రేపిస్టుల విడుదల హేయమైన చర్య
మహిళలను గౌరవించాలని ప్రధాని మోదీ ఎర్రకోట మీది నుంచి నిర్దేశించిన రెండు రోజులకే.. రేప్ కేసులో దోషులైన వారిని గుజరాత్ ప్రభుత్వం విడుదల చేయడంపై మంత్రి కేటీఆర్ తీవ్ర ఆగ్రహం వ్యక్తం చేశారు. ప్రధాని తన మాటల్లోని నిజాయితీని నిరూపించుకోవాల్సిన సమయం ఆసన్నమైందన్నారు. రేపిస్టులను విడుదల చేసిన గుజరాత్ ప్రభుత్వ ఉత్తర్వులను రద్దు చేసి, వాళ్లను తిరిగి జైలుకు పంపడం ద్వారా ప్రధాని మోదీ తన చిత్తశుద్దిని
- గుజరాత్ నిర్ణయంపై కేటీఆర్ తీవ్ర ఆగ్రహం
- స్వతంత్ర భారత వజ్రోత్సవ వేళ..
- గ్యాంగ్రేప్ దోషుల విడుదల బాధాకరం
- ప్రధాని మోదీ చిత్తశుద్ధిని నిరూపించుకోవాలి
- దోషులను మళ్లీ జైలుకు పంపి నిబద్ధత చూపాలి
- ట్విట్టర్ వేదికగా మంత్రి కేటీఆర్ డిమాండ్
హైదరాబాద్, ఆగస్టు 17 (నమస్తే తెలంగాణ): మహిళలను గౌరవించాలని ప్రధాని మోదీ ఎర్రకోట మీది నుంచి నిర్దేశించిన రెండు రోజులకే.. రేప్ కేసులో దోషులైన వారిని గుజరాత్ ప్రభుత్వం విడుదల చేయడంపై మంత్రి కేటీఆర్ తీవ్ర ఆగ్రహం వ్యక్తం చేశారు. ప్రధాని తన మాటల్లోని నిజాయితీని నిరూపించుకోవాల్సిన సమయం ఆసన్నమైందన్నారు. రేపిస్టులను విడుదల చేసిన గుజరాత్ ప్రభుత్వ ఉత్తర్వులను రద్దు చేసి, వాళ్లను తిరిగి జైలుకు పంపడం ద్వారా ప్రధాని మోదీ తన చిత్తశుద్దిని, నిబద్ధతను దేశానికి చాటాలని సవాల్ చేశారు. గుజరాత్లో 2002లో జరిగిన గోద్రా అల్లర్ల సమయంలో గ్యాంగ్రేప్కు గురైన బిల్కిస్ బానో కేసు లో దోషులను ఆ రాష్ట్ర ప్రభుత్వం విడుదల చేయడంపై మంత్రి కేటీఆర్ ట్విట్టర్ వేదికగా స్పందించారు.
దేశం మొత్తం స్వతంత్ర భా రత వజ్రోత్సవాలు జరుపుకొంటున్న తరు ణంలో హేయమైన చర్యకు పాల్పడిన 11 మంది రేపిస్టులను విడుదల చేయడం బా ధాకరమని ఆవేదన వ్యక్తంచేశారు. ఐదునెలల గర్భిణి అయిన బిలిస్ బానోపై గ్యాంగ్ రేప్ చేసిన రేపిస్టులను విడుదల చేసి బీజేపీ నేతృత్వంలోని గుజరాత్ ప్రభుత్వం తన హీన మనస్తత్వాన్ని బయటపెట్టుకున్నదని మండిపడ్డారు. గుజరాత్ ప్రభుత్వ చర్యతో వ్యవస్థల మీద నమ్మకం పోతున్నదని, ఈ విషయంలో ప్రధాని నరేంద్ర మోదీ తక్షణం జోక్యం చేసుకోవాలని విజ్ఞప్తి చేశారు.
రేపిస్టులను ఉరితీయాలి
చట్టాల్లో ఉన్న లొసుగులను అడ్డం పెట్టుకొని రేపిస్టులు తప్పించుకుంటున్నారని మంత్రి కేటీఆర్ ఆందోళన వ్యక్తంచేశారు. రేప్ లాంటి నేరాలకు పాల్పడితే చనిపోయేదాక జైలు శిక్ష లేదా ఉరిశిక్ష విధించినప్పుడే లైంగికదాడులు ఆగే అవకాశం ఉంటుందని పేర్కొన్నారు. ఇటీవల హైదరాబాద్లో జరిగిన లైంగికదాడి కేసులో నిందితులు మైనర్ అన్న ఒకే ఒక కారణంతో కఠిన శిక్ష నుంచి తప్పించుకున్నారని, బెయిల్ పొందారని తెలిపారు. మైనర్లు లైంగికదాడికి పాల్పడితే మూడేండ్లకు మించి శిక్ష విధించే అవకాశం ప్రస్తుత చట్టాలతో లేదన్నారు. రేప్ లాంటి దుశ్చర్యలకు పాల్పడే మైనర్లను మేజర్లుగానే పరిగణించి ఆ మేరకు కఠిన శిక్షలు విధించాలని కేటీఆర్ అభిప్రాయపడ్డారు. బలమైన చట్టాలు ఉన్నప్పుడే న్యాయవ్యవస్థ సమర్థవంతంగా పనిచేస్తుందని, మన సమాజం, మన పిల్లలకు మంచి జరగాలంటే భారత శిక్షా స్మృతి (ఐపీసీ), నేర స్మృతి (సీఆర్పీసీ), జువెనైల్ జస్టిస్ చట్టానికి సవరణలు చేయాలని మంత్రి కేటీఆర్ విజ్ఞప్తిచేశారు. రేపిస్టులకు న్యాయస్థానాలు బెయిల్ ఇవ్వకుండా చూడాలని ప్రధానిని కోరారు. రాజకీయంగా ఎన్ని విభేధాలు ఉన్నా, ఈ విషయంలో కేంద్ర ప్రభుత్వానికి తమ సహకారాన్ని అందిస్తామని తెలిపారు.
Read Today's Latest Telangana News in Telugu and Telugu News
- Tags
- Bilkis banu
- gujarat govt
- KTR
- Modi
RELATED ARTICLES
తాజా వార్తలు
Air Pollution | శీతాకాలంలో అధికమయ్యే వాయు కాలుష్యం.. ఈ లక్షణాలు కనిపిస్తే జాగ్రత్త పడాల్సిందే..
Electric Rice coocker | ఎలక్ట్రిక్ రైస్ కుక్కర్లో వండిన అన్నం ఆరోగ్యానికి మంచిది కాదా.. నిపుణులు ఏమంటున్నారు..?
Brinda Karat | కార్పొరేట్ అనుకూల విధానాలతో వ్యవసాయ రంగానికి నష్టం : బృందా కారత్
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
AP News | నిత్యావసరాల ధరలు పెంచి విజన్ కబుర్లు ఎందుకు.. కూటమి సర్కారుపై వైసీపీ ఫైర్..!
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

