కరోనా నుంచి తాను కోలుకున్నట్లు పూజాహెగ్డే తెలిపింది. అభిమానుల ప్రేమ వల్లే కొవిడ్ను తరిమికొట్టగలిగానని తెలిపింది. కొన్నిరోజుల క్రితం పూజాహెగ్డే కరోనా బారిన పడింది. అప్పటి నుంచి సెల్ఫ్ ఐసోలేషన్లో ఉన్న ఆమె తన ఆరోగ్యానికి సంబంధించిన సమాచారాన్ని ప్రతిరోజు సోషల్మీడియా ద్వారా అభిమానులతో పంచుకుంది. బుధవారం నిర్వహించిన కరోనా పరీక్షలో తనకు నెగెటివ్గా ఫలితం వచ్చినట్లు పూజాహెగ్డే చెప్పింది ‘కరోనా నుంచి పూర్తిగా కోలుకున్నా. నెగెటివ్గా ఫలితం నిర్ధారణ అయ్యింది. ఇన్నాళ్లు మీరునాపై చూపించిన ప్రేమకు కృతజ్ఞతలు. అందరి ప్రార్ధనలతో స్వాంతనను చేకూర్చే శక్తిని పొందడం వల్లే ఈ మ్యాజిక్ జరిగింది’ అంటూ ట్విట్టర్ ద్వారా పూజాహెగ్డే వెల్లడించింది. సెల్ఫ్ ఐసోలేషన్లో యోగా, ధ్యానంతో పాటు పుస్తకాలు చదువుతూ సమయాన్ని సద్వినియోగం చేసుకుంది పూజాహెగ్డే. ప్రస్తుతం తెలుగు, తమిళ, హిందీ భాషల్లో సినిమాలు చేస్తోంది పూజాహెగ్డే.