Shamar Joseph | తొలి బంతికే వికెట్.. ఆపై ఐదు వికెట్లు.. క్రికెట్ చ‌రిత్ర‌లో అరుదైన రికార్డు

Shamar Joseph : అంత‌ర్జాతీయ క్రికెట్‌లో అరంగేట్రం మ్యాచ్ ప్ర‌తి క్రికెట‌ర్‌కు ప్ర‌త్యేక‌మే. సుదీర్ఘ కెరీర్‌కు నాంది ప‌డనుందా..? కెరీర్ అర్థాంత‌రంగా ముగియ‌నుందా? అనేది తొలి మ్యాచ్‌లోనే దాదాపు తేలిపోతుంది. మొద‌టి మ్యాచ్‌లో త‌మ ముద్ర వేసేందుకు శ‌క్తినంతా ధార‌పోస్తారు. తాజాగా వెస్టిండీస్ పేస‌ర్ ష‌మ‌ర్ జోసెఫ్...

Shamar Joseph : అంత‌ర్జాతీయ క్రికెట్‌లో అరంగేట్రం మ్యాచ్ ప్ర‌తి క్రికెట‌ర్‌కు ప్ర‌త్యేక‌మే. సుదీర్ఘ కెరీర్‌కు నాంది ప‌డనుందా..? కెరీర్ అర్థాంత‌రంగా ముగియ‌నుందా? అనేది తొలి మ్యాచ్‌లోనే దాదాపు తేలిపోతుంది. అందుక‌నే మొద‌టి మ్యాచ్‌లో త‌మ ముద్ర వేసేందుకు శ‌క్తినంతా ధార‌పోస్తారు. తాజాగా వెస్టిండీస్ పేస‌ర్ ష‌మ‌ర్ జోసెఫ్(Shamar Joseph) అదే చేశాడు.

అరంగేట్రం టెస్టులోనే అరుదైన‌ ఫీట్ సాధించాడు. తొలి బంతికి వికెట్ తీసి త‌న రాక‌ను ఘ‌నంగా చాటిన జోసెఫ్ అదే ఊపులో ఐదు వికెట్లు నేల‌కూల్చాడు. దాంతో, ఆస్ట్రేలియా స్టార్ స్పిన్న‌ర్ నాథ‌న్ లియ‌న్(Nathan Lyon)త‌ర్వాత ఈ ఘ‌న‌త‌ సొంతం చేసుకున్న రెండో బౌల‌ర్‌గా జోసెఫ్ రికార్డు నెల‌కొల్పాడు. 2011లో శ్రీ‌లంక‌పై లియాన్ ఈ రికార్డు సాధించాడు.

స్టీవ్ స్మిత్‌ వికెట్ తీశాక జోసెఫ్ సంబురం

Players with a wicket off their first ball on Test debut and a five-for in the same match:
– Nathan Lyon in 2011 vs SL
– Shamar Joseph today vs AUS

Both bowlers are playing today in Adelaide 👏 #AUSvWI pic.twitter.com/AIC2Hoza54

— ESPNcricinfo (@ESPNcricinfo) January 18, 2024

ఆడిలైడ్ ఓవ‌ల్ స్టేడియంలో ఆస్ట్రేలియాతో జ‌రిగిన తొలి టెస్టు మ్యాచ్‌లో జోసెఫ్ అరంగేట్రం చేశాడు. ఈ కుడి చేతివాటం పేస‌ర్ తొలి బంతికే ఓపెన‌ర్ స్టీవ్ స్మిత్‌(12) వికెట్ తీసి సంబురాలు చేసుకున్నాడు. అంత‌టితో ఆగ‌కుండా అదే ఊపులో మార్న‌స్ ల‌బూషేన్‌(10), కామెరూన్ గ్రీన్(14), మిచెల్ స్టార్క్(10), నాథ‌న్ లియాన్(24)ల‌ను పెవిలియ‌న్ పంపి ఐదు వికెట్లు ప‌డ‌గొట్టాడు. దాంతో, క‌మిన్స్ సేన తొలి ఇన్నింగ్స్‌లో 283 ప‌రుగుల‌కే ఆలౌట‌య్యింది. తొలి రోజు ఆట ముగిశాక మాట్లాడిన జోసెఫ్.. తాను అనుకున్న‌ట్టుగానే తొలి బంతికి వికెట్ సాధించాన‌ని తెలిపాడు. అయితే ప్ర‌పంచంలోనే గొప్ప బ్యాట‌ర్ స్మిత్ వికెట్ ద‌క్క‌డం మ‌ర్చిపోలేన‌ని ఈ పేస‌ర్ అన్నాడు.

ఇవి కూడా చ‌ద‌వండి

• Viral Video | టెస్లా కారులో సీఫుడ్ రెడీ చేసింది
• Johnny Lever | పాపులర్‌ బాలీవుడ్‌ కమెడియన్ కూతురు టాలీవుడ్‌ ఎంట్రీ
• INS Visakhapatnam: విదేశీ కార్గో నౌక‌పై డ్రోన్ దాడి.. ర‌క్షించిన ఐఎన్ఎస్ విశాఖ‌ప‌ట్ట‌ణం
• Federer – Nadal | నాద‌ల్ అకాడమీలో టెన్నిస్ దిగ్గ‌జం.. ఫొటోలు చూశారా..!