Tim Southee : న్యూజిలాండ్ (Newzealand) సీనియర్ పేసర్ టిమ్ సౌథీ(Tim Southee) చరత్ర సృష్టించాడు. పొట్టి క్రికెట్లో అత్యధిక వికెట్ల వీరుడిగా రికార్డు నెలకొల్పాడు. బ్యాటర్లకు స్వర్గధామమైన టీ20ల్లో ఏకంగా 150 వికెట్లు పడగొట్టాడు. పాకిస్థాన్తో జరిగిన తొలి టీ20లో నాలుగు వికెట్లు తీసిన సౌథీ ఈ ఫీట్ సాధించాడు. తద్వారా పొట్టి ఫార్మాట్లో బంగ్లాదేశ్ కెప్టెన్ షకీబుల్ హసన్(Shakib Al Hasan)ను రికార్డును సౌథీ బద్ధలు కొట్టాడు.
ప్రపంచంలోనే మేటి ఆల్రౌండర్లలో ఒకడైన షకీబ్ 40 వికెట్లతో రెండో స్థానానికి పడిపోయాడు. అఫ్గనిస్థాన్ సారథి రషీద్ ఖాన్(Rashid Khan) 130 వికెట్లతో మూడో స్థానంలో నిలిచాడు. టీ20ల్లో అత్యధిక వికెట్ల వీరుల టాప్ 10 జాబితాలో ఒక్క భారత బౌలర్ కూడా లేకపోవడం గమనార్హం.
Tim Southee became the first bowler to breach the 150-wicket barrier in men’s T20Is 👏
Details 👉 https://t.co/9vkxGBD0JQ#NZvPAK pic.twitter.com/F6DKpuk9S6
— ICC (@ICC) January 12, 2024
పొట్టి క్రికెట్లో బ్యాటర్లకు కళ్లెం వేస్తూ వికెట్ల వేట కొనసాగించిన బౌలర్లు చాలామందే. అయితే.. వీళ్లలో 100 వికెట్లు తీసింది మాత్రం కొందరే. కివీస్ స్పిన్నర్ ఇష్ సోధీ(127 వికెట్లు), శ్రీలంక దిగ్గజం లసిత్ మలింగ(107), ఇంగ్లండ్ స్పిన్నర్ ఆదిల్ రషీద్(107), బంగ్లా పేసర్ ముస్తాఫిజుర్ రెహ్మాన్(105), కివీస్ ఆల్రౌండర్ మిచెల్ శాంట్నర్(105), పాకిస్థాన్ ఆల్రౌండర్ షాదాబ్ ఖాన్(104), ఐర్లాండ్ బౌలర్ మార్క్ అడైర్(102)లు టాప్ 10 బౌలర్లుగా కొనసాగుతున్నారు.
షకీబుల్ హసన్
ఆక్లాండ్లో పాకిస్థాన్తో జరిగిన తొలి టీ20లో సౌథీ విజృంభించాడు. ఏకంగా నాలుగు వికెట్లు తీయడంతో న్యూజిలాండ్ 46 పరుగుల తేడాతో గెలుపొందింది. తొలుత ఆల్రౌండర్ డారిల్ మిచెల్ (61 : 27 బంతుల్లో 4 ఫోర్లు, 4 సిక్సర్లు ) ఊచకోతకు కెప్టెన్ కేన్ విలియమ్సన్(57 : 42 బంతుల్లో 9 ఫోర్లు) హాఫ్ సెంచరీ తోడవ్వడంతో కివీస్ 8 వికెట్ల నష్టానికి 226 పరుగులు చేసింది.
భారీ లక్ష్య ఛేదనలో పాక్ బ్యాటర్లు చేతులెత్తేయగా.. మాజీ కెప్టెన్ బాబర్ ఆజాం(57) ఒంటరి పోరాటం చేశాడు. అయితే.. సౌథీ 18వ ఓవర్లో అబ్బాస్ అఫ్రిది(1), హ్యారిస్ రౌఫ్(0)లను ఔట్ చేయడంతో పాక్ ఇన్నింగ్స్ ముగిసింది. కివీస్ బౌలర్లలో టిమ్ సౌథీ నాలుగు, బెన్ సియర్స్ రెండు వికెట్లు పడగొట్టారు.