Australia Open 2024: నాలుగు పదుల వయసులో గ్రాండ్స్లామ్ టోర్నీ ఆడుతున్న భారత వెటరన్ టెన్నిస్ ఆటగాడు రోహన్ బోపన్న ఆస్ట్రేలియా ఓపెన్లో సరికొత్త చరిత్ర లిఖించాడు. 43 ఏండ్ల బోపన్న.. ఆస్ట్రేలియా ఆటగాడు మాథ్యూ ఎబ్డెన్తో కలిసి ఈ ఏడాది మెన్స్ డబుల్స్ టైటిల్ నెగ్గాడు. ఆదివారం మెల్బోర్న్లోని రాడ్లీవర్ ఎరీనా వేదికగా ముగిసిన పురుషుల డబుల్స్ ఫైనల్స్లో రోహన్ బోపన్న – మాథ్యూ ఎబ్డెన్ జోడీ.. 7-6 (7-0), 7-5 తేడాతో సిమోన్ బొలెలి – ఆండ్రియా వవస్సోరి (ఇటలీ)పై గెలిచి టైటిల్ నెగ్గింది. బోపన్నకు తన సుదీర్ఘ కెరీర్లో పురుషుల డబుల్స్లో ఇదే తొలి గ్రాండ్స్లామ్ టైటిల్ కావడం విశేషం. అంతకుముందు అతడు 2017లో ఫ్రెంచ్ ఓపెన్ మిక్స్డ్ డబుల్స్ (గాబ్రియాలాతో కలిసి) టైటిల్ నెగ్గాడు. భారత్ తరఫున మెన్స్ డబుల్స్ విభాగంలో 2012లో లియాండర్ పేస్ తర్వాత ఆస్ట్రేలియా ఓపెన్లో టైటిల్ నెగ్గిన తొలి భారతీయుడిగా బోపన్న రికార్డులకెక్కాడు.
ఈ విజయం ద్వారా బోపన్న టెన్నిస్లో పలు ఘనతలు అందుకున్నాడు. 43 ఏండ్ల వయసులో మెన్స్ డబుల్స్ టైటిల్ నెగ్గిన బోపన్న.. టెన్నిస్ ఓపెన్ ఎరాలో ఈ ఘనత సాధించిన అత్యంత పెద్ద వయస్కుడిగా రికార్డులకెక్కాడు. టెన్నిస్ చరిత్రలో ఇప్పటివరకూ అమెరికా టెన్నిస్ ప్లేయర్ మైక్ బ్రియాన్ (41 ఏండ్ల 76 రోజులు) పేరిట ఈ రికార్డు ఉండేది. ఆస్ట్రేలియా ఓపెన్ నెగ్గే రోజుకు బోపన్న వయసు 43 ఏండ్ల 329 రోజులు..
Doubles delight 🏆🏆@rohanbopanna 🇮🇳 and @mattebden 🇦🇺 defeat Italian duo Bolelli/Vavassori 🇮🇹 7-6(0) 7-5. @wwos • @espn • @eurosport • @wowowtennis pic.twitter.com/WaR2KXF9kp
— #AusOpen (@AustralianOpen) January 27, 2024
బోపన్నకు ఇది మూడో (పురుషుల) గ్రాండ్ స్లామ్ ఫైనల్ కాగా విజేతగా నిలిచింది మాత్రం ఆస్ట్రేలియా ఓపెన్ – 2024లోనే కావడం విశేషం. 2010లో బోపన్న.. పాకిస్తాన్ ఆటగాడు ఐసమ్ ఉల్ హక్ ఖురేసితో కలిసి యూఎస్ ఓపెన్ ఫైనల్ చేరాడు. గతేడాది బోపన్న – ఎబ్డెన్ల ద్వయం యూఎస్ ఓపెన్ ఫైనల్లో ఓడింది. ఈ విజయం ద్వారా బోపన్న మెన్స్ డబుల్స్లో వరల్డ్ నెంబర్ వన్ ర్యాంకును సొంతం చేసుకోవడం విశేషం. భారత్ నుంచి ఈ ఘనత అందుకున్నవారిలో బోపన్న నాలుగో ఆటగాడు. గతంలో లియాండర్ పేస్, మహేశ్ భూపతి, సానియా మీరజాలు ఈ ఘనత అందుకున్నారు.
Rohan Bopanna becomes the oldest man to win a Grand Slam in the Open Era.
He will also be the oldest #1 in the history of men’s doubles
43 years & 329 days young
His story is a beautiful reminder that it’s not our age that defines what we’re capable of
It’s our spirit
🇮🇳🧡🇮🇳 pic.twitter.com/2LkPZUMZzt
— The Tennis Letter (@TheTennisLetter) January 27, 2024