అహ్మాదాబాద్: సూర్యకుమార్ హిట్టింగ్లోనే కాదు.. అతని ఫీల్డింగ్ కూడా హైలెట్. కివీస్తో జరిగిన మూడవ టీ20 మ్యాచ్లో సూర్య అద్భుతమైన రీతిలో రెండు క్యాచ్లు అందుకున్నాడు. స్లిప్స్లో ఉన్న సూర్య స్టన్నింగ్ రీతిలో ఆ క్యాచ్లు పట్టేశాడు. పాండ్యా బౌలింగ్లోనే ఆ రెండు క్యాచ్లను అతను అందుకున్నాడు. ఫిన్ అలెన్, గ్లెన్ ఫిలిప్స్ క్యాచ్లను దాదాపు ఒకే స్టయిల్లో పట్టుకున్నాడు. స్లిప్ పొజిషన్లో ఉన్న సూర్య.. తన మీద నుంచి వేగంగా వెళ్తున్న బంతుల్ని .. పైకి జంప్ చేసి కళ్లు చెదిరే రీతిలో అందుకున్నాడు.
ICYMI – WHAT. A. CATCH 🔥🔥#TeamIndia vice-captain @surya_14kumar takes a stunner to get Finn Allen 👏#INDvNZ | @mastercardindia pic.twitter.com/WvKQK8V67b
— BCCI (@BCCI) February 1, 2023
మూడవ టీ20లో భారత్ 168 పరుగుల తేడాతో కివీస్పై గెలుపొందింది. మొదట బ్యాటింగ్ చేసిన భారత్ నిర్ణీత 20 ఓవర్లలో 4 వికెట్ల నష్టానికి 234 పరుగులు చేసింది. యువ ఓపెనర్ శుభ్మన్ గిల్ (63 బంతుల్లో 126 నాటౌట్; 12 ఫోర్లు, 7 సిక్సర్లు) అజేయ సెంచరీతో కదం తొక్కాడు. ఇటీవల హైదరాబాద్ వేదికగా న్యూజిలాండ్తో జరిగిన వన్డేలో డబుల్ సెంచరీ బాదిన ఈ ఓపెనర్ అహ్మదాబాద్లో కివీస్ బౌలర్లను ఊచకోత కోశాడు. తద్వారా మూడు ఫార్మాట్ల (టెస్టు, వన్డే, టీ20)లో అంతర్జాతీయ శతకం నమోదు చేసుకున్న ఐదో భారత ఆటగాడిగా, పిన్న వయస్కుడిగా రికార్డుల్లోకెక్కాడు. మరో ఓపెనర్ ఇషాన్ కిషన్ (1) విఫలం కాగా.. వన్డౌన్ బ్యాటర్ రాహుల్ త్రిపాఠి (22 బంతుల్లో 44; 4 ఫోర్లు, 3 సిక్సర్లు) దంచికొట్టాడు.
సూర్యకుమార్ యాదవ్ (13 బంతుల్లో 24; ఒక ఫోర్, 2 సిక్సర్లు), కెప్టెన్ హార్దిక్ పాండ్యా (17 బంతుల్లో 30; 4 ఫోర్లు, ఒక సిక్సర్) కూడా రాణించడంతో భారత్ భారీ స్కోరు చేయగలిగింది. కివీస్ బౌలర్లలో బ్రాస్వెల్, టిక్నర్, సోధి, మిషెల్ తలా ఒక వికెట్ పడగొట్టారు. అనంతరం భారీ లక్ష్యఛేదనలో న్యూజిలాండ్ ఏమాత్రం పోరాడలేకపోయింది. వరుస విరామాల్లో వికెట్లు కోల్పోయిన ఆ జట్టు 12.1 ఓవర్లలో 66 పరుగులకే కుప్పకూలింది. తొలి రెండు మ్యాచ్ల్లో కనీస ప్రతిఘటన కనబర్చిన కివీస్ ఈ మ్యాచ్లో పూర్తిగా విఫలమై ఉత్తచేతులతో ఇంటిబాట పట్టింది. డారిల్ మిషెల్ (35), కెప్టెన్ శాంట్నర్ (13) మినహా మరే ఆటగాడు రెండంకెల స్కోరు చేయలేకపోయాడు. మన బౌలర్లలో హార్దిక్ 4, అర్ష్దీప్, ఉమ్రాన్, శివమ్ మావి తలా రెండు వికెట్లు పడగొట్టారు. కెరీర్లో తొలి టీ20 శతకం నమోదు చేసుకున్న గిల్కు ‘మ్యాన్ ఆఫ్ ది మ్యాచ్’ పాండ్యాకు ‘మ్యాన్ ఆఫ్ ది సిరీస్’ అవార్డులు దక్కాయి.