MI vs CSK : వాంఖడేలో వరుస విజయాలతో ప్రత్యర్థులకు వణుకు పుట్టించిన ముంబై ఇండియన్స్ (Mumbai Indians) ఈసారి తలొంచింది. డిఫెండింగ్ చాంపియన్ చెన్నై సూపర్ కింగ్స్(Chennai Super Kings) బౌలర్ల ధాటికి ముంబై చేతులెత్తేసింది. భారీ ఛేదనలో టాప్ గన్స్ పెవిలియన్కు క్యూ కట్టినా.. 186 పరుగులకే పరిమితమైంది.
ఓవైపు వికెట్లు పడుతున్నా తిలక్ వర్మ(31) సాయంతో రోహిత్ శర్మ(105 నాటౌట్) ఒంటరి పోరాటం చేసినా ఫలితం లేకపోయింది. కీలక వికెట్లు తీసిన మథీశ పథిరన(284) సూపర్ స్పెల్తో సీఎస్కేకు చిరస్మరణీయ విజయాన్ని అందించాడు. దాంతో, గైక్వాడ్ బృందం నాలుగో విజయం సాధించగా.. ముంబై నాలుగో ఓటమి మూటగట్టుకుంది.
When in doubt, MATHEE yosi! 💥⚡️#MIvCSK #WhistlePodu 🦁💛
— Chennai Super Kings (@ChennaiIPL) April 14, 2024
సొంత మైదానంలో రెండొందలను ఊదేసిన ముంబై.. చెన్నైకి మాత్రం చెక్ పెట్టలేకపోయింది. భారీ ఛేదనలో యార్కర్ కింగ్ పథిరన వేసిన 8వ ఓవర్లో ముంబై ఇండియన్స్ రెండు కీలక వికెట్లు కోల్పోయింది. ఇషాన్ కిషన్ (23), ఇంప్యాక్ట్ ప్లేయర్ సూర్యకుమార్ యాదవ్(0) డకౌట్గా వెనుదిరిగాడు. సూర్య కొట్టిన బంతిని బౌండరీ వద్ద ముస్తాఫిజుర్ గాల్లోకి ఎగిరి మరీ అందుకున్నాడు. దాంతో, 70 రన్స్ వద్ద ముంబై రెండు వికెట్లు పడ్డాయి. అయినా ముంబై స్కోర్ వేగం తగ్గలేదు.
🎥 It’s That Moment
OUT. OF. SIGHT 💥
Rohit Sharma deposits a 90m MAXIMUM into the crowd 💪
He has moved past FIFTY and looks in brilliant touch! 👏 👏
Watch the match LIVE on @StarSportsIndia and @JioCinema 💻📱#TATAIPL | #MIvCSK | @ImRo45 | @mipaltan pic.twitter.com/qfM2qiZcqd
— IndianPremierLeague (@IPL) April 14, 2024
రోహిత్ శర్మ(105), తిలక్ వర్మ(31)లు బౌండరీలతో విరుచుకుపడ్డారు. వీళ్లిద్దరూ మూడో వికెట్కు 60 రన్స్ జోడించారు. అయితే.. పథిరన సూపర్ డెలివరీతో తిలక్ను వెనక్కి పంపాడు. అక్కడితో ముంబై స్కోర్ నెమ్మదించింది. తొలి బంతి నుంచి తడబడిన కెప్టెన్ హార్దిక్ పాండ్యా(2) లెగ్సైడ్లో బౌండరీ వద్ద జడేజాకు చిక్కాడు. అప్పటికే కావాల్సిన రన్ రేట్ 17 దాటింది.
💯!
Rohit Sharma with his 2⃣nd TON in IPL 👏 👏
This has been a fine knock from one of the finest of the game 👌 👌
Follow the Match ▶️ https://t.co/2wfiVhdNSY#TATAIPL | #MIvCSK | @ImRo45 | @mipaltan pic.twitter.com/wbAx19l3IH
— IndianPremierLeague (@IPL) April 14, 2024
ఆ దశలో ముస్తాఫిజుర్ బౌలింగ్లో ముంబై హిట్టర్ టిమ్ డెవిడ్(13) వరుసగా రెండు సిక్సర్లు బాదాడు. ఆ తర్వాతి బంతికే బౌండరీ వద్ద రవీంద్రకు దొరికిపోయాడు. బిగ్ హిట్టర్లంతా డగౌట్కు చేరడంతో దాదాపు ముంబై ఓటమి ఖారారైంది. ఆఖరి ఓవర్లో బౌండరీతో సెంచరీ పూర్తి చేసుకున్న హిట్మ్యాన్ చివరిదాకా పోరాడినా ముంబైని గెలిపించలేకపోయాడు.
ముంబై ఇండియన్స్ కంచుకోటలో చెన్నై సూపర్ కింగ్స్ బ్యాటర్లు చితక్కొట్టారు. ఓపెనర్లు అజింక్యా రహానే(5), రచిన్ రవీంద్ర (21)లు విఫలమైనా కెప్టెన్ రుతురాజ్ గైక్వాడ్(69), సిక్సర్ల శివం దూబే(66)లు హాఫ్ సెంచరీలతో కదం తొక్కారు. చివర్లో ఎంఎస్ ధోనీ(20 నాటౌట్) హ్యాట్రిక్ సిక్సర్లు తోడవ్వడంతో ముంబైకి భారీ టార్గెట్ నిర్దేశించగలిగింది. ముంబై బౌలర్లలో పాండ్యా రెండు వికెట్లు పడగొట్టాడు.