Shoaib Bashir : భారత పర్యటనలో రాంచీ వేదికగా జరుగుతున్న నాలుగో టెస్టులో ఇంగ్లండ్(England) పట్టుబిగించింది. మాజీ కెప్టెన్ జో రూట్(122 నాటౌట్) సెంచరీ, రాబిన్సన్ (58) హాఫ్ సెంచరీతో భారీ స్కోర్ అందించగా.. ఆ తర్వాత యువ స్పిన్నర్ షోయబ్ బషీర్(Shoaib Bashir) తిప్పేశాడు. స్పిన్కు అనుకూలించిన పిచ్పై నాలుగు వికెట్లు తీసి భారత టాపార్డర్ను కూల్చాడు. 84 పరుగులకే 4 కీలక వికెట్లు తీశాడు. సుదీర్ఘ స్పెల్ వేసిన బషీర్ టీమిండియా పాలిట విలన్లా మారాడు.
తన సంచలన బౌలింగ్ ప్రదర్శనతో ఇంగ్లండ్ భావి స్పిన్నర్గా ప్రశంసలందుకుంటున్న బషీర్ గత రెండేండ్లలో ఎన్నో ఒడిదొడుకులు ఎదుర్కొన్నాడు. ఈ యంగ్స్టర్ కెరీర్ను మలుపు తిప్పిన సంఘటన గురించి మాజీ ఆటగాడు నిక్ నైట్(Nick Night) ఆసక్తికర విషయాలు చెప్పాడు. కౌంటీ జట్లు అయితే బషీర్పై ఎందుకు పనికిరాడనే ముద్ర వేశాయని నైక్ తెలిపాడు.
Shoaib Bashir is one of the great selections .. No first class experience .. No huge amount of wickets in the games he has played .. just a gut feel .. brilliant from the England selectors .. #INDvEnG
— Michael Vaughan (@MichaelVaughan) February 24, 2024
‘గత రెండేండ్లలో బషీర్ ఎన్నో కష్టాలు చవిచూశాడు. పాకిస్థాన్ మూలాలున్న అతడు ఎక్కడికి వెళ్లినా నో అనే అన్నారంతా. కౌంటీ జట్లు అతడిని ఒక్క చాన్స్ ఇవ్వలేదు. సర్రేతో పాటు పలు క్లబ్స్ బషీర్ను వదిలేశాయి. చివరకు సోమర్సెట్ (Somerset) జట్టు అతడిపై నమ్మకం ఉంచింది. ఆ జట్టు తరఫున కౌంటీ చాంపియన్షిప్లో బషీర్ అదరగొట్టాడు. మాజీ కెప్టెన్ అలెస్టర్ కుక్ను ఔట్ చేసి సెలెక్టర్ల దృష్టిలో పడ్డాడు. దాంతో, భారత పర్యటనకు ముందు బషీర్ను అబుదాబీ క్యాంప్కి ఎంపిక చేశారు. అలా అతడు ఇంగ్లండ్ జెర్సీ వేసుకున్నాడు’ అని నైట్ వెల్లడించాడు.
Gill ☝️
Patidar ☝️
Jadeja ☝️Shoaib Bashir has an outstanding session and India are under pressure! pic.twitter.com/c78bLkWKvx
— ESPNcricinfo (@ESPNcricinfo) February 24, 2024
ఉప్పల్ టెస్టులో ఆడాల్సిన బషీర్ వీసా ఆలస్యం కారణంగా వైజాగ్ టెస్టులో డెబ్యూ క్యాప్ అందుకున్నాడు. ఆ మ్యాచ్లో ఆకట్టుకున్న అతడు రాజ్కోట్ టెస్టులో బెంచ్కే పరిమితయ్యాడు. రాంచీ టెస్టుకు ఎంపికైన అతడు కెప్టెన్, కోచ్ నమ్మకాన్ని నిలబెట్టాడు. తొలుత బ్యాటర్లు భారీ స్కోర్ అందించగా.. ఆతర్వాత యువ స్పిన్నర్ టామ్ హర్ట్లేతో కలిసి తిప్పేశాడు.
Shoaib Bashir’s best day in cricket so far, but Jurel and Kuldeep stopped England’s charge in the last hour #INDvENG
▶️ https://t.co/N9hKxN5o8f pic.twitter.com/UzHhZjj6i6
— ESPNcricinfo (@ESPNcricinfo) February 24, 2024
కచ్చితమైన లైన్ అండ్ లెంగ్త్తో బౌలింగ్ చేసిన బషీర్ భారత బ్యాటర్లను ఇరుకున పెట్టాడు. శుభ్మన్ గిల్(38), యశస్వీ జైస్వాల్(73), రజత్ పాటిదార్(0), రవీంద్ర జడేజా()లాను పెవిలియన్ పంపి ఇంగ్లండ్ పట్టు బిగించేలా చేశాడు. బషీర్ విజృంభణతో టీమిండియా 177 పరుగులకే ఏడు వికెట్లు కోల్పోయింది. ఆ దశలో ధ్రువ్ జురెల్(30 నాటౌట్), కుల్దీప్ యాదవ్(17 నాటౌట్)లు పట్టుదలగా ఆడారు. ఎనిమిదో వికెట్కు 41 రన్స్ జోడించి భారత్ను ఆలౌట్ ప్రమాదం నుంచి గట్టెక్కించారు.