IPL 2024 RCB vs CSK | చెపాక్‌లో దూబే మెరుపు ఇన్నింగ్స్.. బెంగ‌ళూరుకు త‌ప్ప‌ని ఓట‌మి

IPL 2024 RCB vs CSK : ఇండియ‌న్ ప్రీమియ‌ర్ లీగ్ ప‌దిహేడో సీజ‌న్ ఆరంభం అదిరింది. ఉత్కంఠ రేపిన తొలి మ్యాచ్‌లో డిఫెండింగ్ చాంపియ‌న్ చెన్నై సూపర్ కింగ్స్(CSK) గెలుపొందింది. సొంత‌గ‌డ్డ‌పై త‌మ‌కు తిరుగులేద‌ని చాటుతూ చెపాక్ స్టేడియంలో రాయ‌ల్ చాలెంజ‌ర్స్...

IPL 2024 RCB vs CSK : ఇండియ‌న్ ప్రీమియ‌ర్ లీగ్ ప‌దిహేడో సీజ‌న్ ఆరంభం అదిరింది. ఉత్కంఠ రేపిన తొలి మ్యాచ్‌లో డిఫెండింగ్ చాంపియ‌న్ చెన్నై సూపర్ కింగ్స్(CSK) గెలుపొందింది. సొంత‌గ‌డ్డ‌పై త‌మ‌కు తిరుగులేద‌ని చాటుతూ చెపాక్ స్టేడియంలో రాయ‌ల్ చాలెంజ‌ర్స్ బెంగ‌ళూరును చిత్తు చేసింది. 174 ప‌రుగుల ఛేద‌న‌లో ఇంపాక్ట్ ప్లేయ‌ర్ శివం దూబే(34 నాటౌట్‌), ర‌వీంద్ర జ‌డేజా(25 నాటౌట్)లు దంచికొట్ట‌గా 6 వికెట్ల తేడాతో విజ‌యం సాధించి బోణీ కొట్టింది. ఆర్సీబీ బౌల‌ర్ల‌లో గ్రీన్ రెండు వికెట్లు తీశాడు.

బెంగ‌ళూరు నిర్దేశించిన 174 ర‌న్స్ ఛేద‌న‌లో ఓపెన‌ర్లు ర‌చిన్ ర‌వీంద్ర‌(37), రుతురాజ్ గైక్వాడ్(15)లు దూకుడుగా ఆడారు. గైక్వాడ్ ఔటైనా సీఎస్కే జోరు త‌గ్గ‌లేదు. అజింక్యా ర‌హానే(27)తో క‌లిసి స్కోర్ బోర్డును ప‌రుగులు పెట్టించాడు. అయితే క‌ర‌ణ్ శ‌ర్మ ఓవ‌ర్లో ర‌వీంద్ర ఔట‌య్యాడు. ఆ త‌ర్వాత డారిల్ మిచెల్(22) త‌న త‌డాఖా చూపించాడు. అయితే.. ఆర్సీబీ బౌల‌ర్లు షార్ట్ పిచ్ బంతుల‌తో మిచెల్, ర‌హానేల‌ను ఔట్ చేశారు. ఆ త‌ర్వాత వ‌చ్చిన జ‌డేజా, దూబేలు ధ‌నాధ‌న్ ఆడి సీఎస్కేను గెలుపు బాట ప‌ట్టించారు.

Anticipates well 👌
Times his jump to perfection 👍
Completes a superb catch 👏

That was a superb effort in the field from @Gmaxi_32 🙌 🙌

Head to @JioCinema and @StarSportsIndia to watch the match LIVE

Follow the match ▶️ https://t.co/4j6FaLF15Y #TATAIPL | #CSKvRCB |… pic.twitter.com/rZsYIwlhFZ

— IndianPremierLeague (@IPL) March 22, 2024

తొలుత బ్యాటింగ్ చేసిన ఆర్సీబీకి అదిరే ఆరంభం ల‌భించింది. కెప్టెన్ డూప్లెసిస్(35) బౌండ‌రీల‌తో ర‌ఫ్పాడించాడు. ముఖ్యంగా తుషార్ దేశ్‌పాండే, మ‌థీశ బౌలింగ్‌లో అల‌వోక‌గా బౌండరీలు బాదాడు. ఫాఫ్ ధాటికి 5 ఓవ‌ర్ల‌కే ఆర్సీబీ 41 ర‌న్స్ కొట్టింది. ఆ ద‌శ‌లో బంతి అందుకున్న ముస్తాఫిజుర్ సీఎస్కేకు బ్రేక్ ఇస్తూ ఒకే ఓవ‌ర‌లో రెండు వికెట్లు తీశాడు. డూప్లెసిస్(35) ఆడిన‌ భారీ షాట్‌ను బౌండ‌రీ వ‌ద్ద ర‌చిన్ ర‌వీంద్ర‌, ర‌హానేలు సూప‌ర్ క్యాచ్ ప‌ట్టారు. ఆ త‌ర్వాత వ‌చ్చిన ర‌జ‌త్ పాటిదార్‌(0), డేంజ‌ర‌స్ మ్యాక్స్‌వెల్(0)ల‌ను ధోనీ వెన‌క్కి పంపడంతో 42 ప‌రుగుల‌కే మూడు వికెట్లు ప‌డ్డాయి.

.@RCBTweets Dial 6⃣! 🔥

Anuj Rawat & Dinesh Karthik upping the ante! ⚡️ ⚡️

Head to @JioCinema and @StarSportsIndia to watch the match LIVE

Follow the match ▶️ https://t.co/4j6FaLF15Y#TATAIPL | #CSKvRCB | @AnujRawat_1755 | @DineshKarthik pic.twitter.com/c5o3rXdEZf

— IndianPremierLeague (@IPL) March 22, 2024

అయినా కోహ్లీ(21), కామెరూన్ గ్రీన్(18)లు క్రీజులో ఉన్నార‌నే ధైర్యంతో ఆర్సీబీ ఉంది. కానీ, ముస్తాఫిజుర్ మ‌రుస‌టి ఓవ‌ర్లో ఈ ఇద్ద‌రినీ ఔట్ చేసి ఆర్సీబీని కోలుకోలేని దెబ్బ తీశాడు. 78 ప‌రుగుల‌కే ఐదు వికెట్లు ప‌డిన బెంగ‌ళూరును దినేశ్ కార్తిక్(38 నాటౌట్), అనుజ్ రావ‌త్‌(48)లు ఆదుకున్నారు. ఆరో వికెట్‌కు 95 ర‌న్స్ జోడించి ఆర్సీబీకి పోరాడ‌గ‌లిగే స్కోర్ అందించారు. సీఎస్కే బౌల‌ర్ల‌లో ముస్తాఫిజుర్ 4 వికెట్లు, దీప‌క్ చాహ‌ర్ ఒక వికెట్ ప‌డ‌గొట్టారు.

ఇవి కూడా చ‌ద‌వండి

• Arvind Kejriwal | ఈడీ అధికారులపై ‘కేజ్రీ’ సర్కార్ నిఘా.. దర్యాప్తు అధికారులు షాక్..?!
• నాగోబా ఆలయంలో ఆత్రం సక్కు పూజలు
• Maldives-India | రుణ భారం నుంచి రిలీఫ్ ఇవ్వండి.. భారత్ ను కోరిన మాల్దీవుల అధ్యక్షుడు మొయిజ్జు