Hashim Amla : దక్షిణాఫ్రికా వెటరన్ క్రికెటర్(Souh Africa Veteran) హషీమ్ ఆమ్లా(Hashim Amla) కొత్త అవతారం ఎత్తాడు. నాలుగేళ్ల క్రితం అంతర్జాతీయ క్రికెట్కు వీడ్కోలు పలికిన ఈ దిగ్గజ ఆటగాడు త్వరలోనే కోచ్గా సేవలు అందించనున్నాడు. అవును.. దక్షిణాఫ్రికాకు చెందిన గాటెంగ్ లయన్స్(Gauteng Lions) జట్టు బ్యాటింగ్ కోచ్(Batting Coach)గా ఆమ్లాకు అవకాశం వచ్చింది. ఈ సఫారీ మాజీ కెప్టెన్ మూడేళ్ల పాటు లయన్స్ జట్టు కోచ్గా కొనసాగనున్నాడు.
‘లయన్స్ జట్టు కోచ్గా ఎంపికైనందుకు చాలా సంతోషంగా ఉంది. ఈ జట్టు దేశానికి ఎంతోమంది ఆటగాళ్లను అందిస్తోంది. ఈ టీమ్లోని క్రికెటర్లతో కలిసి పనిచేయడాన్ని గొప్ప గౌరవంగా భావిస్తున్నా’ అని ఆమ్లా ఓ ప్రకటనలో తెలిపాడు. అంతర్జాతీయ క్రికెట్లో సుదీర్ఘ అనుభవం ఉన్న ఆమ్లా కోచ్గా ఏ మేరకు రాణిస్తాడనేది ఆసక్తికరంగా మారింది. గతంలో అతను ముంబై ఇండియన్స్ కేప్టౌన్ (MI Capetown)జట్టుకు బ్యాటింగ్ కన్సల్టెంట్గా పనిచేశాడు.
🦁 Welcome to the Pride, Hash!
Full Story: https://t.co/tVWCclQQHs #LionsCricket #ThePrideOfJozi pic.twitter.com/0bJHn79QqZ
— DP World Lions (@LionsCricketSA) August 2, 2023
కుడి చేతివాటం బ్యాటర్ అయిన ఆమ్లా దక్షిణాఫ్రికా జట్టు గొప్ప ఆటగాళ్లలో ఒకడిగా పేరు సంపాదించాడు. 349 అంతర్జాతీయ మ్యాచ్లు ఆడిన ఆమ్లా 215 టెస్టు ఇన్నింగ్స్ల్లో 28 సెంచరీలు బాదాడు. 46.64 సగటుతో 9,282 పరుగులు సాధించాడు. వన్డేల్లోనూ ఆమ్లా గొప్ప రికార్డు నెలకొల్పాడు. అత్యంత వేగంగా 2వేలు, 3వేలు, 4వేలు, 6 వేలు, 7 వేల పరుగుల మైలురాయికి చేరిన క్రికెటర్గా ఆమ్లా అరుదైన రికార్డు సృష్టించాడు.
హషీమ్ ఆమ్లా
అంతేకాదు 14 టెస్టులు, 9 వన్డేల్లో సఫారీ జట్టు సారథిగా కూడా వ్యవహరించాడు. అయితే.. కెరీర్ ఊపులో ఉన్నప్పుడే 2019లో రిటైర్మెంట్ ప్రకటించాడు. ఆ తర్వాత కర్నాటక టస్కర్స్(Karnataka Tuskers), ఫాల్కన్ హంటర్స్(Falcon Hunters), ఖుల్నా టైగర్స్(Khulna Tigers), వరల్డ్ జెయింట్స్ జట్లతో పాటు టీ-10 లీగ్లో కూడా హషీమ్ ఆమ్లా తన మార్క్ ఆటతో ఆకట్టుకున్నాడు.