CM KCR | పెద్ద‌ల‌కు కేసీఆర్ సాష్టాంగ న‌మ‌స్కారం చేయ‌డం వెనుక ఆంతర్యమిదే..

February 16, 2022 / 07:09 PM IST

CM KCR | తెలంగాణ నుంచి ఎదిగిన ఒక ప్రసిద్ధ కవి చనిపోయినప్పుడు, ఆయన అంత్యక్రియలు అధికార లాంఛనాలతో జరపాలని కేసీఆర్‌ అనుకున్నారు. అంతిమయాత్రకు వెళ్లాలనీ నిర్ణయించుకున్నారు. సహచరుల్లో ఒకరు దీనిపై అభ్యంతరపెట్టారు. ‘ఆ కవి తెలంగాణ ఉద్యమంలో పాల్గొనలేదు. ప్రత్యేక రాష్ట్ర వాదనకు మద్దతివ్వలేదు. అందువల్ల మనం వెళ్లాల్సిన అవసరం లేదు’ అని ఆయన వాదించారు. కేసీఆర్‌ దీన్ని ఖండించారు.

CM KCR | jayashankar sir | 20 years of TRS | TRS plenary — CM KCR

అన్నిటినీ ఉద్యమ కోణంలోనే, రాజకీయ దృష్టితోనే చూడాల్సిన అవసరం లేదు. ఎవరు అవునన్నా, కాదన్నా ఆయన తెలంగాణ ముద్దుబిడ్డ. తెలంగాణ ముద్ర. తెలంగాణ విద్వన్మూర్తి. అందువల్ల ఆయనను మనం గౌరవించి తీరాల్సిందే అని హితవు పలికారు. అంత్యక్రియలకు వెళ్లడమే కాదు; స్వయంగా పాడె మోసి తన భక్తి చాటుకున్నారు. రాజకీయ, సైద్ధాంతిక విభేదాలకన్నా, తెలంగాణ భూమిక ఎంతో విశాలమైనదని కేసీఆర్‌ ఆలోచిస్తారు. పీవీతో పాటు, తన భావజాలంతో విభేదించే అనేకమందిని ఆయన అదే దృష్టితో గౌరవించారు. తెలంగాణ పట్ల ప్రొఫెసర్‌ జయశంకర్‌కున్న నిబద్ధతను గుర్తించిన కేసీఆర్‌, బహిరంగ సభా వేదికపైనే ఆయనకు కేసీఆర్ సాష్టాంగ న‌మ‌స్కారం చేసేవారు. చదువు నేర్పిన గురువుకు, సాధు సంతులకు, తెలంగాణ బిల్లుపై సంతకం చేసిన రాష్ట్రపతి ప్రణబ్‌ముఖర్జీకి కేసీఆర్‌ నమస్కారం చేయడంలోని అంతరార్థం… వారి విద్వత్తు, నిబద్ధతల పట్ల వినయపూర్వకమైన కృతజ్ఞతే!

తెలంగాణలో అనేక అద్భుతమైన జలపాతాలు ఉన్నాయి. గడీలు, కోటలు, బురుజులు, చారిత్రక అవశేషాలు అనేకం ఉన్నాయి. రామప్ప చాలా ఉన్నతమైనది. అలంపూర్‌లోని జోగులాంబ ఆలయం అష్టాదశ శక్తి పీఠాల్లో ఒకటి. పర్యాటక ప్రాంతాల అభివృద్ధికి ప్రభుత్వం అనేక చర్యలు తీసుకుంటుంది.

– కేసీఆర్‌

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి