Asia Cup 2023 : ఆసియాకప్ సూపర్-4లో పాకిస్థాన్పై ఘనవిజయం సాధించిన టీమ్ఇండియా శ్రీలంకతో పోరులో విఫలమైంది. ముఖ్యంగా లంక యువ స్పిన్నర్ దునిత్ వెల్లలగే(Dunith Wellalage) ధాటికి వరుస విరామాల్లో వికెట్లు కోల్పోయింది. చివరకు 213 పరుగులకు పరిమితమైంది. ఈ మ్యాచ్లో ఐదు వికెట్ల ప్రదర్శనతో దునిత్ రికార్డు సృష్టించాడు.
లంక తరఫున అతి పిన్న వయసు(20 ఏళ్లు) లో 5 వికెట్ల ఘనత సాధించాడు. 10 ఓవర్లలో 40 పరుగులిచ్చి 5 వికెట్లు పడగొట్టాడు.ఇప్పటి వరకు 12 వన్డేలు మాత్రమే ఆడిన దునిత్కు ఈ ఫార్మాట్లో ఇవే అత్యుత్తమ గణాంకాలు కావడం విశేషం. భారత స్టార్ ప్లేయర్లు రోహిత్ శర్మ, విరాట్ కోహ్లీ, శుభ్మన్ గిల్, కేఎల్ రాహుల్, హార్దిక్ పాండ్యా వికెట్లు ఖాతాలో వేసుకున్నాడు.
☝️ Rohit Sharma
☝️ Shubman Gill
☝️ Virat Kohli
☝️ KL Rahul
☝️ Hardik PandyaWhat a spell from Dunith Wellalage! He becomes the youngest Sri Lankan to take a five-wicket haul in men’s ODIs 🔥 #SLvIND LIVE 👉 https://t.co/yjh54eDXBm#AsiaCup2023 pic.twitter.com/edkzHuMzQW
— ESPNcricinfo (@ESPNcricinfo) September 12, 2023
గత మ్యాచ్లో పాక్ పేసర్లు షాహీన్ షా అఫ్రిది, హరీస్ రవుఫ్, నసీమ్ షాను సమర్థంగా ఎదుర్కొన్న భారత టాపార్డర్.. లంకతో మ్యాచ్లో ఈ చిన్నోడికి దాసోహమైంది. ఈ మ్యాచ్లోనూ ఓపెనర్లు రాణించి మంచి స్కోరు అందించగా.. తొలి వికెట్కు 80 పరుగులు జోడించిన అనంతరం గిల్ (19) ఔటయ్యాడు. ఇక అక్కడి నుంచి వికెట్ల పతనం చివరి వరకు కొనసాగింది.
రోహిత్ శర్మ (53)
గత మ్యాచ్లో దాయాదిపై అజేయ సెంచరీతో కదం తొక్కిన విరాట్ కోహ్లీ 3 పరుగులకే పెవిలియన్ చేరగా.. ఆ వెంటనే రోహిత్ శర్మ (53) ఔటయ్యాడు. మధ్యలో ఇషాన్ కిషన్ (33), కేఎల్ రాహుల్ (39) కాస్త పోరాడగా.. హార్దిక్ పాండ్యా (5), రవీంద్ర జడేజా (4) విఫలమయ్యారు. చివర్లో అక్షర్ పటేల్ (26) విలువైన పరుగులు జోడించడంతో భారత్ రెండొందల మార్క్ దాటింది.