Virat Kohli | ముంబై టెస్టులో అవుటైన తర్వాత కోహ్లీ రియాక్షన్ వైరల్
Virat Kohli | కివీస్‌తో జరుగుతున్న రెండో టెస్టులో టీమిండియా సారధి విరాట్ కోహ్లీ.. 36 పరుగులకే అవుటయ్యాడు. న్యూజిల్యాండ్‌ ఆల్‌రౌండర్‌ రచిన్ రవీంద్ర వేసిన ఇన్నింగ్స్ 63వ ఓవర్‌లో కోహ్లీ బ్యాటింగ్ చేస్తున్నాడు.
కివీస్‌తో జరుగుతున్న రెండో టెస్టులో టీమిండియా సారధి విరాట్ కోహ్లీ.. 36 పరుగులకే అవుటయ్యాడు. న్యూజిల్యాండ్‌ ఆల్‌రౌండర్‌ రచిన్ రవీంద్ర వేసిన ఇన్నింగ్స్ 63వ ఓవర్‌లో కోహ్లీ బ్యాటింగ్ చేస్తున్నాడు. ఆ ఓవర్ తొలి బంతినే కట్‌ చేయడానికి ప్రయత్నించాడు. అయితే ఆ బంతి స్లో బౌన్స్‌ కోహ్లీ అంచనాను దెబ్బతీసింది.
దీంతో ఇన్‌సైడ్ ఎడ్జ్ తీసుకున్న బాల్‌.. వికెట్లను పడగొట్టింది. ఇలా అవుటైన వెంటనే కోహ్లీ తొలుత బాధపడ్డాడు, ఆ వెంటనే ఆశ్చర్యపోయాడు. ఇలా కోహ్లీ ఇచ్చిన రియాక్షన్ ప్రస్తుతం నెట్టింట తెగ వైరల్ అవుతోంది. ఈ మ్యాచ్ తొలి ఇన్నింగ్స్‌లో కోహ్లీ డకౌట్ అయిన సంగతి తెలిసిందే. అయితే ఈ అవుట్‌లో బంతి కోహ్లీ బ్యాట్‌ను తాకినట్లు కనిపించింది.
కానీ ముందుగా ఆ బంతి బ్యాటును తాకిందా? లేక ప్యాడ్‌ను తాకిందా? తెలియడం లేదని థర్డ్ అంపైర్ వీరేందర్ శర్మ అభిప్రాయపడ్డాడు. దీంతో కోహ్లీని అవుట్‌గా ప్రకటించారు. ఈ నిర్ణయంపై పలువురు మాజీలు కూడా పెదవి విరిచారు. అంపైరింగ్‌ చాలా దరిద్రంగా ఉందంటూ అభిమానులు తిట్టిపోశారు.
Read Today's Latest Sports News in Telugu and Telugu News
- Follow Us :
-
