మళ్లీ సచివాలయ విధుల్లోకి 145 మంది

విభజన చట్టం అమలులో భాగంగా ఏపీకి వెళ్లి తిరిగివచ్చిన 145 మంది తెలంగాణ ఉద్యోగులు మళ్లీ సచివాలయంలో విధుల్లో చేరనున్నారు. వారిని సచివాలయంలోకి తీసుకొనేందుకు అంగీకరించిన సీఎం రేవంత్‌రెడ్డి సంబంధిత ఫైలుపై సంతకం చేశారు.

హైదరాబాద్‌, జనవరి 27 (నమస్తే తెలంగాణ): విభజన చట్టం అమలులో భాగంగా ఏపీకి వెళ్లి తిరిగివచ్చిన 145 మంది తెలంగాణ ఉద్యోగులు మళ్లీ సచివాలయంలో విధుల్లో చేరనున్నారు. వారిని సచివాలయంలోకి తీసుకొనేందుకు అంగీకరించిన సీఎం రేవంత్‌రెడ్డి సంబంధిత ఫైలుపై సంతకం చేశారు. ఈ సందర్భంగా సదరు ఉద్యోగులు శనివారం సచివాలయం మీడియా పాయింట్‌ వద్ద విలేకరులతో మాట్లాడుతూ.. మొత్తం 145 మంది కూడా క్లాస్‌ 3, 4 ఉద్యోగులేనని గతంలో 25 ఏండ్లు సచివాలయంలో పనిచేశామని, విభజన చట్టంలో భాగంగా 52:48 నిష్పత్తిలో ఏపీకి వెళ్ళామని వివరించారు.

2021లో తెలంగాణకు వచ్చినా.. ఇతర డిపార్ట్‌మెంట్లలో పనిచేశామని, దీనివల్ల సీనియారిటీ నష్టపోయామని, ఇన్ని రోజులు వేదనకు గురయ్యామని చెప్పారు. ఈ సందర్భంగా వారు సీఎం రేవంత్‌రెడ్డికి, ఆర్థిక మంత్రి భట్టి విక్రమార్కకు కృతజ్ఞతలు తెలిపారు.