Team India New Jersey : భారత్, వెస్టిండీస్ జట్ల మధ్య టెస్టు సిరీస్కు రేపటితో తెర లేవనుంది. బార్బడోస్(Barbados) వేదికగా తొలి టెస్టు మొదలవ్వనుంది. ఈ మ్యాచ్లో టీమిండియా కొత్త జెర్సీ(New Jersey)తో బరిలోకి దిగనుంది. అయితే.. కొత్తగా రూపొందించిన జెర్సీ డిజైన్ అస్సలు బాగా లేదంటూ అభిమానులు బీసీసీఐ(BCCI)ని తిట్టిపోస్తున్నారు. కలర్ కాంబినేషన్ చెత్తగా ఉందంటూ మరికొందరు కామెంట్లు పెడుతున్నారు.
ఇంతకు జెర్సీ ఎలా ఉందంటే..? కొత్త జెర్సీ తెలుపు, నీలం, ఎరుపు .. ఈ మూడు రంగుల కలబోతగా ఉంది. జెర్సీ మీద డ్రీమ్ 11 అక్షరాలు, లోగో(Dream 11 Logo) ఎరుపు రంగులో ఉండడం కొంచెం ఎబ్బెట్టుగా అనిపిస్తోంది. ప్రపంచ టెస్టు చాంపియన్షిప్ ఫైనల్లో(WTC Final 2023)నూ భారత క్రికెటర్లు కొత్త జెర్సీతో ఆడిన విషయం తెలిసిందే. అయితే.. తెలుపు, నీలం రంగుతో ఆ జెర్సీ చూడ్డానికి బాగుంది.
Lights 💡
Camera 📸
Action ⏳A sneak peek of #TeamIndia‘s headshots session as they get ready for some gripping red-ball cricket 😎#WIvIND pic.twitter.com/YVbbLAE5Ea
— BCCI (@BCCI) July 11, 2023
కరీబియన్ గడ్డపై సత్తా చాటేందుకు భారత ఆటగాళ్లు ఎదురుచూస్తున్నారు. ప్రపంచ టెస్టు చాంపియన్షిప్ ఫైనల్లో దారుణంగా విఫలమైన కెప్టెన్ రోహిత్ శర్మ(Rohit Sharma) భారీ స్కోర్పై కన్నేశాడు. వైస్ కెప్టెన్ అజింక్యా రహానే, మాజీ సారథి విరాట్ కోహ్లీ డబ్ల్యూటీసీ ఫైనల్ ఫామ్ను కొనసాగించాలని అనుకుంటున్నారు.
యశస్వీ జైస్వాల్, ఛతేశ్వర్ పూజారా
అయితే.. మిడిలార్డర్లో నయా వాల్ ఛతేశ్వర్ పూజారా(Cheteshwar Pujara) లేడు. దాంతో, అతడి పాత్రను ఎవరు పోషిస్తారనేది ఆసక్తికరంగా మారింది. ఐపీఎల్ 16వ సీజన్లో ఆకట్టుకున్న యశస్వీ జైస్వాల్(Yashasvi Jaiswal)ను ఏ స్థానంలో ఆడిస్తారో చూడాలి.
శ్రీకర్ భరత్, ఇషాన్ కిషన్లలో కీపర్గా ఎవరిని తీసుకుంటారు? ఆనేది రేపే తెలుస్తుంది. మరోవైపు విండీస్ జట్టులో జేసన్ హోల్డర్, కీమర్ రోచ్ తప్ప మిగతావాళ్లంతా కొత్తవాళ్లే. సొంత గడ్డపై విండీస్ చెలరేగుతుందా? లేదా భారత జట్టు తమ ఆధిపత్యాన్ని కొనసాగిస్తుందా? అనేది రేపటితో తెలియనుంది.
భారత జట్టు అంచనా : రోహిత్ శర్మ(కెప్టెన్), శుభ్మన్ గిల్, యశస్వీ జైస్వాల్, అజింక్యా రహానే, విరాట్ కోహ్లీ, రవీంద్ర జడేజా, శ్రీకర్ భరత్ / ఇషాన్ కిషన్, రవిచంద్రన్ అశ్విన్ / శార్దూల్ ఠాకూర్, జయదేవ్ ఉనాద్కాట్, సిరాజ్, నవ్దీప్ సైనీ.
వెస్టిండీస్ జట్టు అంచనా : క్రేగ్ బ్రాత్వైట్, తంగెనరైన్ చందర్పాల్, రేమన్ రీఫర్, జెర్మైన్ బ్లాక్వుడ్, అలిక్ అల్తనజే, జోషువ డ సిల్వా, జేసన్ హోల్డర్, రకీం కార్న్వాల్, అల్జారీ జోసెఫ్, కీమర్ రోచ్, షనాన్ గాబ్రియెల్.