Telangana | స్కాలర్‌షిప్‌కూ బయోమెట్రిక్‌.. బ్యాంక్‌ అకౌంట్‌ సీడింగ్‌ కూడా..

Telangana | ఎస్సీ విద్యార్థులు ఇకపై పోస్ట్‌మెట్రిక్‌ స్కాలర్‌షిప్‌లు పొందాలంటే బయోమెట్రిక్‌ తప్పనిసరి. బ్యాంక్‌ అకౌంట్‌ సైతం ఆధార్‌కార్డుతో అనుసంధానం చేసుకోవాల్సి ఉంటు ంది. ఈ మేరకు రాష్ట్ర ప్రభుత్వం శుక్రవారం కొత్త మార్గదర్శకాలు విడుదల చేసింది.

• ప్రభుత్వం కొత్త మార్గదర్శకాలు జారీ

Telangana | హైదరాబాద్‌, జనవరి 10 (నమస్తే తెలంగాణ): ఎస్సీ విద్యార్థులు ఇకపై పోస్ట్‌మెట్రిక్‌ స్కాలర్‌షిప్‌లు పొందాలంటే బయోమెట్రిక్‌ తప్పనిసరి. బ్యాంక్‌ అకౌంట్‌ సైతం ఆధార్‌కార్డుతో అనుసంధానం చేసుకోవాల్సి ఉంటు ంది. ఈ మేరకు రాష్ట్ర ప్రభుత్వం శుక్రవారం కొత్త మార్గదర్శకాలు విడుదల చేసింది. 2024-25 విద్యాసంవత్సానికి సంబంధించి కేంద్ర ప్రభుత్వం ఆదేశానుసారం రాష్ట్రం తాజాగా ఉత్తర్వులు జారీ చేసింది.

ఇవీ నిబంధనలు..

• 2024-25 విద్యాసంవత్సరానికి పోస్ట్‌మెట్రిక్‌ స్కాలర్‌షిప్‌లకు దరఖాస్తు చేసుకునే ఎస్సీ విద్యార్థులు ఈ-పాస్‌ వెబ్‌సైట్‌ ద్వారా తొలుత ఆధార్‌కార్డులో, ఎస్సెస్సీ మెమోలో పేరు ఒకేలా ఉండేలా చూసుకోవాలి. లేకుంటే సరి చేసుకోవాల్సి ఉంటుంది.
• ఈ-పాస్‌లో నిర్ధారించుకున్న అన ంతరం మీ సేవ కేంద్రాల్లో సదరు విద్యార్థులు బయోమెట్రిక్‌ అథెంటికేషన్‌ తప్పకుండా ఇవ్వాలి.
• బయోమెట్రిక్‌ అథెంటికేషన్‌ పూర్తయ్యాక ఈ-పాస్‌ వెబ్‌సైట్‌లో స్కాలర్‌షిప్‌ దరఖాస్తు రిజిస్ట్రేషన్‌ను పూర్తిచేసుకోవాలి.
• విద్యాసంస్థల యాజమాన్యాలు తప్పకుండా డిజిటల్‌ కీని కొనుగోలు చేసుకుని, ఈ-పాస్‌ వెబ్‌సైట్‌లో రిజిస్టర్‌ చేసుకోవాలి.
• డిజిటల్‌ కీ ఆధారంగా కాలేజీ యాజమా న్యాలే ఆన్‌లైన్‌లో విద్యార్థుల అప్లికేషన్లను పరిశీలించి, స్కాలర్‌షిప్‌ల మంజూరుకు అధికారులకు పంపించాలి.
• విద్యార్థులు తమ బ్యాంక్‌ ఖాతాలను ఆధార్‌ నంబర్‌తో అనుసంధానించుకోవాలి.