Shan Marsh : ఆస్ట్రేలియా క్రికెటర్లు ఒకరి వెంట ఒకరు ఆటకు వీడ్కోలు పలుకుతున్నారు. మొన్న డాషింగ్ ఓపెనర్ డేవిడ్ వార్నర్(David Warner) రిటైర్మెంట్ వార్తతో ఫ్యాన్స్ను షాకు గురిచేయగా.. నిన్న మాజీ కెప్టెన్ అరోన్ ఫించ్ (Aron Finch) వీడ్కోలు పలికాడు. ఇప్పుడు షాన్ మార్ష్(Shan Marsh) కూడా ప్రొఫెషనల్ క్రికెట్కు వీడ్కోలు పలికాడు.
పవర్ హిట్టర్గా పేరొందిన మార్ష్ ఆదివారం బిగ్బాష్ లీగ్కు అల్విదా చెప్పాడు. దాంతో, ఈ స్టార్ ఆటగాడి 23 ఏండ్లసుదీర్ఘ కెరీర్కు ఫుల్స్టాప్ పడింది. 17 ఏండ్ల వయసులో జట్టులోకి వచ్చిన మార్ష్ 40 ఏండ్ల వయసులో ఆటకు వీడ్కోలు పలికాడు.
Bowing out at the top of his game 💪
Shaun Marsh has announced his retirement from professional cricket.
Read more ➡️ https://t.co/r8digPFapb pic.twitter.com/CfJGHimSQi
— Melbourne Renegades (@RenegadesBBL) January 14, 2024
డేవిడ్ వార్నర్, అరోన్ ఫించ్
‘మెల్బోర్న్ రెనెగ్రేడ్స్(Melbourne Renegrades) తరఫున జనవరి 13న ఆఖరి మ్యాచ్ ఆడేశాడు. రెనెగ్రేడ్స్ జట్టుకు ఆడడాన్ని ఎంతో ఆస్వాదించాను. గత ఐదేండ్లలో ఎందరో గొప్ప ఆటగాళ్లను చూశాను. వాళ్లతో జీవితకాల స్నేహం ఏర్పడింది. ఈ జట్టు చాలా స్పెషల్. ఇన్ని రోజులు నాకు అండగా నిలిచిన ప్రతి ఒక్కరికి ధన్యవాదాలు’ అని మార్ష్ తెలిపాడు.
ఇండియన్ ప్రీమియర్ లీగ్(IPL)తో మార్ష్ తలరాతే మారిపోయింది. అవును.. ఈ స్టార్ ఆటగాడు ఐపీఎల్ ప్రారంభ(2008) ఎడిషన్లో టాప్ స్కోరర్గా నిలిచాడు. కింగ్స్ లెవన్ పంజాబ్ తరఫున ఆడిన మార్ష్ 616 రన్స్ బాదాడు. దాంతో, జాతీయ జట్టుకు ఎంపికై వన్డేలు, టీ20ల్లో అరంగేట్రం చేశాడు.
షాన్ మార్ష్
మొత్తంగా మార్ష్ ఆసీస్ తరఫున 38 టెస్టులు, 73 వన్డేలు, 15 టీ2లు ఆడాడంతే. సుదీర్ఘ ఫార్మాట్లో 2,265 రన్స్, వన్డేల్లో 2,773 పరుగులు బాదిన మార్ష్ టీ20ల్లో 255 రన్స్ కొట్టాడు. ఇక బీబీఎల్ 2023-24 సీజన్లో మార్ష్ ఐదు మ్యాచ్లు మాత్రమే ఆడాడు. 45.25 సగటుతో రాణించిన అతడు మూడు హాఫ్ సెంచరీలతో 181 రన్స్ కొట్టాడు.