దుస్తులే కాదు చెప్పులు, బ్యాగులు అన్నిటిపైనా ముత్యాలే ఫ్యాషన్.. అసలు వీటి వాడకం ఎప్పుడు మొదలైంది?
Pearl Fashion | స్వచ్ఛమైన తెలుపుతో, అచ్చమైన మెరుపుతో ఇట్టే ఆకట్టుకుంటాయి ముత్యాల ఆభరణాలు. ముత్యాల నగలు ధరిస్తే.. అలంకరించుకున్న వారికి అందం, చూసే కళ్లకు ఆహ్లాదం. కాబట్టే, ఆభరణాలకే పరిమితం కాకుండా దుస్తులు, చెప్పులు, బ్యాగుల పైనా ముత్యాలను అద్దుతున్నారు. ఇంకేముంది.. ముచ్చటైన ముత్యాలు నిలువెల్లా మెరిపిస్తున్నాయి.
హైదరాబాద్ ముత్యాల నగరంగా సుప్రసిద్ధం. ముత్యాలకు వేల ఏండ్ల చరిత్ర ఉంది. చైనాలో నాలుగు వేల సంవత్సరాల కిందటే ముత్యాలను వాడినట్లు చరిత్ర చెబుతున్నది. ముత్యాలు.. ఒక్క తెలుపులోనే కాదు, ఇంద్రధనుస్సులోని అన్ని రంగుల్లోనూ లభిస్తాయి. వివిధ ఆకృతుల్లో అందుబాటులో ఉన్నాయి. కొన్ని నీటి బిందువు ఆకారంలో, కొన్ని అండాకారంలో, కొన్ని అర్ధ వృత్తాకారంలో కనువిందు చేస్తాయి. వీటిలో గుండ్రంగా ఉన్నవీ, బిందు ఆకారంలో మెరిసిపోయేవీ మరింత ధర పలుకుతాయి. ముత్యాల నిర్మాణం పొరలుపొరలుగా ఉంటుంది. అందుకే అంత బలం. ఓ పట్టాన పగిలిపోవు.
ముత్యాల నగలను ధరించే సంప్రదాయం త్రేతాయుగం నుంచీ ఉంది. రామాయణంలో ఓ చోట ఇరవయ్యేడు రకాల ముత్యాలతో అల్లిన హారం గురించిన వర్ణన ఉంది. శ్రీకృష్ణుడికి ముత్యాల హారాలంటే ఇష్టమని భాగవతం చెబుతున్నది. క్లియోపాత్రా ఓ ఖరీదైన ముత్యాన్ని వెనిగర్లో కరిగించి తాగి మరీ.. తానెంత ధనవంతురాలో లోకానికి చాటిచెప్పింది. రోమన్లు
రాచ మహిళల సమాధుల్లో ముత్యాలను ఉంచేవారట. హైదరాబాద్లో ఏడాదికి 500 కోట్ల రూపాయల ముత్యాల వ్యాపారం జరుగుతుందని అంచనా. సహజంగా తయారయ్యే ముత్యాల ధరలు ఎక్కువే. తక్కువలో కావాలనుకునే వారికి కృత్రిమ ముత్యాల నగలు అందుబాటులోకి వచ్చేశాయి. డిజైనర్లు వాటిని దుస్తులు, హ్యాండ్ బ్యాగులు, చెప్పులపైనా పొదుగుతున్నారు. పాశ్చాత్య, సంప్రదాయ దుస్తులపై ఈ ముత్యాల వరుసలు మరింత అందాన్ని తెచ్చి పెడుతున్నాయి. టోపీలు, చెప్పులకు జతచేయడంతో ఒక థీమ్లాంటి కాంబోలు మార్కెట్లోకి వచ్చేశాయి. కాలర్పీస్గా ప్రసిద్ధిచెందిన ముత్యాల వరుసలతో కూడిన నగలను.. పొడవాటి గౌన్లపై ధరిస్తారు. ఇవి పార్టీల్లో, వేడుకల్లో ప్రత్యేక ఆకర్షణగా నిలుస్తాయి. వాచీలు, బ్రేస్లెట్లు, పట్టీలు.. ఒకటేమిటి ప్రతి వస్తువుకూ ముత్యపు మెరుపు మెరుపే. ఆ అలంకరణలో మహిళ కడిగిన ముత్యమే!
Read More :
“ఏ కలర్ చీరకైనా మ్యాచ్ అయ్యే ఈ సప్తవర్ణాల నగల గురించి ఐడియా ఉందా?”
Read Today's Latest Sunday News in Telugu and Telugu News
RELATED ARTICLES
తాజా వార్తలు
Kaishika Dwadashi | తిరుమల శ్రీవారి ఆలయంలో వైభవంగా కైశిక ద్వాదశి ఆస్థానం
HanuMan 2 | ప్రశాంత్ వర్మకు షాక్?.. వైష్ణవ్ తేజ్తో ప్రైమ్షో ‘హను-మాన్ 2’ అనౌన్స్మెంట్!
ENE 2 | అమెరికాలో ‘ఈ నగరానికి ఏమైంది 2’ జోరు.. రెండు రోజుల్లోనే 7.5 లక్షల డాలర్ల వసూళ్లు!
Running | రన్నింగ్తో కాళ్ల కండరాలు పెరుగుతాయా? కొవ్వు మాత్రమే తగ్గుతుందా?
Road Accident | పెళ్లి బృందం కారుకు ప్రమాదం.. నలుగురు దుర్మరణం
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

