ఏసీబీకి పట్టుబడిన లంచగొండి అధికారి

ఫుడ్‌కోర్టు వ్యాపారి నుంచి రూ.2 లక్షలు లంచం తీసుకుంటుండగా జీహెచ్‌ఎంసీ రాజేంద్రనగర్‌ సర్కిల్‌ డిప్యూటీ కమిషనర్‌ రవికుమార్‌ను ఏసీబీ అధికారులు శుక్రవారం అరెస్టు చేశారు. ఏసీబీ సిటీ రేంజ్‌ డీఎస్పీ శ్రీనివాస్‌రెడ్డి కేసు వివరాలను వెల్లడించారు.

బండ్లగూడ, జూలై 25 : ఫుడ్‌కోర్టు వ్యాపారి నుంచి రూ.2 లక్షలు లంచం తీసుకుంటుండగా జీహెచ్‌ఎంసీ రాజేంద్రనగర్‌ సర్కిల్‌ డిప్యూటీ కమిషనర్‌ రవికుమార్‌ను ఏసీబీ అధికారులు శుక్రవారం అరెస్టు చేశారు. ఏసీబీ సిటీ రేంజ్‌ డీఎస్పీ శ్రీనివాస్‌రెడ్డి కేసు వివరాలను వెల్లడించారు. రాజేంద్రనగర్‌ సర్కిల్‌ పరిధిలోని ఓ ఫుడ్‌ కోర్టులో అక్రమాలు ఉన్నాయని, రూ.5 లక్షలు ఇవ్వాలని డిప్యూటీ కమిషనర్‌ రవికుమార్‌ డిమాండ్‌ చేశాడు.

దీంతో ఆ ఫుడ్‌కోర్ట్‌ వ్యాపారి ఏసీబీ ని ఆశ్రయించారు. ఏసీబీ అధికారుల సూచన మేరకు ఫిర్యాదుదారుడు రూ.2 లక్షలు ఇచ్చేందుకు డిప్యూటీ కమిషనర్‌ను ఒప్పించారు. ఈ మేరకు రవికుమార్‌కు ఫుడ్‌కోర్టు యజమాని రూ.2 లక్షలు ఇస్తుండగా, ఏసీబీ అధికారులు రెడ్‌హ్యాండెడ్‌గా పట్టుకున్నారు. నిందితుడిపై కొంతకాలంగా ఫిర్యాదులు అందుతున్నాయని, ఆధారాలు లేకపోవడంతో విచారణ జరుపుతూ వస్తున్నామని పేర్కొన్నారు.