INDvsAFG T20I: సిరీస్ ప్రారంభానికి ముందే అఫ్గాన్కు భారీ షాక్.. స్టార్ స్పిన్నర్ ఔట్..
INDvsAFG T20I: అఫ్గానిస్తాన్ గురువారం నుంచి మెన్ ఇన్ బ్లూతో మూడు మ్యాచ్ల టీ20 సిరీస్ ఆడనుంది. ఈ మేరకు ఇరు జట్లూ ఇదివరకే మొహాలీ చేరుకుని ప్రాక్టీస్ కూడా మొదలుపెట్టిన నేపథ్యంలో అఫ్గాన్ జట్టుకు భారీ షాక్ తాకింది.
INDvsAFG T20I: భారత పర్యటనకు వచ్చిన అఫ్గానిస్తాన్ గురువారం నుంచి మెన్ ఇన్ బ్లూతో మూడు మ్యాచ్ల టీ20 సిరీస్ ఆడనుంది. ఈ మేరకు ఇరు జట్లూ ఇదివరకే మొహాలీ చేరుకుని ప్రాక్టీస్ కూడా మొదలుపెట్టిన నేపథ్యంలో అఫ్గాన్ జట్టుకు భారీ షాక్ తాకింది. టీ20లలో ఆ జట్టు మేటి బౌలర్ రషీద్ ఖాన్.. సిరీస్ మొత్తానికి దూరమయ్యాడు. వెన్నునొప్పికి ఆపరేషన్ చేయించుకున్న రషీద్ ఇంకా పూర్తిస్థాయిలో కోలుకోలేదని, అతడు ఈ సిరీస్ మొత్తానికి దూరమయ్యాడని స్టాండ్ ఇన్ కెప్టెన్ ఇబ్రహీం జద్రాన్ తెలిపాడు. అయితే సిరీస్ మొత్తానికి దూరమైనా రషీద్ మాత్రం జట్టుతోనే ఉండనున్నాడు.
వన్డే వరల్డ్ కప్ తర్వాత లోయర్ బ్యాక్ పెయిన్తో ఇబ్బందిపడ్డ రషీద్.. ఇటీవలే సర్జరీ చేయించుకున్నాడు. రషీద్ గైర్హాజరీలో అఫ్గాన్.. యూఏఈతో మూడు మ్యాచ్ల టీ20 సిరీస్ ఆడి 2-1 తేడాతో గెలుచుకుంది. ఇక భారత్తో టూర్కు జట్టును ప్రకటించే సమయంలో రషీద్ పేరును చేర్చినా అతడు ఆడటం కష్టమేనని అఫ్గాన్ క్రికెట్ బోర్డు కూడా సంకేతాలిచ్చింది. 18 మంది సభ్యుల జాబితాలో రషీద్ పేరును ఆఖరున చేర్చింది. తాజాగా జద్రాన్.. రషీద్ సిరీస్ నుంచి దూరమయ్యాడని చెప్పాడు. భారత పిచ్లపై అపార అనుభవం ఉన్న రషీద్ లేకపోవడంతో అఫ్గాన్ స్పిన్ దళాన్ని ముజీబ్ ఉర్ రెహ్మాన్, నూర్ అహ్మద్లు నడిపించనున్నారు. అంతేగాక ఆ జట్టులో సీనియర్ స్పిన్నర్ మహ్మద్ నబీ కూడా ఉన్నాడు.
Rashid Khan ruled out of the T20I series vs India. [Sportstar]#INDvsAFG pic.twitter.com/e11l1XOXoA
— Don Cricket 🏏 (@doncricket_) January 10, 2024
అఫ్గాన్ సారథి జద్రాన్ మాట్లాడుతూ… ‘అతడు (రషీద్) పూర్తి ఫిట్గా లేడు. కానీ జట్టుతో ట్రావెల్ అవుతున్నాడు. త్వరలోనే రషీద్ పూర్తి స్థాయిలో కోలుకుంటాడని మేం ఆశిస్తున్నాం. సర్జరీ తర్వాత అతడు వైద్యుల పర్యవేక్షణలోనే ఉన్నాడు. ఈ సిరీస్లో మేం అతడిని చాలా మిస్ అవుతున్నాం. రషీద్ లేకున్నా మా జట్టులో మ్యాచ్ విన్నర్లు ఉన్నారు. రషీద్ అనుభవం మాకు ఎంతో ఉపయోగపడేది. కానీ క్రికెట్లో ఎప్పుడేది జరుగుతుందో ఎవరూ ఊహించలేరు. అన్నింటికీ సిద్ధపడి ముందుకు సాగాలి..’ అని అన్నాడు.
భారత్తో సిరీస్లకు అఫ్గాన్ జట్టు: ఇబ్రహీం జద్రాన్ (కెప్టెన్), రెహ్మనుల్లా గుర్బాజ్, ఇక్రాం అలిఖిల్, హజ్రతుల్లా జజాయ్, రెహ్మత్ షా, నజీబుల్లా జద్రాన్, మహ్మద్ నబీ, కరిమ్ జనత్, అజ్మతుల్లా ఒమర్జయ్, షర్ఫుద్దీన్ అష్రఫ్, ముజీబ్ ఉర్ రెహ్మన్, ఫజల్ హక్ ఫరూఖీ, ఫరీద్ అహ్మద్, నవీన్ ఉల్ హక్, నూర్ అహ్మద్, మహ్మద్ సలీమ్, ఖాయిస్ అహ్మద్, గులాబుద్దీన్ నయీబ్
Read Today's Latest Sports News in Telugu and Telugu News
RELATED ARTICLES
తాజా వార్తలు
‘ఇబ్బందులు ఎదురైతే భయపడకుండా తెలుపాలి’
Samantha Ruth Prabhu | తల్లిదండ్రులైన సమంత – రాజ్ నిడిమోరు.. కొడుకుకు ‘దేవ్ నిడిమోరు’ అని నామకరణం!
Harish Rao | రేవంత్ రెడ్డికి కేసీఆర్ అంటే భయం పట్టుకుంది : హరీశ్ రావు
Delhi Capitals | దిల్లీ క్యాపిటల్స్కు మహేల జయవర్దనే.. తొలి టైటిల్ సాధించేనా..!
ఉర్సు వేడుకలను విజయవంతం చేయాలి : ఎమ్మెల్యే కోరం కనకయ్య
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

