బడులకు 227 పనిదినాలు

బడుల్లో ప్రతిరోజూ 90% విద్యార్థులు హాజరయ్యేలా చూడాలని విద్యాశాఖ ఆదేశించింది. అంతేకాకుండా తరుచూ గైర్హాజరయ్యే విద్యార్థులను బడికి రప్పించేందుకు చర్యలు తీసుకోవాలని సూచించింది.

June 8, 2026 / 05:17 AM IST

ఖరారుచేసిన సర్కార్‌.. అకాడమిక్‌ క్యాలెండర్‌ విడుదల
పాఠశాలల్లో90% హాజరు తప్పనిసరిగాఉండాల్సిందే
ఈ నెల 14వ తేదీ నుంచి 19వ తేదీవరకు బడిబాట

హైదరాబాద్‌, జూన్‌ 7 (నమస్తే తెలంగాణ) : బడుల్లో ప్రతిరోజూ 90% విద్యార్థులు హాజరయ్యేలా చూడాలని విద్యాశాఖ ఆదేశించింది. అంతేకాకుండా తరుచూ గైర్హాజరయ్యే విద్యార్థులను బడికి రప్పించేందుకు చర్యలు తీసుకోవాలని సూచించింది. టీచర్లు, అమ్మ ఆదర్శపాఠశాల కమిటీలు గైర్హాజరయ్యే విద్యార్థుల ఇంటికెళ్లి, తల్లిదండ్రులను ఒప్పించి బడికి వచ్చేలా చూడాలని పేర్కొన్నది. కొత్త విద్యాసంవత్సరం ప్రారంభంకానున్న నేపథ్యంలో 2026-27 విద్యాసంవత్సరం అకాడమిక్‌ క్యాలెండర్‌ను పాఠశాల విద్యాశాఖ డైరెక్టర్‌ డాక్టర్‌ నవీన్‌ నికోలస్‌ ఆదివారం విడుదల చేశారు. కొత్త విద్యాసంవత్సరంలో బడులకు 227 పనిదినాలు (వర్కింగ్‌ డేస్‌)గా ఖరారు చేశారు. ఇక 2027 మార్చిలో పదో తరగతి వార్షిక పరీక్షలు నిర్వహిస్తామని క్యాలెండర్‌లో ప్రకటించారు. సర్కార్‌ బడుల్లో ఎన్‌రోల్‌మెంట్‌ పెంచేందుకు ఈ నెల 14 నుంచి 19 వరకు బడిబాట స్పెషల్‌ ఎన్‌రోల్‌మెంట్‌ డ్రైవ్‌ నిర్వహించాలని ఆదేశించారు.

కొన్ని ముఖ్యాంశాలు..

పదో తరగతి సిలబస్‌ను 2027 జనవరి 10వ తేదీలోపు పూర్తిచేయాలి. ఆ తర్వాత పునశ్చరణ తరగతులు నిర్వహించాలి.
1-9వ తరగతి సిలబస్‌ను 2027 ఫిబ్రవరి 28లోపు పూర్తిచేయాలి. సమ్మేటివ్‌ అసెస్‌మెంట్‌ పరీక్షలను 2027 మార్చి, ఏప్రిల్లో నిర్వహించాలి.
ప్రతిరోజూ స్పోర్ట్స్‌, గేమ్స్‌ తప్పనిసరిగా నిర్వహించాలి. యోగా, మెడిటేషన్‌ను ప్రతిరోజూ నిర్వహించాలి.
స్కూల్‌ కాంప్లెక్స్‌ మీటింగ్‌లను ఆరుసార్లు నిర్వహించాలి. జూలై, ఆగస్టు, సెప్టెంబర్‌, నవంబర్‌, డిసెంబర్‌, ఫిబ్రవరి మాసాల్లో వీటిని నిర్వహించాల్సి ఉంటుంది.
ప్రతినెలా ఒక రోజు బ్యాగ్‌లేకుండా బడికి వెళ్లవచ్చు. ప్రతినెలా మూడో శనివారం బ్యాగ్‌లెస్‌ డేగా పాటించాలి.

నెలవారీగా పనిదినాలు

నెల పనిదినాలు