Sachin – Kohli | కోహ్లీకి స్పెష‌ల్ జెర్సీ ఇచ్చిన స‌చిన్.. బీసీసీఐ పోస్ట్ వైర‌ల్

Sachin - Kohli : వ‌ర‌ల్డ్ క‌ప్‌ఫైన‌ల్లో భార‌త స్టార్ ఆట‌గాడు విరాట్ కోహ్లీ(virat kohli)కి స్పెష‌ల్ గిఫ్ట్ అందింది. అహ్మ‌దాబాద్‌లో ఆస్ట్రేలియాతో కీల‌క పోరుకు ముందు లెజెండ‌రీ క్రికెట‌ర్ స‌చిన్ టెండూల్క‌ర్.. విరాట్ త‌న 10వ నంబ‌ర్ జెర్సీ(jersey no 10)ని కానుకగా ఇచ్చాడు. తాను చివ‌రిసారి 2012 ఆసియా క‌ప్‌లో...

Sachin – Kohli : వ‌ర‌ల్డ్ క‌ప్‌ఫైన‌ల్లో భార‌త స్టార్ ఆట‌గాడు విరాట్ కోహ్లీ(virat kohli)కి స్పెష‌ల్ గిఫ్ట్ అందింది. అహ్మ‌దాబాద్‌లో ఆస్ట్రేలియాతో కీల‌క పోరుకు ముందు లెజెండ‌రీ క్రికెట‌ర్ స‌చిన్ టెండూల్క‌ర్.. విరాట్ త‌న 10వ నంబ‌ర్ జెర్సీ(jersey no 10)ని కానుకగా ఇచ్చాడు. తాను చివ‌రిసారి 2012 ఆసియా క‌ప్‌లో చిర‌కాల ప్ర‌త్య‌ర్థి పాకిస్థాన్‌పై ధ‌రించిన జెర్సీపై సంత‌కం చేసి కోహ్లీకి ఇచ్చాడు. త‌న ఆరాధ్య క్రికెటర్ నుంచి అపురూప‌మైన కానుక ల‌భించ‌డంతో ర‌న్ మెషీన్ ఉబ్బిత‌బ్బిబ్బ‌య్యాడు. దీనికి సంబంధించిన పోస్ట్‌ను బీసీసీఐ ఎక్స్‌లో పెట్టింది.

A special occasion & a special pre-match moment 🤗

There’s 𝘾𝙇𝘼𝙎𝙎 written all over this gesture! 😊

The legendary Sachin Tendulkar gifts Virat Kohli his signed jersey from his last ODI 👏 👏#TeamIndia | #CWC23 | #MenInBlue | #Final | #INDvAUS pic.twitter.com/qu7YA6Ta3G

— BCCI (@BCCI) November 19, 2023

‘ఇదొక ప్ర‌త్యేక‌మైన సంద‌ర్భం. ఒక స్పెష‌ల్ ప్రి-మ్యాచ్ మూమెంట్. లెజెండరీ ఆట‌గాడు స‌చిన్ త‌న చివ‌రి వ‌న్డే జెర్సీని కోహ్లీకి బ‌హుమ‌తిగా ఇచ్చాడు’ అని బీసీసీఐ త‌న పోస్ట్‌లో రాసుకొచ్చింది. కోహ్లీ వ‌న్డేల్లో 50 సెంచ‌రీలతో త‌న‌ రికార్డును బ్రేక్ చేయడంతో సచిన్ ఫిదా అయిన విష‌యం తెలిసిందే. ముంబైలోని వాంఖ‌డే స్టేడియంలో న్యూజిలాండ్‌తో జ‌రిగిన‌ తొలి సెమీఫైన‌ల్లో విరాట్ దంచికొట్టాడు. సెంచరీల అర్ధ సెంచ‌రీతో స‌చిన్(49 శ‌త‌కాల‌) రికార్డును బ్రేక్ చేశాడు.

ఇవి కూడా చ‌ద‌వండి

• Sam Altman – OpenAI | పునరాలోచనలో ఓపెన్ఏఐ.. ఆల్టమన్‌ను పున:నియమిస్తారా..?!

• MLA Chirumurthy | ఎమ్మెల్యే చిరుమర్తి లింగయ్య సమక్షంలో బీఆర్ఎస్‌లో చేరికలు