కులగణన అసమగ్రం
హైదరాబాద్తోపాటు పట్టణ ప్రాం తాల్లో కులగణన సర్వే సమగ్రంగా జరగలేదని బీసీ కమిషన్ చైర్మన్ నిరంజన్ వెల్లడించారు. ఈ అంశాన్ని ప్రభుత్వం సీరియస్గా తీసుకోవాలని సూచించారు.
- లెక్కలపై బీసీ కమిషన్ తీవ్ర అభ్యంతరం
- హైదరాబాద్లో అసంపూర్తిగా సర్వే
- అర్బన్ ఏరియాల్లో సైతం ఇదే పరిస్థితి
- దీనిని ప్రభుత్వం సీరియస్గా తీసుకోవాలి
- బీసీ కమిషన్ చైర్మన్ నిరంజన్ సూచన
హైదరాబాద్, ఫిబ్రవరి 5 (నమస్తే తెలంగాణ): హైదరాబాద్తోపాటు పట్టణ ప్రాం తాల్లో కులగణన సర్వే సమగ్రంగా జరగలేదని బీసీ కమిషన్ చైర్మన్ నిరంజన్ వెల్లడించారు. ఈ అంశాన్ని ప్రభుత్వం సీరియస్గా తీసుకోవాలని సూచించారు. హైదరాబాద్లోని బీసీ కమిషన్ కార్యాలయంలో బుధవారం ఆయన మీడియాతో మాట్లాడారు. కులగణన సర్వేలో 94,261 ఎన్యుమరేషన్ బ్లాక్లను ఏర్పాటు చేశామని చెప్పారు. సర్వేలో 1,03,889 మంది ఎన్యుమరేటర్లు, సూపర్వైజర్లు 50 రోజులపాటు జరిగిన పాల్గొన్నారని తెలిపారు. రాష్ట్రంలో కోటి 15 లక్షల కుటుంబాలు ఉండగా, కోటి 12 లక్షల కుటుంబాలను సర్వే చేశామని చెప్పారు. ఇందులో బీసీలు 56.66 శాతం ఉన్నారని, వారు ఆశిస్తున్న 42 శాతం రిజర్వేషన్ల కంటే ఇది 14.33 శాతం ఎక్కువ అని తెలిపారు.
సర్వే రిపోర్టును అసెంబ్లీలో ప్రవేశపెట్టిన తర్వాత బీసీల జనాభా పెరిగిందా? తగ్గిందా? అనే చర్చ జరుగుతున్నదని పేర్కొన్నారు. అయితే రిజర్వేషన్ల్లు సాధించుకోవాలనే విషయంపై బీసీ నాయకులు, సంఘాలు దృష్టి సారించాలని కమిషన్ విజ్ఞప్తి చేస్తున్నదని అన్నారు. కులాల పేర్ల మార్పులపై వచ్చిన అభ్యంతరాలను పరిశీలించామని తెలిపారు. క్షేత్రస్థాయిలో పర్యటించి ఆయా కులాల జీవన స్థితిగతులను పరిశీలించి ఈ అంశంలో తుది నిర్ణయం తీసుకుంటామని ప్రకటించారు. ప్రభుత్వ ఉద్యోగాల్లో బీసీ రిజర్వేషన్ల అమలు అంశమై ఉద్యోగుల వివరాలు సేకరించాలని కమిషన్ నిర్ణయించినట్టు తెలిపారు. ప్రభుత్వ విభాగాలలో రోస్టర్ పాయింట్ రిజిస్టర్ నిర్వహణను పరిశీలించాలని నిర్ణయించినట్టు పేర్కొన్నారు. వెనకబడిన తరగతుల కులాల సమగ్ర అధ్యయనం కోసం కుల సర్వే డాటాను ఇవ్వాలని ప్రణాళిక శాఖను కమిషన్ కోరనున్నదని తెలిపారు. ఈ సమావేశంలో సభ్యులు రాపోలు జయప్రకాశ్, తిరుమలగిరి సురేందర్, బాలలక్ష్మి పాల్గొన్నారు. ఇదిలాండగా, గతంలో సర్వే కొనసాగుతున్న సమయంలో డెడికేటెడ్ కమిషన్ కూడా ఇదే అభిప్రాయం వ్యక్తం చేయడం గమనార్హం.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Congress | మా ముందుకొచ్చి మాట్లాడే దమ్ముందా?.. కాంగ్రెస్ నేతలకు రైతు సవాల్
Malasiya | భారతీయులకు మలేషియా షాక్.. వీసా ఫ్రీ ఎంట్రీ నిలిపివేత
Aadhar Card | ‘పుట్టిన తేదీకి ఆధార్ కార్డ్ ధ్రువపత్రం కాదు’
PF Withdraw | ఇకపై నెలనెలా పీఎఫ్ విత్డ్రా.. సిస్టమాటిక్ విత్డ్రాయల్ ప్లాన్కు ఈపీఎఫ్వో ఆమోదం
Shah Rukh Khan | షారుఖ్ఖాన్అరుదైన ఘనత.. ది 100 గ్రేటెస్ట్ మూవీ స్టార్స్ ఆఫ్ ఆల్టైమ్ జాబితాలో చోటు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

