Balka Suman | నిరుద్యోగులను నట్టేట ముంచి.. తన ఇంట్లో మూడు పదవులు దక్కించుకున్నారు.. మంత్రి వివేక్‌పై బాల్క సుమన్ ఫైర్

Balka Suman | కాంగ్రెస్ 1000 రోజుల పాలన మొత్తం దగా, వైఫల్యాలు, అన్ని వర్గాల విధ్వంసమే అని చెన్నూర్ మాజీ ఎమ్మెల్యే బాల్క సుమన్ తీవ్ర స్థాయిలో ధ్వజమెత్తారు. ​

Balka Suman | కాంగ్రెస్ 1000 రోజుల పాలన మొత్తం దగా, వైఫల్యాలు, అన్ని వర్గాల విధ్వంసమే అని చెన్నూర్ మాజీ ఎమ్మెల్యే బాల్క సుమన్ తీవ్ర స్థాయిలో ధ్వజమెత్తారు. ​క్యాతనపల్లిలోని తన నివాసంలో ఏర్పాటు చేసిన మీడియా సమావేశంలో మాజీ మంత్రి కొప్పుల ఈశ్వర్, మిర్యాల రాజిరెడ్డి, TGBKS నాయకులతో కలిసి పాల్గొన్నారు. ఈ సందర్భంగా కాంగ్రెస్ ప్రజావ్యతిరేక విధానాలను ఎండగట్టారు.

కాంగ్రెస్ ప్రభుత్వం ​ఈ 33 నెలల పాలనలో కొత్తగా ఒక్క ప్రాజెక్ట్ కట్టలేదని బాల్క సుమన్ అన్నారు. కనీసం ఒక్క ఇటుక కూడా పేర్చలేదని.. కానీ రాష్ట్రంపై ₹4 లక్షల కోట్ల పైచిలుకు అప్పుల భారం మోపారని విమర్శించారు. ​బీఆర్ఎస్ హయాంలో వేల కోట్ల నిధులతో చెన్నూర్ దూసుకుపోయిందన్నారు. మందమర్రి, రామకృష్ణాపూర్‌లలో 9 విడతల్లో వేలాది మంది పేదలకు ఇండ్ల పట్టాలు పంచిన ఘనత కేసీఆర్ ప్రభుత్వానిదే అని స్పష్టం చేశారు. ​గత ప్రభుత్వ హయాంలో మంజూరైన చెన్నూర్ రెవెన్యూ డివిజన్‌ను, పారిపెల్లి, అస్నాద్ నూతన మండలాల జీవోలను రాజకీయ కక్షతో మంత్రి కావాలనే అడ్డుకున్నారని బాల్క సుమన్ అన్నారు. ​

ఎన్నికల్లో చెన్నూర్ యువతకు 45,000 ఉద్యోగాలు ఇస్తామని చెప్పి మంత్రి వివేక్ నిరుద్యోగులను నట్టేట ముంచారని మండిపడ్డారు. యువతకు 4 ఉద్యోగాలు కూడా ఇవ్వలేదు కానీ, వారి ఇంట్లో మాత్రం మూడు రాజకీయ పదవులు దక్కించుకున్నారని విమర్శించారు. ​మంత్రికి నిజంగా చిత్తశుద్ధి ఉంటే, రేపటి అసెంబ్లీ సమావేశాల్లో విద్యార్థులకు రావాల్సిన ₹12,000 కోట్ల ఫీజు రీయింబర్స్‌మెంట్ బకాయిలపై ప్రభుత్వాన్ని నిలదీయాలని డిమాండ్ చేశారు.