హాస్పిటళ్లకు 3 కి.మీ. దూరంలో బస్తీ దవాఖానలు

మున్సిపాలిటీలు, నగరపాలక సంస్థల పరిధిలో బస్తీ దవాఖానాలపై ఏర్పాటుకు ప్రభుత్వం మార్గదర్శకాలను జారీచేసింది. మున్సిపాలిటీల్లో ఇప్పటికే హాస్పిటళ్లు ఉంటే వాటికి కనీసం 3 కిలోమీటర్ల దూరంలో బస్తీ

మార్గదర్శకాలు జారీచేసిన ప్రభుత్వం

హైదరాబాద్‌, మార్చి 16 : మున్సిపాలిటీలు, నగరపాలక సంస్థల పరిధిలో బస్తీ దవాఖానాలపై ఏర్పాటుకు ప్రభుత్వం మార్గదర్శకాలను జారీచేసింది. మున్సిపాలిటీల్లో ఇప్పటికే హాస్పిటళ్లు ఉంటే వాటికి కనీసం 3 కిలోమీటర్ల దూరంలో బస్తీ దవాఖానలను ఏర్పాటు చేయాలని స్పష్టం చేసింది. జీహెచ్‌ఎంసీ పరిధిలో ఇప్పటికే 256 బస్తీ దవాఖానాలను ఏర్పాటు చేశారు. మరో 35 ఏర్పాటు చేయనున్నారు. హైదరాబాద్‌ పరిసర ప్రాంతాల్లో 59, ఇతర మున్సిపాలిటీలు, నగరపాలక సంస్థల పరిధిలో 40 కలిపి మొత్తంగా 390 బస్తీ దవాఖానాలను ఏర్పాటు కానున్నాయి. వీటిని జిల్లా ఆరోగ్య సొసైటీ ద్వారా నిర్వహించేందుకు ఆయా మున్సిపల్‌ కౌన్సిళ్లు తీర్మానాలను చేయాల్సి ఉంటుందని సీడీఎంఏ సత్యనారాయణ పేర్కొన్నారు.
మార్గదర్శకాలు..

• హాస్పిటళ్లకు కనీసం 3 కి.మీ. దూరంలో బస్తీ దవాఖానలను ఏర్పాటు చేయాలి.
• బస్తీ దవాఖానాకు 350 నుంచి 500 చదరపు అడుగుల స్థలం ఉండాలి.
• బస్తీ దవాఖానలను గ్రౌండ్‌ ఫ్లోర్‌లోనే ఉండాలి. వీటిలో మెడికల్‌ ఆఫీసర్‌, స్టాఫ్‌నర్సు, ఇద్దరు సిబ్బంది ఉండేందుకు ఏర్పాట్లు చేయాలి.
• పట్టణ స్థానిక సంస్థల్లో ఇప్పటికే మౌలిక సదుపాయాలున్న కమ్యూనిటి హాల్స్‌, ప్రభుత్వ నిర్మాణాలను సద్వినియోగం చేసుకోవాలి.