Sarfaraz Khan : ఇంగ్లండ్ సిరీస్లో అరంగేట్రం చేసిన సర్ఫరాజ్ ఖాన్(Sarfaraz Khan) ధనాధన్ ఇన్నింగ్స్లతో జట్టు విజయాల్లో భాగమయ్యాడు. బ్యాటుతోనే కాకుండా చురుకైన ఫీల్డర్గానూ మంచి మార్కులే కొట్టేశాడు. అయితే.. నామమాత్రమైన ధర్మశాల టెస్టు(Dharmashala Test)లో స్ఫరాజ్ పెద్ద ప్రమాదం తప్పించుకున్నాడు. రోహిత్ శర్మ మూడో రోజు మైదానంలోకి రాకపోవడంతో సారథిగా వ్యవహరించిన వైస్ కెప్టెన్ బుమ్రా.. సర్ఫరాజ్ను సిల్లీ పాయింట్(Silly Point)లో మోహరించాడు.
కుల్దీప్ యాదవ్ బౌలింగ్లో షోయబ్ బషీర్ కొట్టిన బంతి నేరుగా సర్ఫరాజ్ హెల్మెట్కు తగిలింది. ఒకవేళ అతడు హెల్మెంట్ పెట్టుకోకపోయి ఉంటే తలకు పెద్ద గాయమే అయ్యేది. ఆ సంఘటనతో సర్ఫరాజ్కు రాంచీ టెస్టులో కెప్టెన్ రోహిత్ చెప్పిన మాటలు గుర్తుకొచ్చి ఉంటాయి.
And that’s why Rohit Bhai said “Hero banne ki zaroorat naheen hai” pic.twitter.com/41tsvFUXrg
— Vishal Misra (@vishalmisra) March 9, 2024
ఆ మ్యాచ్లో హెల్మెట్ లేకుండా సిల్లీలో ఫీల్డింగ్కు సిద్దపడిన అతడిని హిట్మ్యాన్ హెచ్చరించాడు. ‘హలో బ్రదర్.. హీరో అవుదామనుకుంటున్నావా. హెల్మెట్ పెట్టుకో’ అని మందలించాడు. అప్పుడు రోహిత్ చెప్పిన మాట విన్నాడు కాబట్టే ధర్మశాలలో సర్ఫరాజ్బతికిపోయాడు.
రంజీల్లో పరుగుల వరద పారించిన సర్ఫరాజ్ జట్టులో చోటుకోసం చకోర పక్షిలా ఎన్నో ఏండ్లు నిరీక్షించాడు. ఎట్టకేలకు అతడి కల సాకారమైంది. రాజ్కోట్ టెస్టులో డెబ్యూ క్యాప్ అందుకున్న సర్ఫరాజ్.. కసితో ఆడాడు. రెండు ఇన్నింగ్స్ల్లో రెండు హాఫ్ సెంచరీలతో చెలరేగాడు. అనంతరం ధర్మశాల టెస్టులోనూ అతడు ఫిఫ్టీతో మెరిశాడు. బౌలర్లు అశ్విన్, కుల్దీప్ యాదవ్లు తిప్పేయడంతో టీమిండియా టెస్టు సిరీస్ను 4-1తో గెలిచింది.