ఖాళీగా 30 శాతం యువత

దేశంలో 15-24 ఏండ్ల యువతలో 29.3 శాతం మంది ఇటు చదువుకు, అటు ఉపాధికి దూరంగానే కాలం వెల్లదీస్తున్నారు. గ్రామీణ ప్రాంతాల్లో 30.2 శాతం మంది, పట్టణాల్లో 27.0 శాతం మంది ఉపాధికి, ఉపాధి శిక్షణకు నోచుకోకుండా ఉంటున్నారు.

• చదువుకు, ఉపాధికీ దూరం
• ఎన్‌ఎస్‌ఎస్‌వో నివేదికలో వెల్లడి

హైదరాబాద్‌, మార్చి 16 (నమస్తే తె లంగాణ): దేశంలో 15-24 ఏండ్ల యువతలో 29.3 శాతం మంది ఇటు చదువుకు, అటు ఉపాధికి దూరంగానే కాలం వెల్లదీస్తున్నారు. గ్రామీణ ప్రాంతాల్లో 30.2 శాతం మంది, పట్టణాల్లో 27.0 శాతం మంది ఉపాధికి, ఉపాధి శిక్షణకు నోచుకోకుండా ఉంటున్నారు. కేంద్ర గణాంక శాఖ ఆధ్వర్యంలోని నేషనల్‌ శాంపిల్‌ సర్వే ఆర్గనైజేషన్‌ (ఎన్‌ఎస్‌ఎస్‌వో) ఇటీవల విడుదల చేసిన మల్టిపుల్‌ ఇండికేటర్‌ సర్వే 78 రౌం డ్‌ నివేదిక ఈ విషయాలను వెల్లడించింది. దేశంలో సామాజిక, ఆర్థిక మార్పులను అధ్యయనం చేసేందుకు ఎన్‌ఎస్‌ఎస్‌వో 2021 ఆగస్టు నాటికి దేశవ్యాప్తంగా గ్రామాల్లో 1,64,529, పట్టణాల్లో 1,11,880 కుటుంబాలను సర్వే చేసింది. కనీస వసతులు, విద్య, బ్యాంకింగ్‌ తదితర అంశాలకు సంబంధించిన సమాచారాన్ని సేకరించింది. ఆ డాటాను క్రోడికరించి ఇటీవల నివేదికను విడుదల చేసింది. అం దులో పలు కీలక అంశాలు వెల్లడయ్యాయి.

నివేదికలోని ముఖ్యాంశాలు

• యువతలో 89 శాతం మంది మొబైల్స్‌ వినియోగిస్తున్నారు.
• ప్రతి లక్ష మంది యువకుల్లో గ్రామీణ ప్రాంతాల్లో 16,233 మంది, పట్టణాల్లో 14,889 మంది సంస్థాగత, ప్రైవేట్‌ అప్పుల్లో కూరుకుపోయారు.
• 2014 మార్చి 31 నుంచి సర్వే చేసేనాటికి గ్రామీణ ప్రాంతాల్లో 11.2%, పట్టణాల్లో 7.2% కుటుంబాలు సొంత ఇంటిని లేదంటే ఫ్లాట్‌ను కొనుగోలు చేశాయి. అందులోనూ మొదటిసారిగా కొనుగోలు చేసిన కుటుంబాలు గ్రామా ల్లో 47.5%, పట్టణాల్లో 57.9% కుటుంబాలు ఉన్నాయి.
• గ్రామాల్లో 38.7%, పట్టణాల్లో 56.1% మంది ఉపాధికోసం వలస పోతున్నారు.