ఆగని ఆరోగ్యలక్ష్మి

- కరోనా వేళలోనూ పథకం కొనసాగింపు
- అంగన్వాడీల ద్వారా పౌష్టికాహారం
- కేంద్ర ప్రభుత్వ ప్రతినిధుల ప్రశంస
హైదరాబాద్, మే 7 (నమస్తే తెలంగాణ): కరోనా సమయంలోనూ రాష్ట్రంలో ఆరోగ్యలక్ష్మి పథకం నిరాఘాటంగా కొనసాగుతున్నది. పిల్లలు, గర్భిణీలు, బాలింతలకు ఆరోగ్యలక్ష్మి పథకం కింద పౌష్టికాహారం లబ్ధిదారుల ఇంటికే ప్రభుత్వం చేరుస్తున్నది. రాష్ట్రంలోని 149 అంగన్వాడీ ప్రాజెక్టుల కింద ఉన్న 35,700 అంగన్వాడీ కేంద్రాల పరిధిలోని దాదాపు 21 లక్షల మందికి పౌష్టికాహారాన్ని (టేక్హోం రేషన్) ఇంటింటికీ అందిస్తున్నది. ఏడు నెలల నుంచి మూడేండ్ల వరకు, మూడేండ్ల నుంచి ఆరేండ్ల వరకు ఉన్న పిల్లలకు బాలామృతం (రెండు ఎంపిక చేసిన జిల్లాలకు బాలామృతం ప్లస్) అందిస్తున్నారు. రాష్ట్ర స్త్రీ, శిశు సంక్షేమశాఖ విజయవంతంగా టేక్హోం రేషన్ను అందిస్తున్నదని కేంద్ర ప్రభుత్వ ప్రతినిధి బృందం కితాబిచ్చింది. దేశంలో అనేక రాష్ర్టాల కంటే తెలంగాణలో పిల్లలు, బాలింతలు, గర్భిణుల పౌష్టికాహార పంపిణీ విషయంలో ప్రత్యేక శ్రద్ధ తీసుకుంటున్నట్టు ఆ బృందం ప్రశంసించింది.
ఇంటికే ఆరోగ్యలక్ష్మి
పౌష్టికాహారలోపం వల్ల రక్తహీనత, ఎదుగుదల లోపం, ఎత్తుకు తగ్గ బరువు, బరువుకు తగ్గ ఎత్తు వంటి తీవ్ర సమస్యలతో సతమతం అవుతున్న గర్భిణులు, బాలింతలు, 0-6 ఏండ్ల వయస్సున్న పిల్లల ఆరోగ్య పరిరక్షణ కోసం ప్రభుత్వం 2015, జనవరి 1న ఆరోగ్యలక్ష్మి పథకాన్ని ప్రవేశపెట్టింది. అప్పటి నుంచి లబ్ధిదారుల్లో గణనీయమైన మార్పులు రావడంతో, ఈ మార్పులు మరింతగా ఉండాలని ప్రభుత్వం భావించింది. స్త్రీ, శిశు సంక్షేమ ఎప్పటికప్పుడు పౌష్టికాహార పంపిణీలో శాస్త్రీయ విధానాలను అనుసరిస్తూ పోషకాహార విలువలను పెంచుతున్నది. జాతీయ పోషకాహార సంస్థ (ఎన్ఐఎన్) సహకారంతో ముందుకు సాగుతున్నది. 0-6 ఏండ్ల పిల్లలకు దేశవ్యాప్తంగా అందించే పౌష్టికాహారానికి అదనపు పోషకాలు జోడించి (బాలామృతం, బాలామృతం ప్లస్) పంపిణీ చేస్తున్నది. కొవిడ్ రాకముందు ప్రతీ అంగన్వాడీ కేంద్రంలో ఎన్ఐఎన్ రూపొందించిన పోషకాహారాన్ని సంబంధిత అంగన్వాడీ కేంద్రాల్లో ఉడికించి (పాలు వేడి చేసి, గుడ్డు ఉడకపెట్టి.. అన్నం.. పప్పులు ఉడకబెట్టి) ఇచ్చేవారు. కరోనా నేపథ్యంలో సంవత్సరకాలంగా రాష్ట్ర ప్రభుత్వం టేక్హోం రేషన్ విధానాన్ని అనుసరిస్తున్నది.
ఇదీ ఆరోగ్యలక్ష్మి లబ్ధిదారుల సంఖ్య
7 నెలల నుంచి మూడేండ్ల వాళ్లు 10,01,620
3 నుంచి ఆరేండ్ల వరకున్న పిల్లలు 6,29,980
గర్భిణులు.. బాలింతలు 4,39,826
మొత్తం 20,71,426
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

