Tymal Mills – Hat-trick | పుట్టిన రోజునాడే హ్యాట్రిక్.. నాలుగో బౌల‌ర్‌గా రికార్డుకెక్కిన మిల్స్

Tymal Mills - Hat-trick : ది హండ్రెడ్(The Hundred) లీగ్‌లో స‌థ‌ర్న్ బ్రేవ్స్(Southern Brave) బౌల‌ర్ టైమ‌ల్ మిల్స్‌(Tymal Mills) అరుదైన ఫీట్ సాధించాడు. ఇంగ్లండ్ వేదిక‌గా జ‌రుగుతున్న‌ ఈ టోర్నీలో వెల్ష్ ఫైర్‌(Welsh Fire) జ‌ట్టుపై హ్యాట్రిక్ వికెట్లు తీశాడు. దాంతో, స‌థ‌ర్న్ బ్రేవ్స్ త‌ర‌ఫున హ్యాట్రిక్ తీసిన రెండో బౌల‌ర్‌గా నిలిచాడు. 2021లో లెగ్ స్పిన్న‌ర్ ఇమ్రాన్ తాహిర్(Imran Tahir) ఈ ఫీట్...

August 14, 2023 / 05:59 PM IST

Tymal Mills – Hat-trick | పుట్టిన రోజునాడే హ్యాట్రిక్.. నాలుగో బౌల‌ర్‌గా రికార్డుకెక్కిన మిల్స్

Tymal Mills – Hat-trick : ది హండ్రెడ్(The Hundred) లీగ్‌లో స‌థ‌ర్న్ బ్రేవ్స్(Southern Brave) బౌల‌ర్ టైమ‌ల్ మిల్స్‌(Tymal Mills) అరుదైన ఫీట్ సాధించాడు. ఇంగ్లండ్ వేదిక‌గా జ‌రుగుతున్న‌ ఈ టోర్నీలో వెల్ష్ ఫైర్‌(Welsh Fire) జ‌ట్టుపై హ్యాట్రిక్ వికెట్లు తీశాడు. దాంతో, స‌థ‌ర్న్ బ్రేవ్స్ త‌ర‌ఫున హ్యాట్రిక్ తీసిన రెండో బౌల‌ర్‌గా నిలిచాడు. 2021లో లెగ్ స్పిన్న‌ర్ ఇమ్రాన్ తాహిర్(Imran Tahir) ఈ ఫీట్ సాధించాడు. అత‌ను కూడా వెల్ష్ ఫైర్‌పైనే హ్యాట్రిక్ తీయ‌డం విశేషం. నిన్న జ‌రిగిన మ్యాచ్‌లో వెల్ష్ ఫైర్ ఆట‌గాళ్లు బెన్ గ్రీన్, హ్యారిస్ రౌఫ్‌, డేవిడ్ పైన్‌ల‌ను వ‌ర‌స బంతుల్లో మిల్స్‌ పెవిలియ‌న్ పంపాడు.

మ‌రోవిష‌యం ఏంటంటే..? హండ్రెడ్ లీగ్‌లో(పురుషుల‌, మ‌హిళ‌ల టోర్నీ) హ్యాట్రిక్ తీసిన‌ నాలుగో బౌల‌ర్‌గా మిల్స్ గుర్తింపు సాధించాడు. అత‌డి కంటే ముందు అల‌నా కింగ్(Alana King), ష‌బ్నిం ఇస్మాయిల్(Shabnim Ismail), ఇమ్రాన్ తాహీర్ ఈ ఫీట్ సాధించారు.

Slow balls get you hat-tricks too! 🐢
Tymal Mills bags the 2nd ever hat-trick in The Hundred. #TheHundred pic.twitter.com/qwbwbbMM1J

— FanCode (@FanCode) August 13, 2023

‘పుట్టిన రోజునాడే హ్యాట్రిక్ తీయడంతో చాలా సంతోషంగా ఉంది. ఈ టోర్నీలో మాకు మంచి ఆరంభం ల‌భించ‌లేదు. ఒక మ్యాచ్ వ‌ర్షార్ప‌ణం అయింది. ఆ త‌ర్వాత మ్యాచ్‌లో గెలిచాం. ఆ వెంట‌నే సూప‌ర్‌చార్జ‌ర్స్ జ‌ట్టు చేతిలో ఓడాం. అందుక‌ని ఈ మ్యాచ్‌లో విజ‌యం సాధించాల‌ని అంద‌రం క‌సితో ఉన్నాం. హ్యాట్రిక్‌తో ప్ర‌త్య‌ర్థిని త‌క్కువ‌కే క‌ట్ట‌డి చేశాం’ అని మిల్స్ తెలిపాడు.

13 ప‌రుగులే..

మిల్స్ హ్యాట్రిక్‌తో క‌లిపి 4 వికెట్లు తీయ‌డ‌మే కాకుండా కేవ‌లం 13 ప‌రుగులే ఇచ్చాడు. అత‌డి ధాటికి వెల్ష్ ఫైర్‌ 87 ప‌రుగుల‌కే కుప్ప‌కూలింది. స్వ‌ల్ప ల‌క్ష్యాన్ని స‌థ‌ర్న్ బ్రేవ్స్ జ‌ట్టు ఒక వికెట్ మాత్ర‌మే న‌ష్ట‌పోయి ఛేదించింది. ఓపెన‌ర్లు ధ‌నాధ‌న్ ఆడ‌డంతో 59 బంతుల్లోనే మ్యాచ్ ముగించింది. ఎడమ చేతివాటం పేస‌ర్ అయిన మిల్స్ ఐపీఎల్‌లోనూ మెరిశాడు. 2022లో ముంబై ఇండియ‌న్స్(Mumbai Indians) జ‌ట్ట‌కు ఆడాడు.