Visit:
Shane Watson : పొట్టి ప్ర‌పంచ‌క‌ప్ నేప‌థ్యంలో పాకిస్థాన్ క్రికెట్ బోర్డు(PCB) కొత్త హెడ్కోచ్ వేట‌ను వేగ‌వంతం చేసింది. తాత్కాలికంగా కాకుండా ఈసారి దీర్ఘ‌కాలిక కోచ్‌ను నియ‌మించేందుకు సిద్ధ‌మ‌వుతోంది. కొత్త హెడ్కోచ్ రేసులో ఆస్ట్రేలియా మాజీ ఆల్‌రౌండ‌ర్ షేన్ వాట్సన్ (Shane Watson) ముందు వ‌రుస‌లో ఉన్నాడు. ఇప్ప‌టికే పీసీబీ బృందం ఈ మాజీ క్రికెట‌ర్‌తో చ‌ర్చ‌లు జ‌రుపుతోంది. ప్ర‌స్తుతం పాకిస్థాన్ సూప‌ర్ లీగ్‌(PSL)లో క్వెట్టా గ్లాడియేట్స్‌కు వాట్సన్ కోచ్‌గా వ్య‌వ‌హ‌రిస్తున్నాడు.
వాట్స‌న్‌తో పాటు వెస్టిండీస్ మాజీ ఆల్‌రౌండ‌ర్ డారెన్ స‌మీ(Daren Sammy) కూడా కోచ్ ప‌ద‌వికి గ‌ట్టి పోటీనిస్తున్నాడు. కెప్టెన్‌గా విజ‌య‌వంత‌మైన స‌మీ.. విండీస్‌కు రెండు టీ20 వ‌ర‌ల్డ్ క‌ప్ ట్రోఫీలు అందించాడు. అంతేకాదు పెషావ‌ర్ జ‌ల్మీ(Peshawar Zalmi) జ‌ట్టుకు సార‌థిగానూ కొన‌సాగాడు. దాంతో, ఈ ఇద్ద‌రిలో ఒక‌రిని హెడ్‌కోచ్‌గా నియ‌మించేందుకు పీసీబీ ఆస‌క్తి చూపిస్తోంది.
Former Australia allrounder & current Quetta Gladiators coach Shane Watson has been approached by the PCB to fill the vacant men’s national coaching role
What do you make of it, 🇵🇰 fans?
▶️ https://t.co/UzBb4WssZZ pic.twitter.com/WEKcFQbqp3
— ESPNcricinfo (@ESPNcricinfo) March 10, 2024
ఏప్రిల్‌లో న్యూజిలాండ్ జ‌ట్టు వ‌న్డే సిరీస్ కోసం పాక్‌కు వెళ్ల‌నుంది. ఆలోపు కొత్త హెడ్‌కోచ్‌ను ఖ‌రారు చేయాల‌ని పాకిస్థాన్ బోర్డు భావిస్తోంది. నిరుడు వ‌న్డే వ‌ర‌ల్డ్ క‌ప్‌లో దారుణ వైఫ‌ల్యం అనంత‌రం పాక్ జ‌ట్టులో అనూహ్య మార్పులు జ‌రిగాయి. కెప్టెన్‌గా బాబ‌ర్ ఆజాంను త‌ప్పించ‌డంతో పాటు కోచ్‌లు మికీ ఆర్థ‌ర్, బ్రాడ్‌బ‌ర్న్‌ల‌పై వేటు ప‌డింది.
టీ20 వ‌ర‌ల్డ్ క‌ప్ ట్రోఫీలతో డారెన్ స‌మీ
అనంత‌రం పాక్ తాత్కాలిక కోచ్‌గా మాజీ ఆట‌గాడు హ‌ఫీజ్ ఎంపిక‌య్యాడు. కానీ, కోచ్‌గా ఏమాత్రం అనుభ‌వం లేని అత‌డి ఆధ్వ‌ర్యంలో పాకిస్థాన్.. ఆస్ట్రేలియా, న్యూజిలాండ్ చేతిలో ఓట‌మి పాలైంది. దాంతో, బుద్ది తెచ్చుకున్న పీసీబీ విదేశీ కోచ్‌లను ఆశ్ర‌యిస్తోంది.
