Rohit Sharma : సొంత గడ్డపై ప్రపంచ కప్(ODI World Cup 2023) పోటీలకు ముందు టీమిండియా అద్భుతం చేసిది. ఆసియా కప్(Asia Cup 2023) ఫైనల్లో శ్రీలంకను చిత్తుగా ఓడించింది. 10 వికెట్ల తేడాతో గెలిచి ఎనిమిదోసారి ట్రోఫీని ముద్దాడింది. దాంతో, ప్రత్యర్థి జట్లకు గట్టి హెచ్చరికలే పంపింది. అయితే.. మ్యాచ్ అనంతరం కెప్టెన్ రోహిత్ శర్మ(Rohit Sharma) వరల్డ్ కప్ స్క్వాడ్పై ఆసక్తికర వ్యాఖ్యలు చేశాడు. మోగా టోర్నీలో స్పిన్ ఆల్రౌండర్లకు చాన్స్ ఉంటుందని అన్నాడు.
‘వరల్డ్ కప్లో స్పిన్ బౌలింగ్ ఆల్రౌండర్ల కోసం చూస్తున్నాం. అందుకని అందరూ లైన్లో ఉన్నారు. నేను రవిచంద్రన్ అశ్విన్(Ravichandran Ashwin)తో ఫోన్లో మాట్లాడాను. అలాగే వాషింగ్టన్ సుందర్(Washington Sunder) కూడా. ఈ ఇద్దరూ లైన్లో ఉన్నారు. బ్యాటుతో, బంతితో రాణించే ఆటగాళ్ల కోసం మేము చూస్తున్నాం’ అని హిట్మ్యాన్ వెల్లడించాడు.
ఎనిమిదో ఆసియా కప్ ట్రోఫీతో రోహిత్ సేన
ఆశ్యర్యకరమైన విషయం ఏంటంటే.. వరల్డ్ కప్ కోసం అజిత్ అగార్కర్(Ajit Agarkar) నేతృత్వంలోని సెలెక్లర్ల బృందం ఎంపిక చేసిన 15 మందిలో అశ్విన్, సుందర్ లేరు. అయితే. రోహిత్ మాత్రం వరల్డ్ కప్ తలుపులు అందరికీ తెరిచే ఉన్నాయని పదే పదే చెప్తూ వస్తున్నాడు.
My kinda day 🤩🤩.
The capacity to learn is a gift.
The ability to learn is a skill. However, the willingness to learn is a CHOICE. #cricketlife
Thank you for the help @SairajBahutule @VVSLaxman281 pic.twitter.com/4nK7V5IthS— Ashwin 🇮🇳 (@ashwinravi99) September 15, 2023
ఈమధ్యే అశ్విన్ ఎన్సీఏ(NCA)లో బౌలింగ్ ప్రాక్టీస్ చేస్తూ కనిపించాడు. ఈ సీనియర్ స్పిన్నర్ నిరుడు జనవరిలో దక్షిణాఫ్రికాపై చివరి మ్యాచ్ ఆడాడు. ఆసియా కప్లో శ్రీలంకతో జరిగిన ఆఖరి సూపర్ 4 మ్యాచ్లో అక్షర్ పటేల్(Axar Patel) గాయపడ్డాడు. దాంతో, వాషింగ్టన్ సుందర్ జట్టులోకి తీసుకున్నారు. ఐపీఎల్ 2023లో హైదరాబాద్ తరఫున సంచలన ప్రదర్శన చేసిన ఈ ఆల్రౌండర్ ప్రపంచ కప్ జట్టులో ఉండే చాన్స్ ఉంది.