ర విత్తనాభివృద్ధి సంస్థ చైర్మన్‌ కొండబాల కోటేశ్వరరావు తదితరులు పాల్గొన్నారు.