ICC Rankings: నెంబ‌ర్ వ‌న్ బౌల‌ర్‌గా మ‌హారాజ్‌.. ఐసీసీ ర్యాంకింగ్స్ జాబితా రిలీజ్‌

ICC Rankings: సౌతాఫ్రికా స్పిన్న‌ర్ మ‌హారాజ్‌.. వ‌న్డేల్లో టాప్ బౌల‌ర్ ర్యాంక్ సాధించాడు. ఐసీసీ తాజాగా రిలీజ్ చేసిన జాబితాలో అత‌ను టాప్ ప్లేస్ కొట్టేశాడు. ఇక బ్యాటింగ్‌లో గిల్‌ అగ్ర‌స్థానంలో కొన‌సాగుతున్నాడు. ఆల్‌రౌండ‌ర్ లిస్టులో ష‌కీబ్ నెంబ‌ర్ వ‌న్ ర్యాంక్‌లో ఉన్నాడు.

ముంబై: వ‌న్డేల్లో క్రికెట‌ర్ల తాజా ర్యాంకింగ్స్‌ను ఐసీసీ(ICC Rankings) రిలీజ్ చేసింది. వ‌ర‌ల్డ్‌క‌ప్ సెమీస్ వేళ‌.. బౌల‌ర్లు, బ్యాట‌ర్లు, ఆల్‌రౌండ‌ర్ల లిస్టును ప్ర‌జెంట్ చేశారు. నెంబ‌ర్ వ‌న్ బౌల‌ర్‌గా సౌతాఫ్రికా స్పిన్న‌ర్ మ‌హారాజ్‌.. లిస్టులో టాప్ ప్లేస్ కొట్టేశాడు. ఇటీవ‌ల గ‌త కొన్ని వారాల నుంచి బౌల‌ర్ స్థానం ఎప్ప‌టిక‌ప్పుడూ మారుతోంది. న‌వంబ‌ర్ ఒక‌టో తేదీన షాహీన్ అఫ్రిది ఫ‌స్ట్ ర్యాంక్‌లో ఉన్నాడు. కానీ న‌వంబ‌ర్ 8వ తేదీన ఆ స్థానాన్ని సిరాజ్ ఆక్ర‌మించేశాడు. కానీ ఇవాళ రిలీజ్ చేసిన లిస్టులో మ‌హారాజ్ టాప్ బౌల‌ర్‌గా నిలిచాడు.

How the @MRFWorldwide ICC Men’s ODI Player Rankings stack up ahead of #CWC23 knockouts 👀

✍️: https://t.co/fgDGzPPoev pic.twitter.com/zlTztt68R2

— ICC (@ICC) November 14, 2023

మ‌హారాజ్ గ‌త మూడు మ్యాచుల్లో ఏడు వికెట్లు తీశాడు. సిరాజ్ మూడు మ్యాచుల్లో ఆరు వికెట్లు తీశాడు. అయితే ఇప్పుడు ఇద్ద‌రి మ‌ధ్య మూడు రేటింగ్ పాయింట్స్ మాత్ర‌మే తేడా ఉంది. బుమ్రా, కుల్దీప్‌లు టాప్ 5లో ఉన్నారు.

ఇక బ్యాటింగ్‌లో శుభ‌మ‌న్ గిల్ ఫ‌స్ట్ ప్లేస్‌లో కొన‌సాగుతున్నాడు. బాబ‌ర్ ఆజ‌మ్‌ను వెన‌క్కి నెట్టేసిన అత‌ను ఇంకా అగ్ర‌స్థానంలోనే దూసుకెళ్తున్నాడు. కోహ్లీ, రోహిత్‌లు నాలుగ‌వ‌, అయిద‌వ స్థానాల్లో ఉన్నాడు. డ‌బుల్ సెంచ‌రీతో అద‌ర‌గొట్టిన మ్యాక్స్‌వెల్ బ్యాటింగ్ లిస్టులో 17 స్థానాలు పైకి వ‌చ్చేశాడు.

Maharaj dethrones Siraj to claim the top spot 👑

After an eventful week of #CWC23 matches, here are the latest changes in the @mrfworldwide ICC Men’s Player Rankings ⬇️https://t.co/cIg7FFvW8x

— ICC (@ICC) November 15, 2023

ఆల్‌రౌండ‌ర్ల ర్యాంకింగ్ జాబితాలో బంగ్లా క్రికెట‌ర్ ష‌కీబ్ అల్ హ‌స‌న్ టాప్‌ప్లేస్‌లో ఉండ‌గా, భార‌త ఆల్‌రౌండ‌ర్ ర‌వీంద్ర జ‌డేజా 10వ స్థానంలో ఉన్నాడు.