Virat Kohli: ఆడింది 81 బంతులు… కొట్టింది ఒక్క ఫోరు..దానికి సెంచరీ లెవెల్‌లో సెలెబ్రేషన్‌!!

Virat Kohli: 81 బంతులు ఆడిన త‌ర్వాత కోహ్లీ ఫోర్ కొట్టాడు. విండీస్‌తో జ‌రుగుతున్న తొలి టెస్టు తొలి ఇన్నింగ్స్‌లో ఈ ఘ‌ట‌న జ‌రిగింది. అయితే ఫోర్ కొట్టిన త‌ర్వాత కోహ్లీ ఆ మూమెంట్‌ను ఎంజాయ్ చేశాడు. సెంచ‌రీ కొట్టిన ప్లేయ‌ర్ త‌ర‌హాలోనే చేతి పంచ్‌ను గాలిలోకి విసిరాడు. ఆ ఘ‌ట‌న‌కు చెందిన వీడియో ఇదే.

డొమినిక్‌: కొన్ని సంద‌ర్భాల్లో చిన్న చిన్న విష‌యాల‌ను కూడా సెల‌బ్రేట్ చేసుకోవ‌డం తెలియాల్సిందే. అలాంటి ఘ‌ట‌నే విండీస్‌తో జ‌రుగుతున్న తొలి టెస్టులో చోటుచేసుకున్న‌ది. టాప్ బ్యాట‌ర్ విరాట్ కోహ్లీ(Virat Kohli).. తొలి ఇన్నింగ్స్‌లో తొలి ఫోర్ కొట్టిన త‌ర్వాత .. ఆ సంద‌ర్భాన్ని ఎంజాయ్ చేశాడు. ఆ ఫ‌న్నీ మూమెంట్‌కు చెందిన వీడియో ఒక‌టి రిలీజైంది. స్పిన్ బౌలింగ్‌లో క‌వ‌ర్స్ దిశ‌గా ఫోర్ కొట్టిన కోహ్లీ.. ఆ త‌ర్వాత త‌న చేయిని గాలిలోకి విసిరి సెల‌బ్రేట్ చేసుకున్నాడు. అయితే ఆ ఇన్నింగ్స్‌లో 81 బంతులు ఆడిన త‌ర్వాత ఫోర్ కొట్టిన అత‌ను.. ఆ మూమెంట్‌ను ఎంజాయ్ చేశాడు. కామెంటేట‌ర్లు కూడా ఆ ఫ‌న్నీ సంద‌ర్భానికి న‌వ్వేశారు.

Calling it a night! That celebration by @imVkohli after hitting his first boundary on the 81st ball.
.
.#INDvWIonFanCode #WIvIND pic.twitter.com/4SjNLZCMhx

— FanCode (@FanCode) July 13, 2023

రెండో రోజు ఆట ముగిసే స‌మాయానికి ఇండియా రెండు వికెట్ల న‌ష్టానికి 312 ర‌న్స్ చేసింది. య‌శ‌స్వి జైస్వాల్ 143, కోహ్లీ 36 ర‌న్స్‌తో క్రీజ్‌లో ఉన్నారు. రోహిత్ శ‌ర్మ 103 ర‌న్స్ చేసి ఔట‌య్యాడు.