Sanju Samson | వ‌రుస‌గా రెండో టీ20 సెంచ‌రీ.. చ‌రిత్ర సృష్టించిన శాంస‌న్

Sanju Samson : అంత‌ర్జాతీయ టీ20ల్లో భార‌త ఓపెన‌ర్ సంజూ శాంస‌న్ (Sanju Samson) చ‌రిత్ర సృష్టించాడు. వ‌రుస‌గా రెండో సెంచ‌రీతో రికార్డు నెల‌కొల్పాడు. డ‌ర్బ‌న్ మైదానంలో స‌ఫారీల‌ను ఉతికేసిన శాంస‌న్ విధ్వంస‌క శ‌త‌కం న‌మోదు చేశాడు.

Sanju Samson : అంత‌ర్జాతీయ టీ20ల్లో భార‌త ఓపెన‌ర్ సంజూ శాంస‌న్ (Sanju Samson) చ‌రిత్ర సృష్టించాడు. వ‌రుస‌గా రెండో సెంచ‌రీతో రికార్డు నెల‌కొల్పాడు. డ‌ర్బ‌న్ మైదానంలో స‌ఫారీల‌ను ఉతికేసిన శాంస‌న్ విధ్వంస‌క శ‌త‌కం న‌మోదు చేశాడు. సొంత‌మైదానంలో ఆడిన‌ట్టే చెల‌రేగిన అత‌డు 47 బంతుల్లో 7 ఫోర్లు, 9 సిక్స‌ర్ల‌తో శ‌త‌కం బాదేశాడు. దాంతో, భార‌త జ‌ట్టు నుంచి ఈ ఘ‌న‌త సాధించిన తొలి ఆట‌గాడిగా అత‌డు రికార్డు సొంతం చేసుకున్నాడు.

ఉప్ప‌ల్ స్టేడియంలో బంగ్లాదేశ్ బౌల‌ర్ల‌ను వ‌ణికిస్తూ మెరుపు సెంచ‌రీ బాదిన సంజూ శాంస‌న్ ఇప్పుడు ద‌క్షిణాఫ్రికా గ‌డ్డ‌పై కూడా త‌న బ్యాట్ ప‌వ‌ర్ చూపించాడు. పీట‌ర్ బౌలింగ్‌లో వ‌రుస‌గా రెండు సిక్స‌ర్లు బాది 27 బంతుల్లోనే ఈయాభైకి చేరువైన అత‌డు.. ఆ త‌ర్వాత కేవ‌లం 20 బంతుల్లోనే మ‌రో యాభై కొట్టేశాడు.

మొత్తంగా నలుగురే

కేశ‌వ్ మ‌హ‌రాజ్ ఓవ‌ర్లో సింగిల్ తీసి పొట్టి ఫార్మాట్‌లో రెండో సెంచ‌రీ న‌మోదు చేశాడు. త‌ద్వారా ఈ ఫీట్ సాధించిన నాలుగో క్రికెట‌ర్‌గా సంజూ నిలిచాడు. అత‌డి కంటే ముందు గుస్త‌వ్ మెక్‌కియాన్, రీలే ర‌స్సో(ద‌క్షిణాఫ్రికా), ఫిల్ సాల్ట్‌(ఇంగ్లండ్)లు మాత్ర‌మే వ‌రుస‌గా రెండు టీ20ల్లో మూడంకెల స్కోర్ చేశారు.

ఇవి కూడా చ‌ద‌వండి

• SA vs IND 1st T20 | ప‌వ‌ర్ ప్లేలో శాంస‌న్ ఊచ‌కోత‌.. భారీ స్కోర్ దిశ‌గా భార‌త్
• 500 Fake Notes | స్టాంప్‌ పేపర్‌పై రూ.500 నోట్లు ముద్రించారు.. తర్వాత ఏం జరిగిందంటే?
• Osmania University | పీజీ డిప్లొమా ఇన్‌ కలినరీ ఆర్ట్స్‌ పరీక్షా ఫలితాల విడుదల